ഒ​മാ​ൻ കൊ​ടു​ങ്ങ​ല്ലൂ​ർ കൂ​ട്ടാ​യ്മ സൗ​ജ​ന്യ മെ​ഡി​ക്ക​ൽ ക്യാ​മ്പ്

മ​സ്ക​ത്ത്​: ഒ​മാ​ൻ കൊ​ടു​ങ്ങ​ല്ലൂ​ർ കൂ​ട്ടാ​യ്‌​മ​യും ബ​ദ​ർ അ​ൽ സ​മ ഹോ​സ്പി​റ്റ​ലും സം​യു​ക്ത​മാ​യി സൗ​ജ​ന്യ മെ​ഡി​ക്ക​ൽ ക്യാ​മ്പ് സം​ഘ​ടി​പ്പി​ച്ചു. മ​ബേ​ല സ​ന​യ്യ​യി​ൽ അ​ഞ്ച്​ സ്പെ​ഷ്യ​ലി​സ്റ്റ് ഡോ​ക്ട​ർ​മാ​ർ, ഇ.​സി.​ജി അ​ട​ക്ക​മു​ള്ള അ​തി​വി​പു​ല​മാ​യ സം​വി​ധാ​ന​ത്തോ​ടെ ഒ​രു​ക്കി​യ മെ​ഡി​ക്ക​ൽ ക്യാ​മ്പ് ജ​ന​ങ്ങ​ളു​ടെ പ​ങ്കാ​ളി​ത്ത​ത്താ​ലും സം​ഘാ​ട​ന മി​ക​വു​കൊ​ണ്ടും ഏ​റെ ശ്ര​ദ്ധേ​യ​മാ​യി. ഒ​മാ​നി​ലെ ജീ​വ​കാ​രു​ണ്യ സാ​മൂ​ഹി​ക ക്ഷേ​മ പ​രി​പാ​ടി​ക​ളി​ൽ സൗ​ജ​ന്യ മെ​ഡി​ക്ക​ൽ ക്യാ​മ്പ്, ചി​കി​ത്സ സ​ഹാ​യ​ങ്ങ​ൾ, ജോ​ലി​സം​ബ​ന്ധ​മാ​യ ബു​ദ്ധി​മു​ട്ടു​ക​ൾ അ​നു​ഭ​വി​ക്കു​ന്ന​വ​ർ​ക്കു​ള്ള സ​ഹാ​യ​ങ്ങ​ൾ തു​ട​ങ്ങി​യ​വ കൊ​ടു​ങ്ങ​ല്ലൂ​ർ കൂ​ട്ടാ​യ്‌​മ ന​ട​ത്തി​വ​രു​ന്നു​​ണ്ട്.

കൂ​ട്ടാ​യ്മ​യു​ടെ വാ​ർ​ഷി​ക​ത്തോ​ട് അ​നു​ബ​ന്ധി​ച്ച് കു​ട്ടി​ക​ൾ​ക്കാ​യി വ​നി​ത വി​ഭാ​ഗം സം​ഘ​ടി​പ്പി​ച്ച പോ​സ്റ്റ​ർ ഡി​സൈ​നി​ങ് മ​ത്സ​ര​ത്തി​ൽ സ​മ്മാ​നാ​ർ​ഹ​രാ​യ​വ​ർ​ക്ക് മെ​ഡി​ക്ക​ൽ ക്യാ​മ്പി​ൽ സ​മ്മാ​ന​വി​ത​ര​ണ​വും ന​ട​ന്നു. പ്ര​സി​ദ്ധ ചി​ത്ര​കാ​ര​ൻ ഡാ​വി​ഞ്ചി സു​രേ​ഷാ​യി​രു​ന്നു വി​ധി​ക​ർ​ത്താ​വ്.

വൈ​സ് പ്ര​സി​ഡ​ന്റ് അ​ൻ​സാ​ർ കു​ഞ്ഞി​മൊ​യ്തീ​ൻ അ​ധ്യ​ക്ഷ​ത​വ​ഹി​ച്ചു. ച​ട​ങ്ങി​ൽ ജ​ന​റ​ൽ സെ​ക്ര​ട്ട​റി ല​ബീ​ഷ് സ്വാ​ഗ​ത​വും ട്ര​ഷ​റ​ർ സു​നി​ൽ കാ​ട്ട​ക​ത്ത് ന​ന്ദി​യും പ​റ​ഞ്ഞു. സ്ത്രീ​ക​ളും കു​ട്ടി​ക​ളു​മ​ട​ക്കം 600ൽ​പ​രം അം​ഗ​ങ്ങ​ൾ പ​ങ്കെ​ടു​ത്തു.