പ്രവാസി വെൽഫെയര്‍ യൂത്ത് ആൻഡ് സ്പോര്‍ട്‌സ് വിഭാഗം ജഅ്ലാന്‍ യൂനിറ്റ് അല്‍ വഹ്ദ ഫ്ലഡ് ലൈറ്റ് സ്റ്റേഡിയത്തില്‍ നടത്തിയ ഫുട്ബാള്‍ ടൂര്‍ണമെന്റില്‍ ജേതാക്കളായ എഫ്.സി ജഅ്ലാന്‍
മസ്‌കത്ത്: പ്രവാസി വെൽഫെയർ യൂത്ത് ആൻഡ് സ്പോര്‍ട്‌സ് വിഭാഗം ജഅ്ലാന്‍ യൂനിറ്റ് അല്‍ വഹ്ദ ഫ്ലഡ് ലൈറ്റ് സ്റ്റേഡിയത്തില്‍ നടത്തിയ ഫുട്ബാള്‍ ടൂര്‍ണമെന്റില്‍ എഫ്.സി ജഅ്ലാന്‍ ജേതാക്കളായി.
ഫൈനലിൽ അല്‍ കാമില്‍ എഫ്.സിയെയാണ് പരാജയപ്പെടുത്തിയത്. എട്ട് ടീമുകള്‍ പങ്കെടുത്ത ടൂര്‍ണമെന്റില്‍ മികച്ച ഗോളിയായി അല്‍ കാമില്‍ എഫ്.സിയിലെ ഷിഹാബിനെയും മികച്ച താരമായി എഫ്.സി ജഅ്ലാന്റെ നിഷാദിനെയും ടോപ് സ്‌കോററായി എഫ്.സി ജഅ്ലാന്റെ ഫാറൂഖിനെയും പ്രതിരോധ താരമായി എഫ്.സി.അല്‍ കാമിലിന്റെ സിമോനിനെയും തിരഞ്ഞെടുത്തു. ടൂര്‍ണമെന്റ് മുഹമ്മദ് നിജാസ് ഉദ്ഘാടനം ചെയ്തു. ജേതാക്കള്‍ക്ക് 201 റിയാലും ട്രോഫിയും റണ്ണേഴ്‌സിന് 101 റിയാലും ട്രോഫിയും സമ്മാനിച്ചു. സെക്രട്ടറി നൗഷാദ് സി. മാനഞ്ചേരി, ട്രഷറര്‍ ബിലാല്‍ തങ്ങള്‍ എന്നിവര്‍ ട്രോഫി വിതരണം നടത്തി. പ്രവാസി വെൽഫെയര്‍ ജഅ്ലാന്‍ പ്രസിഡന്റ് സിറാജ് ദിവാരിയുടെ നേതൃത്വത്തിലായിരുന്നു ടൂര്‍ണമെന്റ് നടന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.