പരിക്കേറ്റയാളെ രക്ഷിച്ചപ്പോൾ
മസ്കത്ത്: ദിമ വത്തയ്യീൻ വിലായത്തിലെ ജബൽ അൽ-അബ്യാദിൽനിന്ന് വീണ വിദേശിയെ റോയൽ ഒമാൻ പൊലീസ് രക്ഷപ്പെടുത്തി. വടക്കൻ ശർഖിയ ഗവർണറേറ്റ് പൊലീസ് കമാൻഡ്, സിവിൽ ഡിഫൻസ്, ആംബുലൻസ് അതോറിറ്റി, നാട്ടുകാർ എന്നിവരുടെ സഹകരണത്തോടെയാണ് ഏഷ്യൻ വംശജനായ ആളെ രക്ഷിച്ചത്. ഉയർന്ന സ്ഥലത്തുനിന്ന് വീണതിന്‍റെ ഫലമായി ഇദ്ദേഹത്തിന് പരിക്കു പറ്റിയിട്ടുണ്ട്. ചികിത്സക്കായി ആശുപത്രിയിലേക്ക് മാറ്റിയതായി റോയൽ ഒമാൻ പൊലീസ് അറിയിച്ചു. നേരത്തേ ഇദ്ദേഹത്തെ കാണാനില്ലെന്ന് പരാതിയുണ്ടായിരുന്നു. തുടർന്ന് ഡോഗ് സ്ക്വാഡിന്‍റെയും മറ്റും സഹകരണത്തോടെ നടത്തിയ പരിശോധനയിലാണ് ഗുരുതരമായ പരിക്കേറ്റ നിലയിൽ കണ്ടെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.