ദോഹ: പ്രമുഖ സംവിധായകനും തിരക്കഥാകൃത്തുമായിരുന്ന സിദ്ദീഖിന്റെ സ്മരണയിൽ ഇവൻടോസ് മീഡിയ ദോഹയിൽ അനുസ്മരണ സംഗമം സംഘടിപ്പിക്കുന്നു. ‘ഓർമകളിൽ സിദ്ദീക്ക’ എന്ന പേരിൽ വെള്ളിയാഴ്ച വൈകീട്ട് 6.30 മുതൽ ഐ.സി.സി അശോക ഹാളിൽ നടക്കുന്ന പരിപാടിയിൽ പ്രമുഖ സംവിധായകൻ ലാൽ ജോസ് അനുസ്മരണ ഭാഷണം നടത്തും. ഇന്ത്യൻ കമ്യൂണിറ്റി നേതാക്കളായ എ.പി. മണികണ്ഠൻ, ഷാനവാസ് ബാവ, നിഹാദ് അലി എന്നിവരും ദോഹയിലെ കലാ-സാസ്കാരിക പ്രവർത്തകരും സംബന്ധിക്കും.
മലയാളികൾ എക്കാലവും ഓർത്തുവെക്കുന്ന ഒട്ടേറെ ശ്രദ്ധേയമായ സിനിമകൾ ആസ്വാദകർക്ക് സമ്മാനിച്ച സിദ്ദീഖ് കഴിഞ്ഞ വർഷം ആഗസ്റ്റ് എട്ടിനായിരുന്നു കരൾ സംബന്ധമായ അസുഖത്തെത്തുടർന്ന് മരിച്ചത്. അദ്ദേഹത്തിന്റെ ഓർമകൾ പുതുക്കാനും സ്നേഹാദരവുകൾ അർപ്പിക്കാനും സംഘടിപ്പിക്കപ്പെടുന്ന പരിപാടിയിലേക്ക് എല്ലാവരെയും സ്വാഗതം ചെയ്യുന്നതായി സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.