ഐ.സി.സി അശോക ഹാളിൽ നടന്ന ചടങ്ങിൽ സ്ഥാനമേറ്റ ഐ.സി.ബി.എഫ് ഭാരവാഹികൾ
മുൻ കമ്മിറ്റി അംഗങ്ങൾക്കൊപ്പം
ദോഹ: ഇന്ത്യൻ എംബസി അപെക്സ് ബോഡി സംഘടനകളായ ഇന്ത്യൻ കമ്യൂണിറ്റി ബെനവലന്റ് ഫോറം (ഐ.സി.ബി.എഫ്), ഇന്ത്യൻ സ്പോർട്സ് സെന്റർ (ഐ.എസ്.സി) ഭാരവാഹികൾ ചുമതലയേറ്റു.
കഴിഞ്ഞ ദിവസങ്ങളിൽ ഐ.സി.സി അശോക ഹാളിൽ നടന്ന വ്യത്യസ്ത ചടങ്ങുകളിലായിരുന്നു എംബസി ഉദ്യോഗസ്ഥരുടെയും കമ്യൂണിറ്റി നേതാക്കളുടെയും സാന്നിധ്യത്തിൽ ഇരു സമിതികളും സ്ഥാനമേറ്റത്. മാർച്ച് ആദ്യ വാരത്തിൽ നടന്ന വോട്ടെടുപ്പിലായിരുന്നു ഷാനവാസ് ബാവ അധ്യക്ഷനായി ഐ.സി.ബി.എഫിനും ഇ.പി അബ്ദുറഹ്മാൻ അധ്യക്ഷനായി ഐ.എസ്.സിക്കും പുതിയ സമിതികൾ തിരഞ്ഞെടുക്കപ്പെട്ടത്.
ഐ.സി.സി സ്ഥാനാരോഹണ ചടങ്ങിൽ എംബസി ഫസ്റ്റ് സെക്രട്ടറി സചിൻ ദിനകർ ശങ്ക്പാൽ മുഖ്യാതിഥിയായി. കഴിഞ്ഞ കമ്മിറ്റിയിലെ പ്രസിഡന്റ് ഡോ. മോഹൻ തോമസ്, മുൻ പ്രസിഡന്റ് ഹസൻ ചൗഗ്ലേ എന്നിവരും പങ്കെടുത്തു. നിഹാദ് അലി, പ്രദീപ് പിള്ള, ഷാലിനി തിവാരി, ജോൺ ദോശയ്, ദീപേഷ് ഗോവിന്ദൻ കുട്ടി എന്നിവർ അടങ്ങിയ പുതിയ മാനേജ്മെന്റ് കമ്മിറ്റിയാണ് സ്ഥാനമേറ്റത്.
ഐ.സി.സി സ്ഥാനാരോഹണ ചടങ്ങിൽ പുതിയ പ്രസിഡന്റ് ഇ.പി. അബ്ദുറഹ്മാൻ, സ്ഥാനമൊഴിഞ്ഞ പ്രസിഡന്റ് ഡോ. മോഹൻ തോമസിനൊപ്പം കേക്ക് മുറിക്കുന്നു. സഹഭാരവാഹികൾ സമീപം
ഖത്തറിലെ ഇന്ത്യൻ പ്രവാസികളുടെ കായിക പ്രവർത്തനങ്ങൾക്ക് നേതൃത്വം നൽകുന്ന ഐ.എസ്.സിയുടെ പുതിയ സമിതിക്ക് രണ്ടു വർഷമാണ് കാലാവധി. ശനിയാഴ്ച ഐ.സി.സി അശോക ഹാളിൽ നടന്ന പരിപാടിയിലാണ് ഐ.സി.ബി.എഫ് ഭാരവാഹികൾ ചുമതലയേറ്റത്.
എംബസി ഫസ്റ്റ് സെക്രട്ടറി സുമൻ സോൻകർ മുഖ്യാതിഥിയായി. സ്ഥാനമൊഴിഞ്ഞ നിലവിലെ ആക്ടിങ് പ്രസിഡന്റ് വിനോദ് നായർ, സെക്രട്ടറി സാബിത് സഹീർ എന്നിവർ രേഖകളും മറ്റും ഷാനവാസ് ബാവ അധ്യക്ഷനായ സമിതിക്കു കൈമാറി. കെ. മുഹമ്മദ് കുഞ്ഞി, കുൽദീപ് കൗർ ബഹൽ, വർക്കി ബോബൻ, ദീപക് ഷെട്ടി, സമീർ അഹമ്മദ് എന്നീ മാനേജ്മെന്റ് പ്രതിനിധികളെയാണ് പുതുതായി തിരഞ്ഞെടുത്തത്. എ.പി. മണികണ്ഠൻ അധ്യക്ഷനായ ഇന്ത്യൻ കൾച്ചറൽ സെന്റർ ഭാരവാഹികൾ നേരത്തെ സ്ഥാനമേറ്റിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.