ന​ട​ന്നുന​ട​ന്ന് ഒ​ടു​വി​ൽ റൊ​ണാ​ൾ​ഡോ​യെ​ക്കണ്ട് കൈയൊ​പ്പ് വാ​ങ്ങി സി​വി​ൻ...

റി​യാ​ദ് : ഈ ​വ​ർ​ഷം മാ​ർ​ച്ച് ഏഴിന് ​ഷാ​ർ​ജ അ​ൽ-​ന​ദി​യി​ൽ നി​ന്ന് ഒ​രു ചെ​റു​പ്പ​ക്കാ​ര​ൻ പു​റ​കി​ലൊ​രു ബാ​ഗും തൂ​ക്കി ന​ട​ന്നു തു​ട​ങ്ങി. ല​ക്ഷ്യം സൗ​ദി ത​ല​സ്ഥാ​ന​ത്തെ അ​ൽനസ​ർ ഫു​ട്ബാ​ൾ ക്ല​ബി​ന്റെ ആ​സ്ഥാ​നം. ത​ന്റെ ആ​രാ​ധ​നാ പു​രു​ഷ​നായ ഫു​ട്ബാ​ൾ ഇ​തി​ഹാ​സം ക്രിസ്റ്റ്യാനോ റൊ​ണാ​ൾ​ഡോയെ കാണാനാണ് ആ യാത്ര. പറ്റുമെങ്കിൽ അയാൾക്കൊപ്പം ഒരു സെ​ൽ​ഫി​യെ​ടു​ക്ക​ണം, ഒ​രു കൈയൊ​പ്പ് വാ​ങ്ങ​ണം.

ല​ക്ഷ്യ​ത്തി​ലേ​ക്കു​ള്ള യാ​ത്ര​യി​ൽ ത​ണു​പ്പോ ചൂ​ടോ മ​രു​ഭൂ​മി​യു​ടെ വി​ജ​ന​ത​യോ ഒ​ന്നും കെ.പി. സി​വി​ൻ എന്നു​ പേരുള്ള ആ മലയാളി യുവാവിന് ത​ട​സ്സ​മ​ല്ലാ​യി​രു​ന്നു .12 ദി​വ​സം കൊ​ണ്ട് കി​ലോ​മീ​റ്റ​റു​ക​ൾ ന​ട​ന്നു​താ​ണ്ടി സൗ​ദി-​യു.എ.ഇ അ​തി​ർ​ത്തി​യാ​യ ബ​ത്ഹ​യി​ലെ​ത്തി. ഉ​ദ്യോ​ഗ​സ്ഥ​രെ​ല്ലാം അ​തി​ഥി​യെ പോ​ലെ സ്വീ​ക​രി​ച്ചു. വെ​ള്ള​വും ബി​സ്ക​റ്റും ന​ൽ​കി. ല​ക്ഷ്യം പ​റ​ഞ്ഞ​പ്പോ​ൾ പ്രാ​ർ​ഥ​ന​യോ​ടെ ആ​ശീ​ർ​വ​ദി​ച്ചു. യാ​ത്ര​യി​ലു​ട​നീ​ളം സൗ​ദി​യു​ടെ ആ​തി​ഥേ​യ​ത്വം രു​ചി​ച്ചു​കൊ​ണ്ടി​രു​ന്നു. പെ​ട്രോ​ൾ പ​മ്പി​ലും, തൊ​ഴി​ലാ​ളി​ക​ളു​ടെ ക്യാ​മ്പി​ലും വി​ശ്ര​മി​ച്ചും അ​ന്തി​യു​റ​ങ്ങി​യും ന​ട​ത്തം പു​രോ​ഗ​മി​ച്ചു.

ഒ​ടു​വി​ൽ ഏ​പ്രി​ൽ 11 ന് ​റി​യാ​ദി​ലെ​ത്തി. ത​ന്റെ സ്വ​പ്ന​ത്തോ​ളം ഉ​യ​ര​മു​ണ്ടാ​യി​രു​ന്നി​ല്ല റി​യാ​ദ് ന​ഗ​ര​ത്തി​ന്റെ ന​ടു​ക്ക് ത​ല ഉ​യ​ർ​ത്തി നി​ൽ​ക്കു​ന്ന കെ​ട്ടി​ട​ങ്ങ​ൾ​ക്കെ​ന്ന് സി​വി​ൻ പ​റ​യു​ന്നു. വൈ​കാ​തെ അ​ൽന​സ​ർ ക്ല​ബ് താ​ര​ങ്ങ​ൾ പ​രി​ശീ​ല​നം ന​ട​ത്തു​ന്ന കേ​ന്ദ്രം ക​ണ്ടെ​ത്തി. എ​ല്ലാ ദി​വ​സം രാ​വി​ലെ പ​രി​ശീ​ല​ന കേ​ന്ദ്ര​ത്തി​ന്റെ ക​വാ​ട​ത്തി​ലെ​ത്തും. ചീ​റി​പ്പാഞ്ഞു വ​രു​ന്ന വെ​ളു​ത്ത ബെ​ന്റ്ലി കാ​റി​ൽ പ​ല​പ്പോ​ഴും റൊണാൾഡോയെ ഒ​രു നോ​ക്കു​ക​ണ്ടു. ഇ​ട​ക്കൊ​ക്കെ ഒ​രു ചി​രി​യും സ​മ്മാ​നി​ച്ചു. ല​ക്ഷ്യം പ​ക്ഷെ അ​ത​ല്ല, നേ​രി​ൽ ക​ണ്ടൊ​രു ഹാ​യ് പ​റ​യ​ലാ​ണ്. കൈയി​ൽ ക​രു​തി​യ ടീ​ഷ​ർ​ട്ടി​ൽ ഒ​രു ഒ​പ്പ് വാ​ങ്ങ​ലാ​ണ്.

ദി​വ​സ​ങ്ങ​ൾ ഓ​രോ​ന്ന് ക​ട​ന്നു​പോ​വുകയാണ്. എ​ല്ലാ ദി​വ​സ​വും രാ​വി​ലെ ഒമ്പതു മ​ണി​ക്ക് സി​വി​ൻ പ​രി​ശീ​ല​നം ന​ട​ക്കു​ന്ന ഗ്രൗ​ണ്ടി​ന് മു​ന്നി​ലെ​ത്തും. 11 മ​ണി​ക്ക് റൊ​ണാ​ൾ​ഡോ​യും അ​വി​ടെ​യെ​ത്തും 12.30ന് ​അ​യാ​ൾ ഗ്രൗ​ണ്ടി​ൽ ഇ​റ​ങ്ങും. മൂന്നു മ​ണി​ക്ക് തി​രി​ച്ചു വീ​ട്ടി​ലേ​ക്ക് ​മ​ട​ങ്ങും.

ഇ​തി​നി​ട​യി​ൽ സി​വി​ൻ പ​ല ത​വ​ണ അ​ങ്ങോ​ട്ട് കാ​ണു​ന്നു​ണ്ടെ​ങ്കി​ലും റൊ​ണാ​ൾ​ഡോ​യു​ടെ ക​ണ്ണി​ൽ പ​തി​യു​ന്നി​ല്ല. 13 ദി​വ​സം പി​ന്നി​ട്ടു. ല​ക്ഷ്യം സാ​ധ്യ​മാ​യി​ല്ല. ല​ക്ഷ്യം കാ​ണാ​തെ മ​ട​ങ്ങാ​ൻ അ​യാ​ൾ ഒ​രു​ക്ക​വു​മി​ല്ലാ​യി​രു​ന്നു. യാ​ത്ര​ക്കു​മു​മ്പ് സി​വി​ൻ പോ​ർ​ചുഗീ​സ് ഭാ​ഷ പ​ഠി​ച്ചു. റെ​ണാ​ൾ​ഡോ​യെ കാ​ണാ​ൻ സൗ​ദി​യി​ലേ​ക്കു കാ​ൽ​ന​ട​യാ​യി പു​റ​പ്പെ​ടു​ക​യാ​ണെ​ന്നും ആ​ഗ്ര​ഹം സാ​ധ്യ​മാ​ക്കാ​ൻ പ്രാ​ർ​ഥി​ക്ക​ണ​മെ​ന്നും വീ​ഡി​യോ റെ​ക്കോ​ഡ് ചെ​യ്ത് ഇ​ൻ​സ്റ്റാ​ഗ്രാ​മി​ൽ പോ​സ്റ്റ് ചെ​യ്തു. ഇ​ത് റി​യാ​ദ് ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന മി​ഡി​ലീ​സ്റ്റി​ലെ അ​റ​ബി​ക് ടെ​ലി​വി​ഷ​ൻ ചാ​ന​ലാ​യ എം.​ബി.​സി വാ​ർ​ത്ത​യാ​ക്കി​യി​രു​ന്നു.

ഇ​ത് ശ്ര​ദ്ധ​യി​ൽ പെ​ട്ടി​ട്ടാ​വ​ണം, അ​ൽനസ​ർ ക്ല​ബി​ന്റെ സം​ഘാ​ട​ക​ർ സി​വി​നെ ഓ​ഫി​സി​ൽ വി​ളി​ച്ചും സ​മ്മാ​നം കൊ​ടു​ത്തും സ​ൽ​ക്ക​രി​ച്ചു. അ​വ​രും കൂ​ടി​ക്കാ​ഴ്ച ഉ​റ​പ്പു​ന​ൽ​കി​യി​ല്ല. 14-ാമ​ത്തെ ദി​വ​സം പ​രി​ശീ​ല​ന കേ​ന്ദ്ര​ത്തി​ന്റെ ഗേ​റ്റി​ൽ വ​ന്ന ബെ​ൻ​ലി കാ​റി​ന്റെ ഗ്ലാസ് താ​ഴ്‌​ന്നുവ​ന്നു. നി​റചി​രി​യോ​ടെ തന്റെ ഇഷ്ടതാരം. റൊ​ണാ​ൾ​ഡോയുടെ അ​ടു​ത്തേ​ക്കു ചെ​ന്നു. പ​ഠി​ച്ചു വെ​ച്ച പോ​ർ​ചുഗീ​സ് ഭാ​ഷ​യി​ൽ സ്വ​യം പ​രി​ച​യ​പ്പെ​ടു​ത്തി. യു.എ.ഇയിൽനിന്ന് ന​ട​ന്നുവ​ന്ന​തും പ​റ​ഞ്ഞു. ആ​ശ്ച​ര്യ​ത്തോ​ടെ അ​യാ​ളു​ടെ ചി​രി​ക്ക് പ്ര​സ​രി​പ്പു​കൂ​ടി.

ഒ​രു ഒ​പ്പ് കി​ട്ടാ​ൻ കൈയി​ൽ ക​രു​തി​യ ടീ ​ഷ​ർ​ട്ട് എ​ടു​ത്ത് കൊ​ടു​ത്തു. സി​വി​ന്റെ സ്വ പ്നം ആ ​ടീ ഷ​ർ​ട്ടി​ൽ പ​തി​ഞ്ഞു. ഒ​രു സെ​ൽ​ഫി​യും പ​ക​ർ​ത്തി. എ​ല്ലാം​കൂ​ടി ഒ​ന്ന​ര മി​നിറ്റ്. ഗു​ഡ് ബൈ...​അ​പ്പോ​ഴേ​ക്കും ആ​ളു​ക​ൾ കൂ​ടി വാ​ഹ​നം മു​ന്നോ​ട്ടു​നീ​ങ്ങി. അ​വി​സ്മ​ര​ണീ​യ​നി​മി​ഷം സ​മ്മാ​നി​ച്ച ത​ന്റെ ആ​രാ​ധ്യ താ​ര​ത്തി​നും ദൈ​വ​ത്തി​നും സി​വി​ൻ ന​ന്ദി പ​റ​ഞ്ഞു. ഈ ​ഒ​ന്ന​ര​മി​നിറ്റ് നേ​ര​ത്തി​നായാ​ണ് 31 ദി​വ​സം ന​ട​ന്ന​ത്, 14 ദി​വ​സം കാ​ത്തു നി​ന്ന​ത്. സി​വി​ന്റെ സ്വ​പ്ന​ത്തി​ന് റി​യാ​ദി​ൽ തി​ര​ശീ​ല വീ​ണി​രി​ക്കു​ന്നു.

ഇ​നി തൊ​ഴി​ലി​ട​മാ​യ ദു​ബൈ​യി​ലേ​ക്ക് പ​റ​ക്ക​ണം. ദു​ബൈ​യി​ൽ ര​ണ്ട​ര വ​ർ​ഷ​മാ​യി പ്ര​വാ​സി​യാ​യ കോഴിക്കോട് കോ​ട​ഞ്ചേ​രി സ്വ​ദേ​ശി സി​വി​ൻ 2021ൽ 3500 ​കി​ലോ​മീ​റ്റ​ർ താ​ണ്ടി ക​ശ്‌​മീ​രി​ലേ​ക്ക് കാ​ൽ​ന​ട​യാ​ത്ര ചെ​യ്തി​ട്ടു​ണ്ട്. ദാ​രി​ദ്ര്യവും ക​ഷ്‌​ട​പ്പാ​ടും പ​രി​ഹാ​സ​വും മ​റി​ക​ട​ന്ന് നി​ശ്ച​യ​ദാ​ർ​ഢ്യം കൈ​മു​ത​ലാ​ക്കി ലോ​ക​ത്തി​നു മു​ന്നി​ൽ ത​ല​യു​യ​ർ​ത്തി നി​ൽ​ക്കു​ന്ന ക്രി​സ്റ്റ്യാ​നോ​യ​ല്ലാ​തെ ആ​രാ​ണ് സാ​ഹ​സി​ക യാ​ത്ര​ക​ൾ​ക്കു​ള്ള പ്ര​ചോ​ദ​ന​മെ​ന്ന് ചോ​ദ്യ​ത്തി​ന് മ​റു​പ​ടി​യാ​യി സി​വി​ൻ 'ഗ​ൾ​ഫ് മാ​ധ്യ​മ' ത്തോ​ട് പ്ര​തി​ക​രി​ച്ചു.