മീ​ഡി​യവ​ൺ സൂ​പ്പ​ർ ക​പ്പ്: വിജയകിരീടം ചൂടി യൂത്ത് ഇന്ത്യ

റി​യാ​ദ്: മൂ​ന്നാ​മ​ത് മീ​ഡി​യവ​ൺ സൂ​പ്പ​ർ ക​പ്പ് ഫു​ട്​​ബാ​ൾ ടൂ​ർ​ണ​മെ​ന്റി​ൽ​ റി​യാ​ദി​ലെ മു​ൻ​നി​ര ക്ല​ബു​ക​ളി​ലൊ​ന്നാ​യ യൂ​ത്ത് ഇ​ന്ത്യ സോ​ക്ക​ർ വി​ജ​യ​കി​രീ​ടം ചൂ​ടി. സു​ലൈ അ​ൽ​മു​ത​വ പാ​ർ​ക്ക് അ​ക്കാ​ദ​മി ഫു​ട്​​ബാ​ൾ സ്​​റ്റേ​ഡി​യ​ത്തി​ൽ രാ​വേ​റെ നീ​ണ്ടു​നി​ന്ന മ​ത്സ​ര​ത്തി​നൊ​ടു​വി​ൽ സ്പോ​ർ​ട്ടി​ങ്​ എ​ഫ്.​സി​യെ ഏ​ക​പ​ക്ഷീ​യ​മാ​യ ഒ​രു ഗോ​ളി​നാ​ണ്​ പ​രാ​ജ​യ​പ്പെ​ടു​ത്തി​യ​ത്.

ക​ളി​യു​ടെ 45-ാം മി​നി​റ്റി​ൽ സ്പോ​ർ​ട്ടി​ങ്​ എ​ഫ്.​സി​യു​ടെ ഗോ​ൾ മു​ഖ​ത്തു​നി​ന്നും 200 വാ​ര​യ​ക​ലെ നി​ന്ന് നി​യാ​സ് ഈ​ങ്ങാ​പ്പു​ഴ തൊ​ടു​ത്തു​വി​ട്ട കൂ​റ്റ​ന​ടി​യാ​ണ് യൂ​ത്ത് ഇ​ന്ത്യ​യു​ടെ വി​ജ​യം നി​ർ​ണ​യി​ച്ച​ത്.

ക​ളി​യു​ടെ ഒ​രു ഘ​ട്ട​ത്തി​ൽ റെ​ഡ് കാ​ർ​ഡ് ല​ഭി​ച്ച യൂ​ത്ത് ഇ​ന്ത്യ എ​ട്ടു പേ​രാ​യി ചു​രു​ങ്ങി​യി​ട്ടും മി​ക​ച്ച അ​വ​സ​ര​ങ്ങ​ൾ ഉ​പ​യോ​ഗി​ക്കാ​ൻ സ്പോ​ട്ടി​ങ്ങി​നാ​യി​ല്ല. വി​ജ​യി​ക​ൾ​ക്ക് ഗ​ൾ​ഫ്​ മാ​ധ്യ​മം-​മീ​ഡി​യ​വ​ൺ കോ​ഓ​ഡി​നേ​ഷ​ൻ ക​മ്മി​റ്റി കോ​ഓ​ഡി​നേ​റ്റ​ർ അ​ഷ്റ​ഫ് കൊ​ടി​ഞ്ഞി മെ​ഡ​ലു​ക​ളും വി​ന്നേ​ഴ്സ് ട്രോ​ഫി​യും മീ​ഡി​യ വ​ൺ റീ​ജ​ന​ൽ ഹെ​ഡ് ഹ​സ​നു​ൽ ബ​ന്ന കാ​ഷ് പ്രൈ​സും ന​ൽ​കി.

റ​ണ്ണേ​ഴ്സ് അ​പ്പി​നു​ള്ള മെ​ഡ​ലു​ക​ളും ട്രോ​ഫി​യും റി​ഫ പ്ര​സി​ഡ​ൻ​റ്​ ബ​ഷീ​ർ ചേ​ലാ​മ്പ്ര​യും കാ​ഷ് അ​വാ​ർ​ഡ് മീ​ഡി​യ വ​ൺ ചീ​ഫ് ക​റ​സ്പോ​ണ്ട​ൻ​റ്​ അ​ഫ്താ​ബു​റ​ഹ്​​മാ​നും സ​മ്മാ​നി​ച്ചു. നി​യാ​സ് ഈ​ങ്ങാ​പ്പു​ഴ​യാ​ണ് ക​ലാ​ശ​പ്പോ​രി​ലെ മി​ക​ച്ച താ​ര​മാ​യി തെ​ര​ഞ്ഞെ​ടു​ക്ക​പ്പെ​ട്ട​ത്.

നേ​ര​ത്തെ സെ​മി ഫൈ​ന​ലി​ൽ മ​ൻ​സൂ​ർ റ​ബി​അ​യെ പ​രാ​ജ​യ​പ്പെ​ടു​ത്തി​യാ​ണ് സ്പോ​ർ​ട്ടി​ങ്​ എ​ഫ്.​സി ഫൈ​ന​ലി​ൽ പ്ര​വേ​ശി​ച്ച​ത്. ക​ളി​യു​ടെ നാ​ലാം മി​നി​റ്റി​ൽ അ​ർ​ഷ​ദ് മ​ൻ​സൂ​ർ റ​ബി​അ​യെ മു​ന്നി​ലെ​ത്തി​ച്ചെ​ങ്കി​ലും മ​നോ​ഹ​ര​മാ​യ ഒ​രു ഫ്രീ ​കി​ക്കി​ലൂ​ടെ അ​ക്ഷ​യ് സ്പോ​ർ​ട്ടി​ങ് എ​ഫ്.​സി​യെ സ​മ​നി​ല​യി​ലെ​ത്തി​ച്ചു.

ടൈ ​ബ്രേ​ക്ക​റി​ൽ ഭാ​ഗ്യം സ്പോ​ർ​ട്ടി​ങ് എ​ഫ്‌.​സി​ക്കൊ​പ്പ​മാ​യി​രു​ന്നു. റി​യ​ൽ കേ​ര​ള​യു​മാ​യി കൊ​മ്പു​കോ​ർ​ത്ത യൂ​ത്ത് ഇ​ന്ത്യ ഹ​സീം, നി​യാ​സ് എ​ന്നി​വ​രി​ലൂ​ടെ മു​ന്നി​ലെ​ത്തി​യെ​ങ്കി​ലും ഷ​ഹ്ജാ​സ്, സു​ൽ​ഫി എ​ന്നി​വ​ർ റി​യ​ൽ കേ​ര​ള​യെ പ​രാ​ജ​യം വ​ഴ​ങ്ങാ​ൻ സ​മ്മ​തി​ച്ചി​ല്ല. ഒ​ടു​വി​ൽ പെ​നാ​ൽ​റ്റി​യി​ലൂ​ടെ​യാ​ണ് യൂ​ത്ത് ഇ​ന്ത്യ ഫൈ​ന​ലി​ൽ എ​ത്തി​യ​ത് (5-4).

ഫൈ​ന​ലി​ൽ ഗോ​ൾ നേ​ടി​യ യൂ​ത്ത് ഇ​ന്ത്യ എ​ഫ്.​സി​യു​ടെ നി​യാ​സ് ഈ​ങ്ങാ​പ്പു​ഴ​ക്കാ​ണ് ടൂ​ർ​ണ​മെൻറി​ലെ മി​ക​ച്ച താ​രം, മാ​ൻ ഓ​ഫ് ദി ​മാ​ച്ച്, ടോ​പ് സ്കോ​റ​ർ പു​ര​സ്കാ​ര​ങ്ങ​ൾ. മി​ക​ച്ച പ്ര​തി​രോ​ധ താ​ര​മാ​യി സ്പോ​ട്ടി​ങ് എ​ഫ്.​സി​യി​ലെ നി​മേ​ഷ് ഇ​രി​ഞ്ഞാ​ല​ക്കു​ട​യെ​യും തെ​ര​ഞ്ഞെ​ടു​ത്തു.

മി​ക​ച്ച ഗോ​ൾ കീ​പ്പ​ർ യൂ​ത്ത് ഇ​ന്ത്യ എ​ഫ്.​സി​യു​ടെ ഷാ​മി​ൽ സ​ലാ​മാ​ണ്. റി​യാ​ദി​ലെ അ​ക്കാ​ദ​മി​ക​ൾ ത​മ്മി​ൽ ന​ട​ന്ന മ​ത്സ​ര​ത്തി​ലെ വി​ജ​യി​ക​ൾ​ക്ക് ക​രീം പ​യ്യ​നാ​ട്, മു​ഹ​മ്മ​ദ് ഇ​ല്യാ​സ്, ഷാ​നി​ദ് അ​ലി, ഫൈ​സ​ൽ കൊ​ല്ലം എ​ന്നി​വ​ർ മെ​ഡ​ലു​ക​ളും ട്രോ​ഫി​ക​ളും കൈ​മാ​റി.

മൗ​ലി​ക ഡാ​ൻ​സ് ആ​ക്കാ​ദ​മി വി​ദ്യാ​ർ​ഥി​ക​ൾ അ​വ​ത​രി​പ്പി​ച്ച നൃ​ത്ത​പ​രി​പാ​ടി ച​ട​ങ്ങി​നെ വ​ർ​ണ​ശ​ബ​ള​മാ​ക്കി. കൊ​റി​യോ​ഗ്രാ​ഫ​ർ നി​തു നി​ധി​നും കു​ട്ടി​ക​ൾ​ക്കും താ​ജു​ദ്ദീ​ൻ ഓ​മ​ശ്ശേ​രി മീ​ഡി​യ വ​ൺ ഉ​പ​ഹാ​രം കൈ​മാ​റി.

ടൂ​ർ​ണ​മെൻറി​ലെ മി​ക​ച്ച സേ​വ​ന​ത്തി​ന് മു​ഹ​മ്മ​ദ്‌ ജ​സീ​ൽ അ​ൽ റ​യാ​ൻ പോ​ളി ക്ലി​നി​ക് (മെ​ഡി​ക്ക​ൽ), ശി​ഹാ​ബ് കു​ണ്ടൂ​ർ (വ​ള​ൻ​റി​യ​ർ), അ​ഷ്‌​റ​ഫ്‌ അ​ബു (സോ​ഷ്യ​ൽ മീ​ഡി​യ), സു​ൽ​ഫി​ക്ക​ർ അ​ലി (ടെ​ക്നി​ക്ക​ൽ), മു​ഹ​മ്മ​ദ്‌ ഫൈ​സ​ൽ (വ​ള​ൻ​റി​യ​ർ ക്യാ​പ്റ്റ​ൻ), മു​ഹ​മ്മ​ദ്‌ സു​ഹൈ​ർ (കോ​ഓ​ഡി​നേ​ഷ​ൻ), അ​ഹ്ഫാ​ൻ (ഐ.​ടി ഹെ​ഡ്), ആ​ഷി​ഖ് (മീ​ഡി​യ), അ​ബ്​​ദു​ൽ ക​രീം പ​യ്യ​നാ​ട് (ചീ​ഫ് കോ​ഓ​ഡി​നേ​റ്റ​ർ) എ​ന്നി​വ​ർ​ക്ക് മീ​ഡി​യ വ​ൺ ടൂ​ർ​ണ​മെൻറ്​ ക​മ്മി​റ്റി ആ​ദ​ര​ക​ഫ​ല​കം സ​മ്മാ​നി​ച്ചു. സാ​ലി​ഹ് കൂ​ട്ടി​ല​ങ്ങാ​ടി അ​വ​താ​ര​ക​നാ​യി​രു​ന്നു.