ഒ.ഐ.സി.സി മലപ്പുറം ജില്ലാ കമ്മിറ്റി സംഘടിപ്പിച്ച സ്വീകരണ പരിപാടിയിൽ ഐ.എൻ.ടി.യു.സി മലപ്പുറം ജില്ലാ പ്രസിഡന്‍റ് വി.പി. ഫിറോസ് സംസാരിക്കുന്നു
റിയാദ്: ഐ.എൻ.ടി.യു.സി മലപ്പുറം ജില്ലാ പ്രസിഡന്‍റും മഞ്ചേരി മുനിസിപ്പൽ വൈസ് ചെയർമാനുമായ വി.പി. ഫിറോസിന് ഒ.ഐ.സി.സി മലപ്പുറം ജില്ലാ കമ്മിറ്റി സ്വീകരണം നൽകി.
ബത്ഹ ലൂഹ ഓഡിറ്റോറിയത്തിൽ സംഘടിപ്പിച്ച ചടങ്ങിൽ ജില്ല പ്രസിഡന്‍റ് സിദ്ധിഖ് കല്ലുപറമ്പൻ അധ്യക്ഷത വഹിച്ചു. പാർട്ടിയെ അടിത്തട്ടിൽ ശക്തിപ്പെടുത്തുന്ന തൊഴിലാളി സംഘടനയുടെ നേതാക്കളെ സ്വീകരിക്കുന്നതിൽ പ്രവാസ പോഷക സംഘടനക്ക് ആഹ്ലാദമുണ്ടെന് അദ്ദേഹം പറഞ്ഞു. സാധാരണക്കാരുടെ അടിസ്ഥാന പ്രശ്‌നങ്ങളിൽ ഇടപെട്ട് പരിഹരിച്ചും അവരുടെ ആവശ്യങ്ങൾ കേന്ദ്ര-സംസ്ഥാന സർക്കാരുകളുടെ ശ്രദ്ധയിൽ കൊണ്ടുവന്ന് ആവശ്യമായ പരിഹാരങ്ങൾക്കു വേണ്ടി നിലകൊള്ളുമ്പോഴുമാണ് പാർട്ടി ജനങ്ങളുമായി അടുക്കുന്നത്. അതിനായാണ് എല്ലാ കാലത്തും ഐ.എൻ.ടി.യു.സി ശ്രമിക്കുന്നതെന്ന് വി.പി. ഫിറോസ് പറഞ്ഞു. നൗഫൽ പാലക്കാടൻ സ്വീകരണ യോഗം ഉദ്ഘാടനം ചെയ്തു.
ജില്ല വർക്കിങ് പ്രസിഡൻറ് വഹീദ് വാഴക്കാട് ആമുഖ പ്രഭാഷണം നടത്തി. ഗ്ലോബൽ സെക്രട്ടറി റസാഖ് പൂക്കോട്ടുംപാടം, സെൻട്രൽ കമ്മിറ്റി ഭാരവാഹികളായ സലിം കളക്കര, അബ്ദുല്ല വല്ലാഞ്ചിറ, ജില്ലാ നേതാക്കളായ അമീർ പട്ടണത്ത്, സകീർ ദാനത്ത്, അൻസാർ വാഴക്കാട്, ഷൗക്കത്ത്
ഷിഫ, ഭാസ്കരൻ മഞ്ചേരി, സൈനുദ്ദീൻ, ബഷീർ കോട്ടക്കൽ എന്നിവർ സംസാരിച്ചു. ജില്ലാ കമ്മിറ്റിക്കു വേണ്ടി സക്കീർ ദാനത്ത് ഷാൾ അണിയിച്ചു. സംഘടന ചുമതലയുള്ള ജനറൽ സെക്രട്ടറി ജംഷാദ് തുവ്വൂർ സ്വാഗതവും ട്രഷറർ സാദിഖ് വടപുറം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.