'എല്ലാം ചോദിച്ചറിഞ്ഞ ശേഷം അയാൾ ജീവനൊടുക്കി'

ഷാർജ: മൃതദേഹം നാട്ടിലെത്തുന്ന ദിവസവും സമയവും വിളിച്ചുചോദിച്ച ശേഷം മലയാളി ആത്മഹത്യ ചെയ്​തു. ഷാർജയിൽ ജോലി ചെയ്യുന്ന കായംകുളം സ്വദേശി സന്തോഷാണ്​ (42) തൂങ്ങി മരിച്ചത്​.

സാമൂഹിക പ്രവർത്തകൻ അഷ്​റഫ്​ താമരശേരിയോട്​ വിവരങ്ങൾ അന്വേഷിച്ച ശേഷമാണ്​ സന്തോഷി​െൻറ ആത്മഹത്യ. അഷ്​റഫ്​ താമ​രശേരിയാണ്​ ഇക്കാര്യം ഫേസ്​ബുക്കിൽ കുറിച്ചത്​.

അദ്ദേഹത്തി​െൻറ കുറിപ്പിൽ നിന്ന്​: ബുധനാഴ്​ചയാണ്​ ഷാർജയിൽ നിന്ന്​ സന്തോഷി​െൻറ ഫോൺ കോൾ വന്നത്​. 'കൂടെ താമസിക്കുന്ന ഒരാള്‍ മരണപ്പെട്ടു, എന്ന് നാട്ടിലെത്തിക്കുവാന്‍ സാധിക്കും' എന്നായിരുന്നു ചോദ്യം.

അയാള്‍ എങ്ങനെയാണ് മരിച്ചത്​ എന്ന്​ ഞാൻ ചോദിച്ചു. തൂങ്ങിയാണ് മരിച്ചത്​ എന്നായിരുന്നു മറുപടി. എന്നാല്‍ ഞായറാഴ്ച വൈകുന്നേരമാകും നാട്ടിലേക്ക് അയക്കാനാവുക എന്ന് ഞാന്‍ പറഞ്ഞു. അഷ്​റഫിക്കായെ കമ്പനിയിലെ പി.ആർ.ഒ വിളിക്കുമെന്നും ഞായറാഴ്ച തന്നെ മൃതദേഹം നാട്ടിലേക്ക് അയക്കണമെന്നും പറഞ്ഞ്​ അയാൾ ഫോൺ വെച്ചു. ഉച്ചക്ക് രണ്ട്​ മണി കഴിഞ്ഞ് ഷാര്‍ജയില്‍ നിന്നും മറ്റൊരാള്‍ വിളിച്ചു.

മലയാളി തൂങ്ങിമരിച്ചു, എന്താണ് ചെയ്യേണ്ടത് എന്നായിരുന്നു ചോദ്യം. നിങ്ങളുടെ കമ്പനിയിലെ സന്തോഷ് രാവിലെ എന്നെ വിളിച്ചിരുന്നുവെന്ന്​ ഞാൻ പറ​ഞ്ഞപ്പോൾ അയാൾ നൽകിയ മറുപടി കേട്ട്​ നെഞ്ച്​ തകർന്നു​ പോയി.

മരിച്ചത്​ സന്തോഷാണത്രേ. സഹോദരാ, മരിക്കുവാന്‍ പോകുന്നത് നീയാണെന്ന് അറിഞ്ഞിരുന്നെങ്കില്‍ ഞാന്‍ വരുമായിരുന്നില്ലേ നി​െൻറയടുത്തേക്ക്. പരിഹരിക്കാന്‍ കഴിയാത്ത എന്ത് പ്രശ്നങ്ങളാണ് ഈ ദുനിയാവിലുള്ളത്. എന്തിനായിരുന്നു എന്നെ വിളിച്ച് അങ്ങനെ പറഞ്ഞത്, എന്തായിരുന്നു നി​െൻറ പ്രശ്നം, അത് എന്നോട്​ പറയാമായിരുന്നില്ലേ.....'.

സന്തോഷി​െൻറ മൃതദേഹം വ്യാഴാഴ്​ച കൊച്ചി വിമാനത്താവളം വഴി നാട്ടിലേക്കയച്ചു. കുടുംബപ്രശ്​നങ്ങളാണ്​ ആത്മഹത്യക്ക്​ കാരണമെന്ന്​ കരുതുന്നു. ഭാര്യയും രണ്ട്​ മക്കളുമുണ്ട്​.