മെസ്‌കാഫ് സംഘടിപ്പിച്ച ഓൺലൈൻ ക്വിസ് മത്സര വിജയികൾ
ദുബൈ: കേരളപ്പിറവി ദിനത്തിന്‍റെ ഭാഗമായി വളാഞ്ചേരി എം.ഇ.എസ്.കെ.വി.എം കോളജ് യു.എ.ഇ അലുമ്നിയായ മെസ്‌കാഫ് പ്രവാസി മലയാളികൾക്കായി സംഘടിപ്പിച്ച ഓൺലൈൻ മെഗാ ക്വിസ് മത്സരത്തിലെ വിജയികളെ അനുമോദിച്ചു. റാശിദിയയിൽ നടന്ന ചടങ്ങിൽ മത്സര ജേതാക്കളായ മുഹമ്മദ് അബ്ദുസ്സമദ്, പി.കെ. മുഹമ്മദ് അനസ്, കിളിയണ്ണി അനസ് എന്നിവർ ഉപഹാരങ്ങൾ ഏറ്റുവാങ്ങി.
നൂറു കണക്കിന് മലയാളികൾ പങ്കെടുത്ത ക്വിസ് മത്സരത്തിൽ ശ്രദ്ധേയ പ്രകടനം കാഴ്ചവെച്ച പ്രതിഭകളെയും ചടങ്ങിൽ ആദരിച്ചു. മെസ്‌കാഫ് വാർഷിക സമാഗമത്തിന്‌ പേര് നിർദേശിച്ച പത്മജ ശ്രീരാഗിന് പ്രത്യേക ഉപഹാരം നൽകി. ചടങ്ങിൽ മെസ്‌കാഫ് പ്രസിഡന്‍റ് അനീസ് മുഹമ്മദ് അധ്യക്ഷനായിരുന്നു. ഖദീജ ചെറാല, ഷിനു സോപാനം, ജമാലുദ്ദീൻ വെള്ളാഞ്ചേരി, സി.പി. മുഹമ്മദ് റാഫി, ബഷീർ നിയാസ്, ജെബിൻ ഫർഗാന എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.