പ്രവാസികളുടെ ചികിത്സക്ക്​ ആപ്പുമായി മലയാളികൾ ജൈടെക്​സിൽ

ദു​ബൈ: പ്ര​വാ​സി​ക​ൾ​ക്ക് മൊ​ബൈ​ൽ ഫോ​ൺ വ​ഴി കേ​ര​ള​ത്തി​ലെ ഡോ​ക്ട​റെ കാ​ണാ​നും നാ​ട്ടി​ലു​ള്ള കു​ടും​ബ​ത്തി​ന് ചി​കി​ത്സ ഉ​റ​പ്പാ​ക്കാ​നും സൗ​ക​ര്യ​മൊ​രു​ക്കു​ന്ന മൊ​ബൈ​ൽ ആ​പ്ലി​ക്കേ​ഷ​നു​മാ​യി മ​ല​യാ​ളി​ക​ൾ. ദു​ബൈ​യി​ൽ ഇ​ന്ന​ലെ സ​മാ​പി​ച്ച ജൈ​ടെ​ക്​​സ്​ സാ​​ങ്കേ​തി​ക മേ​ള​യി​ലാ​ണ്​ 'ഷോ​പ്ഡോ​ക്' എ​ന്ന ആ​പ്ലി​ക്കേ​ഷ​നു​മാ​യി മ​ല​യാ​ളി​ക​ൾ എ​ത്തി​യ​ത്. സ്ഥാ​പ​ക​നും സി.​ഇ.​ഒ​യു​മാ​യ ഷി​ഹാ​ബ് മ​ക്കാ​നി​യി​ൽ, സ​ഹ​സ്ഥാ​പ​ക​നും സി.​ഒ.​ഒ​യു​മാ​യ റാ​സി​ഖ് അ​ഷ്റ​ഫ് എ​ന്നി​വ​രാ​ണ് ആ​പ് അ​വ​ത​രി​പ്പി​ച്ച​ത്.

ഗ​ൾ​ഫി​ലെ പ്ര​വാ​സി​ക​ൾ​ക്ക് ചി​കി​ത്സ തേ​ടാ​നും നാ​ട്ടി​ലെ കു​ടും​ബാം​ഗ​ങ്ങ​ൾ​ക്ക് ചി​കി​ത്സ ഉ​റ​പ്പാ​ക്കാ​നും ഇ​തി​ൽ സം​വി​ധാ​ന​ങ്ങ​ളു​ണ്ട്. കേ​ര​ള​ത്തി​ലെ ഏ​ത് ഡോ​ക്ട​ർ​ക്കും ഷോ​പ് ഡോ​ക് എ​ന്ന ആ​പ്ലി​ക്കേ​ഷ​നി​ൽ വെ​ർ​ച്വ​ൽ ക്ലി​നി​ക്കു​ക​ൾ തു​ട​ങ്ങാം. പ്രാ​ഥ​മി​കാ​രോ​ഗ്യ കേ​ന്ദ്രം മു​ത​ൽ വ​ൻ​കി​ട ആ​ശു​പ​ത്രി​ക​ൾ​ക്ക് വ​രെ ഇ​തി​ൽ ക്ലി​നി​ക് ആ​രം​ഭി​ക്കാം. നി​ല​വി​ൽ അ​ത്ത​രം ഇ​രു​നൂ​റോ​ളം ക്ലി​നി​ക്കു​ക​ൾ ഷോ​പ് ഡോ​ക്കി​ലു​ണ്ട്. ജൈ​ടെ​ക്​​സി​ൽ മി​ക​ച്ച പ്ര​തി​ക​ര​ണ​മാ​ണ്​ ആ​പ്പി​ന്​ ല​ഭി​ച്ച​ത്. ഗ​ൾ​ഫി​ലെ ആ​രോ​ഗ്യ​കേ​ന്ദ്ര​ങ്ങ​ളെ കൂ​ടി ഉ​ൾ​പ്പെ​ടു​ത്തി പ്ര​വ​ർ​ത്ത​നം കൂ​ടു​ത​ൽ വി​പു​ല​മാ​ക്കാ​നു​ള്ള ത​യാ​റെ​ടു​പ്പി​ലാ​ണി​വ​ർ.