ക്ലെ​പ്‌​റ്റോ​മാ​നി​യ എന്ന മോ​ഷ​ണ സ്വ​ഭാ​വം; പാ​ർ​വ​ണേ​ന്ദുവിന്​ സംഭവിച്ചത്...

ആ ​ദ​മ്പ​തി​ക​ളു​ടെ ജീ​വി​ത​ത്തി​ലെ ഏ​റ്റ​വും അ​പ​മാ​ന​ക​ര​മാ​യ ഒ​രു പ്ര​തി​സ​ന്ധി​യാ​ണ് അ​ന്ന​വ​രെ തേ​ടി​വ​ന്ന​ത്. മ​ക​ൾ ഒ​രു ക​ള്ളി​യാ​യി മു​ദ്ര​കു​ത്ത​പ്പെ​ട്ടി​രി​ക്കു​ന്നു. വീ​ട്ടു​കാ​ർ​ക്ക​ത് വി​ശ്വ​സി​ക്കാ​നാ​യി​ല്ല. ത​ങ്ങ​ളു​ടെ കു​ഞ്ഞിൻെറ ന്യാ​യ​മാ​യ എ​ന്ത് ആ​വ​ശ്യ​ങ്ങ​ളും സാ​ധി​ച്ചു​കൊ​ടു​ക്കാ​ൻ ക​ഴ​ിവു​ള്ള​വ​രും സാ​ധി​ച്ചു​കൊ​ടു​ക്കു​ന്ന​വ​രു​മാ​യി​രു​ന്നു അ​വ​ർ. ​പ്രകാശൻ ബി​സി​ന​സുകാ​ര​നും ഇന്ദു ഹ​യ​ർ​ സെ​ക്ക​ൻ​ഡ​റി സ്കൂൾ അ​ധ്യാ​പി​ക​യു​മാ​ണ്​. ഏ​ക​മ​ക​ൾ പാ​റു എ​ന്നുവി​ളി​ക്കു​ന്ന പാ​ർ​വ​ണേ​ന്ദു ആ​റാം ക്ലാ​സ് വി​ദ്യാ​ർ​ഥി​നിയും. പ​ഠ​ന​ത്തി​ലും സ്പോ​ർ​ട്​സ്​ അ​ട​ക്ക​മു​ള്ള മ​റ്റു രം​ഗ​ങ്ങ​ളി​ലും മി​ടു​ക്കി​യാ​യി​രു​ന്നു പാ​ർ​വ​ണേ​ന്ദു. അ​ച്ച​ട​ക്ക​ത്തിൻെറ കാ​ര്യ​ത്തി​ലും മ​റ്റു​ള്ള വി​ദ്യാ​ർ​ഥി​ക​ൾ​ക്ക് മാ​തൃ​ക.

സ്കൂ​ളി​ലെ അ​ധ്യാ​പി​ക​യു​ടെ കാ​ണാ​തെ​പോ​യ മൊ​ബൈ​ൽ ഫോ​ൺ പാ​ർ​വ​ണേ​ന്ദു​വിൻെറ ബാ​ഗി​ൽനി​ന്ന് ക​ണ്ടെ​ടു​ത്ത​തോ​ടെ​യാ​ണ് അ​ധ്യാ​പ​ക​രും സ​ഹ​പാ​ഠി​ക​ളും ഞെ​ട്ടി​പ്പോ​യ​ത്. ക്ലാ​സി​നി​ടെ ചോ​ക്ക് എ​ടു​ക്കാ​ൻ പോ​യ ക്ലാ​സ് ലീ​ഡ​ർ കൂ​ടി​യാ​യ പാ​ർ​വ​ണേ​ന്ദു ആ​ളൊ​ഴി​ഞ്ഞ ടീ​ച്ചേ​ഴ്സ് റൂ​മി​ൽ ചാ​ർ​ജ് ചെ​യ്യാ​ൻ​വെ​ച്ച മൊ​ബൈ​ൽ മോ​ഷ്​ടി​ക്കു​ക​യാ​യി​രു​ന്നു. ക്ലാ​സ് സ​മ​യ​ത്ത് അ​വ​ളു​ടെ ബാ​ഗി​ൽ​നി​ന്ന് മൊ​ബൈ​ൽ ഫോ​ൺ ശ​ബ്​ദിച്ച​തോ​ടെ​യാ​ണ് ക​ള്ളം പൊ​ളി​ഞ്ഞ​ത്. അ​ധ്യാ​പ​ക​രു​ടെ ചോ​ദ്യം​ചെ​യ്യ​ലി​ൽ അ​വ​ൾ ക​ര​ഞ്ഞു​കൊ​ണ്ട് കു​റ്റം സ​മ്മ​തി​ച്ചു. പ​​േക്ഷ, എ​ന്തി​നാ​ണ് ഇ​ത് ചെ​യ്ത​തെ​ന്ന ചോ​ദ്യ​ത്തി​ന് അ​വ​ൾ​ക്ക് ഉ​ത്ത​ര​മി​ല്ലാ​യി​രു​ന്നു.

പി​റ​കെ മാ​താ​പി​താ​ക്ക​ളെ സ്കൂ​ളി​ലേ​ക്ക് വി​ളി​പ്പി​ച്ചു. അ​പ​മാ​ന​ഭാ​ര​ത്താ​ൽ കു​നി​ഞ്ഞ ശി​രസ്സുമാ​യാ​ണ് ഇ​ര​ുവ​രും എ​ത്തി​യ​ത്. ഒ​ന്നു​ം പ​റ​യാ​നാ​വാ​തെ അ​വ​ളു​ടെ അ​മ്മ പൊ​ട്ടി​ക്ക​ര​ഞ്ഞു. അച്ഛൻ സ​ംഘ​ർ​ഷം മ​ന​സ്സി​ലൊ​തു​ക്കി ത​ല​താ​ഴ്ത്തിനി​ന്നു. അ​വ​ർ താ​മ​സി​ക്കു​ന്ന ഹൗ​സിങ്​ കോ​ള​നി​യി​ൽ​നി​ന്നു​ള്ള ചി​ല കു​ട്ടി​ക​ൾ മ​ക​ളു​ടെ സ​ഹ​പാ​ഠി​ക​ൾ ആ​യ​തി​നാ​ൽ വി​വ​രം പെ​ട്ടെ​ന്നുത​ന്നെ എ​ല്ലാ​യി​ട​ത്തു​മെ​ത്തി.

വീ​ട്ടി​ലെ​ത്തി​യ​ശേ​ഷ​വും പാ​ർ​വ​ണേ​ന്ദു ക​ര​ച്ചി​ലും മൗ​ന​വു​മാ​യി ഇ​രു​ന്നു. അ​വ​ൾ ഉ​റ​ങ്ങി​യ​ശേ​ഷം പ്രകാശും ഇന്ദുവും ചേ​ർ​ന്ന് മ​ക​ളു​ടെ പ​ഠ​ന​മു​റി​യു​ടെ മു​ക്കും മൂ​ല​യും പ​രി​ശോ​ധി​ച്ച​പ്പോ​ഴാ​ണ് അ​വ​ർ ശ​രി​ക്കും ഞെ​ട്ടി​പ്പോ​യ​ത്. പ​ല​യി​ട​ങ്ങ​ളി​ലാ​യി ഒ​ളി​പ്പി​ച്ചു​വെ​ച്ച രീ​തി​യി​ൽ നി​ര​വ​ധി മോ​ഷ​ണവ​സ്തു​ക്ക​ൾ അ​വ​ർ ക​ണ്ടെ​ടു​ത്തു. നെ​റ്റി​യി​ലൊ​ട്ടി​ക്കു​ന്ന വ​ർ​ണ​പ്പൊ​ട്ടു​ക​ളും മാ​ല​യും ക​മ്മ​ലും മു​ത്തു​ക​ളും ചെ​റി​യ ക​ളി​പ്പാ​ട്ട​ങ്ങ​ളും പെ​ൻ​സി​ലു​ക​ളും. പ​ല​തും അ​വ​ൾ​ക്ക് ഒ​രി​ക്ക​ലും ആ​വ​ശ്യ​മി​ല്ലാ​ത്ത​വ​യാ​യി​രു​ന്നു. മ​റ്റു​ചി​ല​താ​വ​ട്ടെ കൊ​ണ്ടു​വ​ന്നു വെ​ച്ച​ശേ​ഷം ഒ​രി​ക്ക​ൽ​പോ​ലും എ​ടു​ത്തു​നോ​ക്കാ​ത്ത​വ​യും. എ​ന്താ​ണ് ത​ങ്ങ​ളു​ടെ കു​ഞ്ഞി​ന് സം​ഭ​വി​ച്ച​തെ​ന്നോ​ർ​ത്ത് ആ ​ദ​മ്പ​തി​ക​ൾ രാ​ത്രി​മു​ഴു​വ​ൻ സ​ങ്ക​ടം നി​റ​ഞ്ഞ മ​ന​സ്സു​മാ​യി ഉ​റ​ങ്ങാ​തി​രി​ന്നു.

പാ​റു​വി​നെ പി​റ്റേ​ന്ന് സ്കൂ​ളി​ൽ വി​ടാ​ൻ അ​വ​ർ​ക്ക് മ​ന​സ്സു​വ​ന്നി​ല്ല. പ്ര​കാ​ശും ഇ​ന്ദു​വും ജോ​ലി​ക്കും പോ​യി​ല്ല. പ​​േക്ഷ, ഉ​ച്ച​ക്കു മു​മ്പാ​യി അവളുടെ ക്ലാ​സ് ടീ​ച്ച​റ​ട​ക്കം ചി​ല അ​ധ്യാ​പ​ക​ർ വീ​ട്ടി​ൽ വ​ന്നു. അ​വ​ർ​ക്കും സം​ഭ​വം വി​ശ്വ​സി​ക്കാ​നാ​യി​ല്ല. കു​​െറ​നേ​ര​ത്തെ ച​ർ​ച്ച​ക​ൾ​ക്കൊ​ടു​വി​ൽ പാ​റു​വി​ൻെറ കാ​ര്യ​ത്തി​ൽ ഒ​രു മാ​നസി​കാ​രോ​ഗ്യ വി​ദ​ഗ്​ധ​ൻെറ സ​ഹാ​യം തേ​ടാ​ൻ അ​വ​ർ തീ​രു​മാ​നി​ച്ചു. അ​ങ്ങനെ​യാ​ണ് ന​ഗ​ര​ത്തി​ലെ ഒ​രു ക്ലി​നി​ക്കി​ൽ അ​വ​ർ കു​ഞ്ഞി​നെ​യുംകൊ​ണ്ട് എ​ത്തി​യ​ത്.

ക്ലെ​പ്‌​റ്റോ​മാ​നി​യ (Kleptomania) എ​ന്ന് വൈ​ദ്യ​ശാ​സ്ത്രം വി​ളി​ക്കു​ന്ന ഒ​രു മാ​ന​സി​ക​വൈ​ക​ല്യ​മാ​യി​രു​ന്നു ഇ​വി​ട​ത്തെ വി​ല്ല​ൻ. ല​ളി​ത​മാ​യിപ്പറ​ഞ്ഞാ​ൽ ഒ​രു രോ​ഗ​ാവ​സ്ഥ​യു​ടെ പി​ടി​യി​ലാ​യി​രു​ന്നു ഈ 12 ​വ​യ​സ്സു​കാ​രി. ഒ​രു മോ​ഷ്​ടാ​വ് എ​ന്ന് ഒ​രി​ക്ക​ലും ഈ ​കു​ട്ടി​യെ വി​ളി​ക്കാ​ൻ ക​ഴി​യി​ല്ല. പ​​േക്ഷ, സ​മ​യ​ത്ത് ചി​കി​ത്സി​ച്ച് ര​ക്ഷ​പ്പെ​ടു​ത്തി​യി​ല്ലെ​ങ്കി​ൽ ഒ​രി​ക്ക​ൽ സ​മൂ​ഹ​ത്തി​നു മു​ന്നി​ൽ ഒ​രു ക​ള്ളി​യാ​വാ​ൻ ഈ ​മാ​ന​സി​കാ​വ​സ്ഥ കാ​ര​ണ​മാ​വും.

പൊ​തു​സ​മൂ​ഹം വേ​ണ്ട​ത്ര ശ്ര​ദ്ധ​ന​ൽ​കി​യി​ട്ടു​ള്ള ഒ​രു മാ​ന​സി​കാ​വ​സ്ഥ​യ​ല്ല ക്ലെ​പ്‌​റ്റോ​മാ​നി​യ. താ​ര​ത​മ്യേ​ന കു​റ​ഞ്ഞ ശ​ത​മാ​നം പേ​രി​ൽ മാ​ത്രം ക​ണ്ടു​വ​രു​ന്ന​തു​കൊ​ണ്ടും ഭൂ​രി​പ​ക്ഷം പേ​രി​ലും തി​രി​ച്ച​റി​യ​പ്പെ​ടാ​തെ പോ​കു​ന്ന​തു​കൊ​ണ്ടും ഈ ​രോ​ഗാ​വ​സ്ഥ​യെ​ക്കു​റി​ച്ച് കാ​ര്യ​മാ​യ ച​ർ​ച്ച​ക​ളും ന​ട​ക്കാ​റി​ല്ല.

ആ​വ​ശ്യ​ത്തി​ല​ധി​കം സ​മ്പ​ത്തും പ​ണ​വു​മു​ള്ള വ്യ​ക്തി​ക​ൾ പോ​ലും ഇൗ ​രോ​ഗ​ാവ​സ്ഥ​യു​ടെ ഫ​ല​മാ​യി അ​വ​ർ​ക്ക് ഒ​രു ആ​വ​ശ്യ​വു​മി​ല്ലാ​ത്ത വ​സ്തു​ക്ക​ൾ മോ​ഷ്​ടിച്ചു​പോ​കുന്നു. മോ​ഷ്​ടി​ച്ചുപോ​കു​ന്നു എ​ന്ന് പ​റ​യാ​ൻ കാ​ര​ണം ആ ​ചെ​യ്തി അ​വ​ർ​ക്ക് നി​യ​ന്ത്രി​ക്കാ​ൻ ക​ഴി​യി​ല്ല എ​ന്ന​തു​കൊ​ണ്ടാ​ണ്. ചി​ല വ​സ്തു​ക്ക​ൾ ശ്ര​ദ്ധ​യി​ൽ​പ്പെ​ടു​ക​യും അ​നു​കൂ​ല​മാ​യ സാ​ഹ​ച​ര്യം ഒ​ത്തു​വ​രു​ക​യും ചെ​യ്താ​ൽ ഇ​ക്കൂ​ട്ട​രി​ൽ നി​യ​ന്ത്രി​ക്കാ​ൻ ക​ഴി​യാ​ത്ത ഒ​രു ഉ​ൾ​പ്രേ​ര​ണ ശ​ക്ത​മാ​കു​ക​യും അ​വ​ർ മോ​ഷ​ണ​ത്തി​ലേ​ക്ക് വ​ഴു​തി​വീ​ഴു​ക​യും ചെ​യ്യു​ന്നു. സാ​ധാ​ര​ണ മോ​ഷ്​ടാ​ക്കാ​ൾ സാ​മ്പ​ത്തി​ക ആ​വ​ശ്യ​ങ്ങ​ൾ നി​റ​വേ​റ്റാ​ൻ വേ​ണ്ടി ചെ​യ്യു​മ്പോ​ൾ 'ക്ലെ​പ്‌​റ്റോ​മാ​നി​യ' കേ​സു​ക​ളി​ൾ അ​ധി​ക​വും അ​വ​ർ​ക്ക് ഒ​ട്ടും ആ​വ​ശ്യ​മി​ല്ലാ​ത്ത സാ​ധ​ന​ങ്ങ​ളാ​ണ് കൈ​ക്ക​ലാ​ക്കു​ക. ഇ​ത്ത​ര​ക്കാ​ർ കൃ​ത്യം ന​ട​ത്തി​ക്ക​ഴി​ഞ്ഞാ​ൽ ഉ​ട​ൻ​ത​ന്നെ കു​റ്റ​ബോ​ധ​ത്തി​ലേ​ക്ക് വീ​ഴു​ന്നു. അ​ങ്ങനെ ചെ​യ്യേ​ണ്ടി​യി​രു​ന്നി​ല്ലെ​ന്ന് ശ​ക്ത​മാ​യി ചി​ന്തി​ക്കു​ക​യും ദു​ഃഖി​ക്കു​ക​യും ചെ​യ്യും. ഇ​താ​വ​ർ​ത്തി​ക്കി​ല്ലെ​ന്ന് ക​ടു​ത്ത തീ​രു​മാ​ന​മെ​ടു​ത്താ​ലും ഈ ​മാ​ന​സി​കാ​വ​സ്ഥ​യി​ലു​ള്ള​വ​ർ​ക്ക് അ​ത് ന​ട​പ്പാക്കാ​ന്‍ ക​ഴി​യാ​റി​ല്ല. അ​നു​കൂ​ല സ​ന്ദ​ർ​ഭ​ങ്ങ​ൾ ആ​വ​ർ​ത്തി​ക്കുേ​മ്പാ​ൾ ഇ​വ​ർ വീ​ണ്ടും ഈ ​പ്ര​വ​ൃത്തി തു​ട​രും. അ​ങ്ങനെ​യാ​ണ് ഒ​രുനാ​ൾ പി​ടി​ക്ക​പ്പെ​ടു​ന്ന​ത്.

മ​റ്റു വീ​ടു​ക​ളി​ലെ കൗ​തു​കം​തോ​ന്നു​ന്ന സാ​ധ​ന​ങ്ങ​ൾ ര​ഹ​സ്യ​മാ​യി സ്വ​ന്ത​മാ​ക്കും. സൂ​പ്പ​ർ മാ​ർ​ക്ക​റ്റു​ക​ളി​ലും മാ​ളു​ക​ളി​ലും ഇ​തു​ത​ന്നെ ആ​വ​ർ​ത്തി​ക്കും. ഈ ​സ​മ​യ​ത്ത് ആ ​വ​സ്തു​വി​നോ​ട് തോ​ന്നു​ന്ന ആ​ക​ർ​ഷ​ണം പി​ന്നീ​ട് തോ​ന്നു​ക​യു​മി​ല്ല. തു​ട​ർ​ന്ന് അ​ത് എ​വി​ടെ​യെ​ങ്കി​ലും ഉ​പേ​ക്ഷി​ക്കു​ക​യോ ഒ​ളി​പ്പി​ച്ചു​വെ​ക്കു​ക​യോ ചെ​യ്യും. ജീ​വി​ത​ത്തി​ൽ ഒ​രി​ക്ക​ലും ഉ​പ​കാ​ര​പ്പെ​ടാ​ത്ത​തോ ആ​വ​ശ്യ​മി​ല്ലാ​ത്ത​തോ ആ​യ വ​സ്തു​ക്ക​ളാ​കും നി​മി​ഷ​നേ​ര​ത്തെ ആ​ക​ര്‍ഷ​ണം​മൂ​ലം മോ​ഷ്​ടി​ക്കു​ന്ന​ത്.

മോ​ഷ​ണസ്വ​ഭാ​വ​ത്തെ കു​റി​ച്ച് പൊ​തു​വി​ൽ അ​ന്വേ​ഷി​ച്ചാ​ൽ അ​ത് വ്യ​ക്തി​യി​ൽ കു​ഞ്ഞു​നാ​ൾ തൊ​ട്ടേ ഉ​ള്ള​താ​യി കാ​ണാ​നാ​കും.​ കൂ​ടെ പ​ഠി​ക്കു​ന്ന​വ​രു​ടെ സ്കെ​യി​ൽ, പെ​ൻ​സി​ൽ മു​ത​ലാ​യ​വ എ​ടു​ത്തു​കൊ​ണ്ടാ​യി​രി​ക്കാം തു​ട​ക്കം. വീ​ട്ടു​കാ​ർ കാ​ര്യ​ത്തിെ​ൻ​റ ഗൗ​ര​വം മ​ന​സ്സി​ലാ​ക്കാ​തെ ഇ​വ അ​വ​ഗ​ണി​ക്കു​ന്ന​തോ​ടെ കു​ട്ടി​ക​ൾ ഒ​രു മാ​ന​സി​ക വൈ​ക​ല്യ​ത്തി​ലേ​ക്ക് ചു​വ​ടു​വെ​ച്ച് തു​ട​ങ്ങു​ന്നു. അ​തു​കൊ​ണ്ടു​ത​ന്നെ കു​ട്ടി​ക​ളി​ൽ ഇ​ത്ത​രം പ്ര​വ​ണ​ത​ക​ൾ എ​പ്പോ​ൾ ക​ണ്ടാ​ലും ഉ​ട​ന്‍ തി​രു​ത്താ​ൻ ശ്ര​മി​ക്ക​ണം. ഇ​ത്ത​രം കാ​ര്യ​ങ്ങ​ൾ തെ​റ്റാ​ണെ​ന്നും ഒ​രി​ക്ക​ലും ചെ​യ്യ​രു​തെ​ന്നും കു​ട്ടി​ക​ളെ പ​റ​ഞ്ഞ് മ​ന​സ്സി​ലാ​ക്ക​ണം. സ​മൂ​ഹ​ത്തി​ലെ ധാ​ർ​മി​ക മൂ​ല്യ​ങ്ങ​ളെ​ക്കു​റി​ച്ച് പ്രാ​യ​ത്തി​ന​നു​സ​രി​ച്ച് കു​ട്ടി​ക​ൾ​ക്ക് ബോ​ധ​വ​ത്ക​ര​ണം ന​ൽ​ക​ണം. ന​ല്ല​പ്ര​വ​ൃത്തി​ക​ളും ചീ​ത്ത പ്ര​വ​ൃത്തി​ക​ളും എ​ന്താ​ണെ​ന്നും ഏ​താ​ണെ​ന്നും ഉ​ള്ള​തി​നെ കു​റി​ച്ച് അ​വ​ർ​ക്ക് ത​ിരി​ച്ച​റി​വ് ന​ൽ​ക​ണം.

അ​യ​ൽ​വീ​ട്ടി​ലെ നാ​ളി​കേ​രം സ്വ​ന്തം പു​ര​യി​ട​ത്തി​ൽ വീ​ണാ​ൽ അ​ത് എ​ടു​ക്കു​ന്ന മു​തി​ർ​ന്ന​വ​ർ അ​വ​ര​റി​യാ​തെ ഇ​ത്ത​രം പ്ര​വ​ൃത്തി​ക​ൾ ശ്ര​ദ്ധി​ക്കു​ന്ന കു​ഞ്ഞു​ങ്ങ​ൾ​ക്ക് തെ​റ്റാ​യ ഒ​രു സ​ന്ദേ​ശം ന​ൽ​കു​ക​യാ​ണ് ചെ​യ്യു​ന്ന​ത്. അ​തു​കൊ​ണ്ടു​ത​ന്നെ അ​ന്യ​വ​സ്തു​ക്ക​ൾ ഒ​രി​ക്ക​ലും കൈ​ക്ക​ലാ​ക്കു​ന്ന പ്ര​വ​ണ​ത മു​തി​ർ​ന്ന​വ​രും ചെ​യ്തു​കൂ​ടാ. മ​റി​ച്ച് ആ ​നാ​ളി​കേ​രം അ​തിൻെറ ഉ​ട​മ​സ്ഥ​ന് ന​ൽ​കാ​ൻ കു​ഞ്ഞിൻെറ കൈ​യി​ൽ കൊ​ടു​ത്തു​വി​ട്ട് അ​വ​ർ​ക്ക് ചെ​റു​പ്രാ​യ​ത്തി​ൽ​ത​ന്നെ ഒ​രു ന​ന്മ​യു​ടെ പാ​ഠം ന​ൽ​ക​ണം. കേ​ട്ടു​പ​ഠി​ക്കു​ന്ന​തി​നേ​ക്കാ​ൾ കു​ട്ടി​ക​ൾ ക​ണ്ടാ​ണ് പ​ഠി​ക്കു​ക. സ​മൂ​ഹം അ​ത് എ​പ്പോ​ഴും ഓ​ർ​ത്തു​കൊ​ണ്ടി​രി​ക്ക​ണം.

ആ​റു വ​യ​സ്സു​വ​രെ​യു​ള്ള കു​ട്ടി​ക​ൾ സാ​ധ​ന​ങ്ങ​ൾ എ​ടു​ക്കു​ന്ന​ത് മോ​ഷ​ണ​ത്തിൻെറയോ ഇ​ത്ത​രം സ്വ​ഭാ​വ​വൈ​ക​ല്യ​ത്തിൻെറ​യോ ഗ​ണ​ത്തി​ൽ​പ്പെ​ടു​ത്താ​ൻ ക​ഴി​യി​ല്ല. മോ​ഷ​ണം ന​ട​ത്തു​ക എ​ന്ന ഉ​ദ്ദേ​ശ്യ​ത്തോ​ടെ​യ​ല്ല അ​വ​ര​ത് ചെ​യ്യു​ന്ന​ത്. അ​വ സ്വ​ന്ത​മ​ല്ലെ​ന്നും എ​ടു​ക്കാ​ൻ പാ​ടി​ല്ലെ​ന്നും മ​ന​സ്സി​ലാ​ക്കാ​നു​ള്ള പ്രാ​യം അ​വ​ർ​ക്ക് ആ​കാ​ത്ത​തു​കൊ​ണ്ടാ​ണ്. പ​​േക്ഷ, ഇ​ത്ത​രം എല്ലാ അ​വ​സ​ര​ങ്ങ​ളി​ലും ഇ​ങ്ങ​നെ ചെ​യ്യു​ന്ന​ത് തെ​റ്റാ​ണെ​ന്ന് അ​വ​രോ​ട് നി​ര​ന്ത​രം പ​റ​ഞ്ഞു​കൊ​ടു​ക്ക​ണം.

അ​തേ​സ​മ​യം, ആ​റു വ​യ​സ്സി​നു മു​ക​ളി​ലു​ള്ള കു​ട്ടി​ക​ളി​ലെ മോ​ഷ​ണ​സ്വ​ഭാ​വം ഒ​രി​ക്ക​ലും അ​വ​ഗ​ണി​ക്ക​രു​ത്. തി​രി​ച്ച​റി​യാ​ൻ ക​ഴി​യു​ന്ന പ്രാ​യ​ത്തി​ലു​ള്ള കു​ട്ടി​ക​ളു​ടെ ഇ​ത്ത​രം ചെ​യ്തി​ക​ൾ ശ്ര​ദ്ധ​യി​ൽ​പ്പെ​ട്ടാ​ൻ അ​തി​നോ​ട് ഗൗ​ര​വ​മാ​യി പ്ര​തി​ക​രി​ക്കാ​നും തി​രു​ത്താ​നും മ​ടി​ക്ക​രു​ത്.

കു​ട്ടി​ക​ളു​ടെ മോ​ഷ​ണ​ശീ​ലം ക​ണ്ടു​പി​ടി​ച്ചാ​ലു​ട​ൻ ശാ​രീ​രി​ക​പീ​ഡ​നം പോ​ലു​ള്ള ശി​ക്ഷ ന​ൽ​കു​ക​യ​ല്ല പ​രി​ഹാ​രം. അ​തേ​സ​മ​യം, പ്ര​ശ്‌​ന​ത്തെ അ​വ​ഗ​ണി​ക്കാ​തി​രി​ക്കാ​നും ശ്ര​ദ്ധി​ക്ക​ണം. ഈ ​ശീ​ലം തെ​റ്റാ​ണെ​ന്നും എ​ങ്ങ​നെ മോ​ഷ്​ടി​ക്കാ​തെ​ത​ന്നെ ശ​രി​യാ​യ മാ​ർ​ഗ​ങ്ങ​ളി​ലൂ​ടെ ആ​ഗ്ര​ഹ​ങ്ങ​ളും ആ​വ​ശ്യ​ങ്ങ​ളും സ​ഫ​ലീ​ക​രി​ക്കാ​മെ​ന്നും സ്‌​നേ​ഹ​ത്തോ​ടെ പ​റ​ഞ്ഞു മ​ന​സ്സി​ലാ​ക്ക​ണം. കൂ​ടെ, കു​ട്ടി​ക​ളെ കു​റ്റ​വാ​ളി​ക​ളാ​യി കാ​ണാ​തെ ന​ല്ല ആ​ശ​യ​വി​നി​മ​യം പു​ല​ർ​ത്തു​ക​യും അ​വ​രു​ടെ സ​ത്യ​സ​ന്ധ​ത​ക്ക് നി​ർ​ലോ​ഭം അം​ഗീ​കാ​രം കൊ​ടു​ക്കു​ക​യും ചെ​യ്യ​ണം.

ക്ലെ​പ്‌​റ്റോ​മാ​നി​യ പോ​ലെ​യു​ള്ള മാ​ന​സി​ക​പ്ര​ശ്‌​ന​ങ്ങ​ള്‍ മൂ​ല​മാ​ണ് മോ​ഷ​ണ സ്വ​ഭാ​വ​മെ​ങ്കി​ൽ അ​ത് ചി​കി​ത്സി​ച്ചു​മാ​റ്റ​ണം. ല​ഹ​രി ഉ​പ​യോ​ഗ​വും കു​ട്ടി​ക​ളി​ൽ മോ​ഷ​ണ​ത്തി​ന് പ്രേ​ര​ക​മാ​കാ​റു​ണ്ട്. അ​ങ്ങ​നെ​യു​ള്ള​വ​രി​ൽ ല​ഹ​രി​മു​ക്ത ചി​കി​ത്സ​യും ആ​വ​ശ്യ​മാ​യേ​ക്കാം. ഇ​ത്ത​രം കാ​ര്യ​ങ്ങ​ളി​ൽ ശി​ക്ഷന​ട​പ​ടി​ക​ൾ വേ​ണ്ട​ത്ര ഫ​ലം​ചെ​യ്‌​തെ​ന്നു വ​രി​ല്ല.

കു​ട്ടി​ക​ളു​ടെ മോ​ഷ​ണസ്വ​ഭാ​വ​ത്തെ തി​രു​ത്ത​ൽ വേ​ണ്ട പെ​രു​മാ​റ്റ വൈ​ക​ല്യ​മാ​യി ക​ണ​ക്കാ​ക്കി മ​ന​ശ്ശാ​സ്ത്ര​പ​ര​മാ​യ സ​ഹാ​യം ന​ൽ​ക​ണം. മാ​താ​പി​താ​ക്ക​ൾ​ക്കും മാ​ർ​ഗനി​ർദേ​ശം വേ​ണ്ടിവ​രും.

സൈ​ക്കോ തെ​റ​പ്പി, കൗ​ൺ​സ​ലി​ങ്, മ​ന​സ്സി​ന് നി​യ​ന്ത്ര​ണം വീ​ണ്ടെ​ടു​ക്കാ​നും മ​ന​സ്സിൻെറ സ​മ്മ​ർദം കു​റ​ക്കാ​നു​മു​ള്ള റി​ലാ​ക്‌​സേ​ഷ​ൻ മാ​ർ​ഗങ്ങ​ൾ, ന​ല്ല കൂ​ട്ടു​കെ​ട്ടു​ക​ളി​ലേ​ക്ക് മാ​റൽ തു​ട​ങ്ങി​യ​വ​യി​ലൂ​ടെ ഒ​രു പ​രി​ധി​വ​രെ ഈ ​സ്വ​ഭാ​വ​വൈ​ക​ല്യ​ത്തെ മാ​റ്റി​യെ​ടു​ക്കാ​നാ​കും. അ​പൂ​ർവം അ​വ​സ​ര​ങ്ങ​ളി​ൽ ചെ​റി​യ​തോ​തി​ലു​ള്ള മ​രു​ന്നു​ക​ൾ ന​ൽ​കേ​ണ്ട​താ​യും വ​രാം.
(പേ​രു​ക​ളും സാ​ഹ​ച​ര്യ​ങ്ങ​ളും സാ​ങ്ക​ൽപി​കം)

(ലേ​ഖ​ക​ൻ മാ​ന​സി​കാ​രോ​ഗ്യ വി​ദ​ഗ്ധ​നും ഗ്ര​ന്ഥ​ക​ർ​ത്താ​വും കോ​ള​മി​സ്​റ്റു​മാ​ണ്)