ക​ശ്​​മീ​രി​ൽ ഭീ​ക​ര​രു​മാ​യി ഏ​റ്റു​മു​ട്ട​ൽ; മ​ല​യാ​ളി​യ​ട​ക്കം ര​ണ്ടു സൈനികർക്ക്​ വീ​ര​മൃ​ത്യു

ശ്രീ​ന​ഗ​ർ: ജ​മ്മു ക​ശ്​​മീ​രി​ലെ ര​ജൗ​റി ജി​ല്ല​യി​ൽ നു​ഴ​ഞ്ഞു ക​യ​റി​യ പാ​ക്​ ഭീ​ക​ര​രെ ത​ട​യു​ന്ന​തി​നി​ടെ മ​ല​യാ​ളി സൈ​നി​ക​ന​ട​ക്കം ര​ണ്ടു ജ​വാ​ൻ​മാ​ർ​ക്ക്​ വീ​ര​മൃ​ത്യു. കോ​ഴി​ക്കോ​ട്​ പൂ​ക്കാ​ട്​ സ്വ​ദേ​ശി നാ​യി​ബ്​ സു​ബേ​ദാ​ർ ശ്രീ​ജി​ത്ത്​ (42), 17ാം മ​ദ്രാ​സ്​ റെ​ജി​മെൻറി​ലെ യ​ശ്​​വ​ന്ത്​ റെ​ഡ്ഡി എ​ന്നി​വ​രാ​ണ്​ വീ​ര​മൃ​ത്യു വ​രി​ച്ച ജ​വാ​ൻ​മാ​ർ. സേ​നാം​ഗ​ങ്ങ​ളു​ടെ തി​രി​ച്ച​ടി​യി​ൽ ര​ണ്ടു പാ​ക് ഭീ​ക​ര​രും കൊ​ല്ല​പ്പെ​ട്ടു. ഒ​രു സൈ​നി​ക​ന്​ പ​രി​ക്കേ​റ്റ​താ​യും സേ​നാ വ​ക്താ​വ്​ പ​റ​ഞ്ഞു.

ര​ജൗ​റി ജി​ല്ല​യി​ൽ സു​ദ​ർ​ബ​നി സെ​ക്​​ട​റി​ലെ നി​യ​ന്ത്ര​ണ രേ​ഖ​യി​ൽ വ്യാ​ഴാ​ഴ്​​ച​യാ​ണ്​ ഏ​റ്റു​മു​ട്ട​ലു​ണ്ടാ​യ​ത്. നു​ഴ​ഞ്ഞു​ക​യ​റ്റ​മു​ണ്ടാ​യെ​ന്ന വി​വ​ര​ത്തെ തു​ട​ർ​ന്ന്​ ഇ​വി​ടെ വ​ന​മേ​ഖ​ല​യി​ൽ തി​ര​ച്ചി​ൽ ന​ട​ത്തു​ക​യാ​യി​രു​ന്ന സു​ര​ക്ഷാ​സേ​ന​യു​ടെ മു​ന്നി​ൽ​പെ​ട്ട ഭീ​ക​ര​ർ വെ​ടി​യു​തി​ർ​ത്തു. തി​രി​ച്ച​ടി​ച്ച സേ​ന ര​ണ്ടു ഭീ​ക​ര​രെ വീ​ഴ്​​ത്തി നു​ഴ​ഞ്ഞു ക​യ​റ്റ ശ്ര​മം ത​ട​ഞ്ഞു​വെ​ങ്കി​ലും മൂ​ന്നു സേ​നാം​ഗ​ങ്ങ​ൾ​ക്കു വെ​ടി​യേ​റ്റു. ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ഇ​വ​രി​ൽ ശ്രീ​ജി​ത്തും യ​ശ്​​വ​ന്ത്​ റെ​ഡ്ഡി​യും മ​ര​ണ​ത്തി​നു കീ​ഴ​ട​ങ്ങി.

പ്ര​ദേ​ശ​ത്ത്​ കൂ​ടു​ത​ൽ സേ​നാം​ഗ​ങ്ങ​ളെ​ത്തി തി​ര​ച്ചി​ൽ ആ​രം​ഭി​ച്ചി​ട്ടു​ണ്ട്. കൂ​ടു​ത​ൽ വി​വ​ര​ങ്ങ​ൾ അ​റി​വാ​യി​ട്ടി​ല്ല. നി​യ​ന്ത്ര​ണ രേ​ഖ​യി​ൽ ഭീ​ക​ര​രു​ടെ നു​ഴ​ഞ്ഞു​ക​യ​റ്റ​ശ്ര​മം പ​രാ​ജ​യ​പ്പെ​ടു​ത്തി​യ​താ​യി സേ​ന വ​ക്​​താ​വ്​ ട്വി​റ്റ​റി​ൽ കു​റി​ച്ചു.

ഇ​തി​നു പു​റ​മെ, കു​ൽ​ഗാം, പു​ൽ​വാ​മ ജി​ല്ല​ക​ളി​ൽ സു​ര​ക്ഷ​സേ​ന​യു​മാ​യു​ണ്ടാ​യ വ്യ​ത്യ​സ്​​ത ഏ​റ്റു​മു​ട്ട​ലു​ക​ളി​ൽ നാ​ലു തീ​വ്ര​വാ​ദി​ക​ളും കൊ​ല്ല​പ്പെ​ട്ടു. കു​ൽ​ഗാ​മി​ലെ സൊ​ദ​റ മേ​ഖ​ല​യി​ൽ പ​രി​ശോ​ധ​ന​ക്കെ​ത്തി​യ സേ​ന​ക്കു​നേ​രെ തീ​വ്ര​വാ​ദി​ക​ൾ വെ​ടി​യു​തി​ർ​ക്കു​ക​യാ​യി​രു​ന്നു. സേ​ന തി​രി​ച്ച​ടി​ച്ച​പ്പോ​ൾ ര​ണ്ടു ല​ശ്​​ക​റെ ത്വ​യ്യി​ബ തീ​വ്ര​വാ​ദി​ക​ൾ കൊ​ല്ല​പ്പെ​ട്ടു. പു​ൽ​വാ​മ​യി​ലെ പു​ച്ച​ലി​ലാ​ണ്​ ര​ണ്ടു തീ​വ്ര​വാ​ദി​ക​ൾ കൊ​ല്ല​പ്പെ​ട്ട​ത്.

തി​രു​വ​ങ്ങൂ​ര്‍ മാ​ക്കാ​ട് വ​ൽ​സ​​ന്‍റെ​യും ശോ​ഭ​ന​യു​ടെ​യും മ​ക​നാ​ണ് ശ്രീ​ജി​ത്ത്. ഭാ​ര്യ: ഷ​ജി​ന. മ​ക്ക​ള്‍: അ​തു​ല്‍ജി​ത്ത്, ത​ന്മ​യ ല​ക്ഷ്മി. സ​ഹോ​ദ​ര​ങ്ങ​ള്‍ : റാ​ണി, അ​നൂ​പ്. ചേ​മ​ഞ്ചേ​രി പൂ​ക്കാ​ട് പു​തു​താ​യി നി​ർ​മി​ച്ച വീ​ട്ടി​ലാ​ണു താ​മ​സം. മാ​ര്‍ച്ച് ആ​ദ്യ​വാ​രം നാ​ട്ടി​ല്‍ വ​ന്നി​രു​ന്നു.