ആകാശ വിസ്​മയം; ഡൽഹിയുടെ മാനത്ത്​ ഇരട്ട മഴവില്ല്,​ ചിത്രങ്ങൾ കാണാം

ന്യൂഡൽഹി: മഴ മാറി മാനം തെളിഞ്ഞതോടെ ഡൽഹിയുടെ ആകാശത്ത്​ തെളിഞ്ഞത്​ ഇരട്ടമഴവില്ല്​. കഴിഞ്ഞ കുറച്ചുദിവസങ്ങളായി ഡൽഹിയിൽ കനത്ത മഴ പെയ്​തിരുന്നു. മഴയിൽ പല പ്രദേശങ്ങളും വെള്ളത്തിനടിയിലാകുകയും റോഡുകൾ മുങ്ങുകയും ഗതാഗതം തടസപ്പെടുകയും ചെയ്​തിരുന്നു.

വെള്ളിയാഴ്​ച മഴ മാറിനിന്നതോടെ ഡൽഹിയുടെ ആകാശത്ത്​ ഇരട്ട മഴവില്ല്​ പ്രത്യക്ഷപ്പെടുകയായിരുന്നു. മഴവില്ല്​ പ്രത്യക്ഷമായതോടെ നിരവധി പേർ ചിത്രങ്ങൾ പകർത്തി സാമൂഹിക മാധ്യമങ്ങളിൽ പോസ്​റ്റ്​ ചെയ്​തു.

മിക്കയിടങ്ങളിലും ഇരട്ട മഴവില്ലിനെ പ്രത്യാശയുടെ കിരണമായാണ്​ കരുതുന്നത്​. സൂര്യപ്രകാശത്തി​െൻറ ഇരട്ട പ്രതിഫലനമാണ്​ ഇരട്ട മഴവില്ലിന്​ കാരണമെന്ന്​ ​ശാസ്​ത്രം പറയുന്നു.