സേ​വ​ന നി​റ​വി​ൽ പെ​രു​വാ​യി പ​ഞ്ചാ​യ​ത്ത് പ്ര​സി​ഡ​ന്റ്

മം​ഗ​ളൂ​രു: കേ​ര​ള​വു​മാ​യി അ​തി​ർ​ത്തി പ​ങ്കി​ടു​ന്ന ദ​ക്ഷി​ണ ക​ന്ന​ട ജി​ല്ല​യി​ൽ ബ​ണ്ട്വാ​ൾ താ​ലൂ​ക്കി​ലെ പെ​രു​വാ​യി ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് ന​ഫീ​സ ഡ​ൽ​ഹി​യി​ൽ സ്വാ​ത​ന്ത്ര്യ ദി​നാ​ഘോ​ഷ ച​ട​ങ്ങു​ക​ളി​ൽ അ​തി​ഥി. പ്ര​ത്യേ​ക ക്ഷ​ണം ല​ഭി​ച്ച അ​വ​ർ ബു​ധ​നാ​ഴ്ച പു​റ​പ്പെ​ട്ടു.

വി​ക​സ​ന, മാ​ലി​ന്യ നി​ർ​മാ​ർ​ജ​ന, സാ​മൂ​ഹി​ക സേ​വ​ന, വി​ദ്യാ​ഭ്യാ​സ, സ്ത്രീ ​ശാ​ക്തീ​ക​ര​ണ മേ​ഖ​ല​ക​ളി​ലെ സ​മ​ഗ്ര സം​ഭാ​വ​ന​ക​ൾ പ​രി​ഗ​ണി​ച്ചാ​ണ് കോ​ൺ​ഗ്ര​സു​കാ​രി​യാ​യ ന​ഫീ​സ​ക്ക് കേ​ന്ദ്ര സ​ർ​ക്കാ​റി​ന്റെ ആ​ദ​രം. സ്ത്രീ ​ശാ​ക്തീ​ക​ര​ണം അ​ധ​ര​വ്യാ​യാ​മ​ത്തി​ല​ല്ല ക​ർ​മ​ത്തി​ലാ​വ​ണ​മെ​ന്ന് തെ​ളി​യി​ച്ച പ്ര​വൃ​ത്തി​ക​ളി​ലൂ​ടെ ഏ​റെ ശ്ര​ദ്ധ നേ​ടി​യി​രു​ന്നു. ഡ്രൈ​വ​ർ ഇ​ല്ലാ​താ​യ ദി​വ​സം ഖ​ര​മാ​ലി​ന്യം ശേ​ഖ​രി​ക്കു​ന്ന ലോ​റി ഓ​ടി​ച്ച് പ​ഞ്ചാ​യ​ത്ത് പ്ര​സി​ഡ​ന്റ് വീ​ടു​ക​ളു​ടെ പ​ടി​ക്ക​ൽ എ​ത്തി​യ​ത് നാ​ട്ടു​കാ​ർ​ക്ക് വി​സ്മ​യ​ക്കാ​ഴ്ച​യാ​യി. തൊ​ഴി​ലു​റ​പ്പ് തൊ​ഴി​ലാ​ളി​ക​ൾ​ക്കൊ​പ്പം അ​വ​രി​ൽ ഒ​രാ​ളാ​യി ജോ​ലി ചെ​യ്യു​ന്ന​താ​ണ് പ്ര​സി​ഡ​ന്റി​ന്റെ രീ​തി. മൂ​ന്ന് വാ​ർ​ഡു​ക​ളും ജ​ന​സം​ഖ്യാ​നു​പാ​തി​ക​മാ​യി എ​ട്ട് അം​ഗ​ങ്ങ​ളു​മു​ള്ള പ​ഞ്ചാ​യ​ത്തി​ൽ ഒ​ന്നാം വാ​ർ​ഡ് പ്ര​തി​നി​ധാ​നം ചെ​യ്യു​ന്ന മൂ​ന്ന് അം​ഗ​ങ്ങ​ളി​ൽ ഒ​രാ​ളാ​ണ് ന​ഫീ​സ. ര​ണ്ടാം വാ​ർ​ഡി​ൽ മൂ​ന്ന്, മൂ​ന്നാം വാ​ർ​ഡി​ൽ ര​ണ്ട് എ​ന്നി​ങ്ങ​നെ​യാ​ണ് മ​റ്റു അം​ഗ​ങ്ങ​ൾ.

സ​ഞ്ചാ​ര​യോ​ഗ്യ പാ​ത​ക​ൾ, അം​ഗ​ൻ​വാ​ടി​ക​ൾ, മ​റ്റു അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കു​ന്ന​തി​ൽ മി​ക​വു​റ്റ നേ​തൃ​ത്വം ന​ൽ​കാ​ൻ ക​ഴി​ഞ്ഞ​തി​ന്റെ കൂ​ടി​യാ​ണ് അം​ഗീ​കാ​രം. സ്വ​ന്തം പ​ണം മു​ട​ക്കി പു​സ്ത​ക​ങ്ങ​ൾ വാ​ങ്ങി വീ​ടു​ക​ളി​ൽ എ​ത്തി​ച്ച് പാ​വ​പ്പെ​ട്ട കു​ട്ടി​ക​ളു​ടെ പ​ഠ​നം മു​ട​ങ്ങാ​തി​രി​ക്കാ​നു​ള്ള പ്ര​സി​ഡ​ന്റി​ന്റെ ക​രു​ത​ൽ പ്ര​ശം​സ​നീ​യ​മാ​ണ്. ക​ർ​ണാ​ട​ക ഗ്രാ​മ വി​ക​സ​ന ഇ​ൻ​സ്റ്റി​റ്റ്യൂ​ട്ടി​ൽ ഖ​ര​മാ​ലി​ന്യ സം​സ്ക​ര​ണ, നി​ർ​മാ​ർ​ജ​ന റി​സോ​ഴ്സ് പേ​ഴ്സ​നാ​ണ് ന​ഫീ​സ. ലോ​ക യു​വ​ജ​ന ദി​ന​ത്തി​ൽ ബം​ഗ​ളൂ​രു​വി​ൽ ന​ട​ന്ന ച​ട​ങ്ങി​ൽ ന​ഫീ​സ​യെ മു​ഖ്യ​മ​ന്ത്രി ആ​ദ​രി​ച്ചി​രു​ന്നു.

ഡ​ൽ​ഹി​യി​ൽ അ​തി​ഥി​യാ​യി ക്ഷ​ണം ല​ഭി​ച്ച പ​ഞ്ചാ​യ​ത്ത് പ്ര​സി​ഡ​ന്റി​നെ ക​ർ​ണാ​ട​ക നി​യ​മ​സ​ഭ സ്പീ​ക്ക​ർ യു.​ടി. ഖാ​ദ​ർ അ​നു​മോ​ദി​ച്ചു. ‘‘വ​ലി​യ സ​ന്തോ​ഷം, ഞാ​ൻ സ്വ​പ്ന​ത്തി​ൽ പോ​ലും പ്ര​തീ​ക്ഷി​ച്ച​ത​ല്ല ഈ ​ആ​ദ​ര​വ്...’’ ഡ​ൽ​ഹി​ക്ക് തി​രി​ക്കും മു​മ്പ് ന​ഫീ​സ ‘മാ​ധ്യ​മ’​ത്തോ​ട് പ​റ​ഞ്ഞു. അ​ൽ​ഫാ​സ്, അ​ഫ്ന, അ​യി​ശ എ​ന്നീ മ​ക്ക​ളെ ചേ​ർ​ത്തു പി​ടി​ച്ച് ഷാ​ർ​ജ​യി​ലു​ള്ള ഭ​ർ​ത്താ​വ് മു​ഹ​മ്മ​ദ് ഹ​നീ​ഫു​മാ​യാ​ണ് ഈ 31​കാ​രി സ​ന്തോ​ഷം ആ​ദ്യം പ​ങ്കി​ട്ട​ത്.