ഐക്യത്തോടെ ഞങ്ങൾ... പ്ര​തി​പ​ക്ഷ നേ​താ​ക്ക​ൾ ഒ​ന്നി​ച്ചു, നിർണായക യോഗം ഇന്ന്

ബം​ഗ​ളൂ​രു: ഇ​ന്ത്യ​ൻ രാ​ഷ്ട്രീ​യ​ത്തി​ൽ അ​പൂ​ർ​വ​മാ​യ വി​ശാ​ല സ​ഖ്യ സാ​ധ്യ​ത​ക്ക് ക​ള​മൊ​രു​ക്കി ബം​ഗ​ളൂ​രു​വി​ൽ പ്ര​തി​പ​ക്ഷ നേ​താ​ക്ക​ൾ ഒ​ന്നി​ച്ചു. പ​ട്ന​യി​ൽ ക​ഴി​ഞ്ഞ​മാ​സം ന​ട​ന്ന ആ​ദ്യ യോ​ഗ​ത്തി​ന്റെ തു​ട​ർ​ച്ച​യാ​യാ​ണ് ബം​ഗ​ളൂ​രു​വി​ലെ യോ​ഗം. തി​ങ്ക​ളാ​ഴ്ച അ​നൗ​പ​ചാ​രി​ക കൂ​ടി​ക്കാ​ഴ്ച​ക്ക് ശേ​ഷം വൈ​കീ​ട്ട് ന​ഗ​ര​ത്തി​ലെ ഹോ​ട്ട​ലി​ൽ ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ ഒ​രു​ക്കി​യ അ​ത്താ​ഴ​വി​രു​ന്നി​ൽ നേ​താ​ക്ക​ൾ പ​​ങ്കെ​ടു​ത്തു. ചൊ​വ്വാ​ഴ്ച രാ​വി​ലെ 11 മു​ത​ൽ നി​ർ​ണാ​യ​ക യോ​ഗം ചേ​രും. വൈ​കീ​ട്ട് നാ​ലു വ​രെ നീ​ളു​ന്ന യോ​ഗ​ത്തി​ൽ പ്ര​തി​പ​ക്ഷ സ​ഖ്യം സം​ബ​ന്ധി​ച്ച സു​പ്ര​ധാ​ന തീ​രു​മാ​ന​ങ്ങ​ൾ കൈ​ക്കൊ​ള്ളും.

‘ഐ​ക്യ​ത്തോ​ടെ ഞ​ങ്ങ​ൾ നി​ല​​കൊ​ള്ളു​ന്നു’ എ​ന്ന മു​ദ്രാ​വാ​ക്യ​വു​മാ​യാ​ണ് പ്ര​തി​പ​ക്ഷ പാ​ർ​ട്ടി​ക​ളു​ടെ യോ​ഗം.2024 ലോ​ക്സ​ഭ തെ​ര​ഞ്ഞെ​ടു​പ്പ് മു​ന്നി​ൽ​ക്ക​ണ്ട് ബി.​ജെ.​പി​യെ ​പ​രാ​ജ​യ​പ്പെ​ടു​ത്താ​ൻ പൊ​തു മി​നി​മം പ​രി​പാ​ടി​ക്ക് അ​ന്തി​മ രൂ​പം ന​ൽ​കു​ക, സ​ഖ്യ​ത്തി​ന് കോ​ഓ​ഡി​നേ​ഷ​ൻ ക​മ്മി​റ്റി ചെ​യ​ർ​മാ​നെ നി​ശ്ച​യി​ക്കു​ക, അ​ത​ത് സം​സ്ഥാ​ന​ങ്ങ​ളി​ൽ സീ​റ്റ് പ​ങ്കി​ടു​ന്ന​ത് സം​ബ​ന്ധി​ച്ച് ഫോ​ർ​മു​ല രൂ​പ​പ്പെ​ടു​ത്തു​ക തു​ട​ങ്ങി​യ കാ​ര്യ​ങ്ങ​ളാ​ണ് പ്ര​ധാ​ന​മാ​യും ച​ർ​ച്ച ചെ​യ്യു​ക. പ​ട്ന​യി​ൽ ന​ട​ന്ന ആ​ദ്യ യോ​ഗ​ത്തി​ൽ​നി​ന്ന് വ്യ​ത്യ​സ്ത​മാ​യി കൂ​ടു​ത​ൽ പാ​ർ​ട്ടി​ക​ൾ യോ​ഗ​ത്തി​ൽ പ​​ങ്കെ​ടു​ക്കു​ന്നു​ണ്ട്. 26 പ്ര​തി​പ​ക്ഷ പാ​ർ​ട്ടി​ക​ളു​ടെ 49 നേ​താ​ക്ക​ൾ ചൊ​വ്വാ​ഴ്ച യോ​ഗ​ത്തി​ൽ സം​ബ​ന്ധി​ക്കും.

മു​ഖ്യ​മ​ന്ത്രി​മാ​രാ​യ എം.​കെ. സ്റ്റാ​ലി​ൻ (ത​മി​ഴ്നാ​ട്), അ​ര​വി​ന്ദ് കെ​ജ്രി​വാ​ൾ (ഡ​ൽ​ഹി), നി​തീ​ഷ് കു​മാ​ർ (ബി​ഹാ​ർ), ഹേ​മ​ന്ത് സോ​റ​ൻ (ഝാ​ർ​ഖ​ണ്ഡ്), ഭ​ഗ​വ​ന്ത് മ​ൻ (പ​ഞ്ചാ​ബ്), മ​മ​ത ബാ​ന​ർ​ജി (പ​ശ്ചി​മ ബം​ഗാ​ൾ) എ​ന്നി​വ​ർ ബം​ഗ​ളൂ​രു​വി​ലെ​ത്തി. സോ​ണി​യ ഗാ​ന്ധി, രാ​ഹു​ൽ ഗാ​ന്ധി, ലാ​ലു പ്ര​സാ​ദ് യാ​ദ​വ്, ഉ​മ​ർ അ​ബ്ദു​ല്ല, മ​ഹ്ബൂ​ബ മു​ഫ്തി, സീ​താ​റാം യെ​ച്ചൂ​രി, അ​ഖി​ലേ​ഷ് യാ​ദ​വ്, ഉ​ദ്ധ​വ് താ​ക്ക​റെ, ഡി. ​രാ​ജ, പി.​കെ. കു​ഞ്ഞാ​ലി​ക്കു​ട്ടി തു​ട​ങ്ങി​യ നേ​താ​ക്ക​ളും എ​ത്തി. ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ, ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, മ​റ്റു മ​ന്ത്രി​മാ​ർ എ​ന്നി​വ​ർ ചേ​ർ​ന്ന് വി​മാ​ന​ത്താ​വ​ള​ത്തി​ൽ നേ​താ​ക്ക​ൾ​ക്ക് ഊ​ഷ്മ​ള സ്വീ​ക​ര​ണം ന​ൽ​കി.

മ​ഹാ​രാ​ഷ്ട്ര​യി​ൽ എ​ൻ.​സി.​പി​യി​ലെ ഉ​ൾ​പ്പോ​ര് മു​റു​കു​ന്ന​തി​നാ​ൽ ശ​ര​ദ് പ​വാ​റും മ​ക​ൾ സു​പ്രി​യ​യും ചൊ​വ്വാ​ഴ്ച രാ​വി​ലെ എ​ത്തു​മെ​ന്നാ​ണ് അ​റി​യി​ച്ചി​രി​ക്കു​ന്ന​ത്. ജെ.​ഡി-​എ​സ്, ബി.​ജെ.​ഡി, വൈ.​എ​സ്.​ആ​ർ.​സി.​പി, ബി.​ആ​ർ.​എ​സ്, എ.​ഐ.​എം.​ഐ.​എം, ബി.​എ​സ്.​പി തു​ട​ങ്ങി​യ പ്ര​തി​പ​ക്ഷ സം​ഘ​ട​ന​ക​ൾ യോ​ഗ​ത്തി​ൽ​നി​ന്ന് വി​ട്ടു​നി​ൽ​ക്കും. ബം​ഗ​ളൂ​രു​വി​ൽ ന​ട​ക്കു​ന്ന പ്ര​തി​പ​ക്ഷ പാ​ർ​ട്ടി യോ​ഗ​ത്തി​ലും ഡ​ൽ​ഹി​യി​ൽ ന​ട​ക്കു​ന്ന എ​ൻ.​ഡി.​എ യോ​ഗ​ത്തി​ലും ജെ.​ഡി-​എ​സി​ന് ക്ഷ​ണം ല​ഭി​ച്ചി​ട്ടി​ല്ല.

എ​ൻ.​ഡി.​എ​യി​ൽ ചേ​രു​ന്ന​ത് സം​ബ​ന്ധി​ച്ച് ജെ.​ഡി-​എ​സി​ൽ അ​ന്തി​മ തീ​രു​മാ​ന​മാ​വാ​ത്ത​താ​ണ് കാ​ര​ണം. അ​തേ​സ​മ​യം, പ​ശ്ചി​മ ബം​ഗാ​ളി​ൽ തൃ​ണ​മൂ​ൽ കോ​ൺ​ഗ്ര​സു​മാ​യു​ള്ള സ​ഖ്യം പ്ര​തി​പ​ക്ഷ സ​മ്മേ​ള​ന​ത്തി​ന് എ​ത്തി​യ സി.​പി. എം ​ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി ത​ള്ളി. ഇ​ട​തു​പ​ക്ഷ​വും കോ​ൺ​ഗ്ര​സും ചേ​ർ​ന്ന മ​തേ​ത​ര പാ​ർ​ട്ടി​ക​ൾ ബി.​ജെ.​പി​യെ​യും തൃ​ണ​മൂ​ലി​നെ​യും നേ​രി​ടു​മെ​ന്നും അ​ദ്ദേ​ഹം വ്യ​ക്ത​മാ​ക്കി. പ്ര​തി​പ​ക്ഷ വോ​ട്ടു​ക​ളു​ടെ ഭി​ന്നി​പ്പ് കു​റ​യ്ക്കാ​നാ​ണ് ശ്ര​മ​മെ​ന്നും ഒ​രു​മി​ച്ച് പോ​രാ​ടാ​നു​ള്ള പ​ദ്ധ​തി ത​യ്യാ​റാ​ക്കു​മെ​ന്നും യെ​ച്ചൂ​രി കൂ​ട്ടി​ച്ചേ​ർ​ത്തു.