ആധാർ: ഭാവിയിൽ ഡി.എൻ.എ സാമ്പിളും നിർബന്ധമാക്കില്ലേയെന്ന്​ സുപ്രീംകോടതി

ന്യൂഡൽഹി: രാജ്യത്തെ ഒാരോ പൗരനും ബയോമെട്രിക്​ വിവരങ്ങൾ കൈമാറണമെന്ന്​ നിർബന്ധമാക്കുന്ന ആധാർ നിയമത്തിലെ വ്യവസ്​ഥകൾ പ്രകാരം ഭാവിയിൽ ഡി.എൻ.എ സാമ്പിളും രക്​ത, മൂത്ര സാമ്പിളുകളും കൈ​മാറേണ്ടിവരില്ലേയെന്ന്​ കേന്ദ്രത്തോട്​ സുപ്രീംകോടതി. ആധാറി​​​െൻറ ഭരണഘടനാസാധുത ചോദ്യം ചെയ്​തുള്ള ഹരജികളിൽ അന്തിമവാദം കേൾക്കുന്നതിനി​ടെയാണ്​ ജസ്​റ്റിസ്​ ചന്ദ്രചൂഡ് വിഷയം ചൂണ്ടിക്കാണിച്ചത്​. 2016ലെ ആധാർ നിയമം 54ാം വകുപ്പ്​ 2 (എ) അനുസരിച്ച്​ ആവശ്യപ്പെടാവുന്ന ബയോ​മെട്രിക്​ വിവരങ്ങൾ പരിമിതപ്പെടുത്തിയിട്ടില്ല. ഇതുപ്രകാരം ഡി.എൻ.എ സാമ്പിൾ മുതൽ വ്യക്​തിയുടെ വിയർപ്പ്​ വരെ കൈമാറണമെന്ന്​ നിബന്ധന വെക്കാം. 

എന്നാൽ, അങ്ങനെ ആവശ്യപ്പെടും മുമ്പ്​ പാർലമ​​െൻറി​​​െൻറ അംഗീകാരം ചോദിക്കുമെന്ന്​ അറ്റോണി ജനറൽ കെ.കെ. വേണുഗോപാൽ പ്രതികരിച്ചെങ്കിലും നിലവിലുള്ള നിയമം അനുവദിക്കു​േമ്പാൾ ഇനി പുതിയ അനുമതി ആവശ്യമില്ലല്ലോ എന്നായിരുന്നു ജഡ്​ജിയുടെ മറുപടി. ചോദിക്കരുതെന്ന്​ പാർലമ​​െൻറ്​ പാസാക്കുംവരെ ആധാർ അതോറിറ്റിക്ക്​ പൗരനിൽ നിന്ന്​ ഇവ ആവശ്യപ്പെടാം. നേര​േത്തയുള്ള നിയമം നൽകുന്ന പരിധിവിട്ട അധികാരങ്ങ​ൾ മറികടക്കാൻ പിന്നീട്​ പാർലമ​​െൻറി​​​െൻറ അംഗീകാരം തേടുമെന്ന്​ പറയുന്നതിനെയും ജഡ്​ജി വിമർശിച്ചു. 

കേന്ദ്രത്തി​​​െൻറ അവകാശവാദം ബലപ്പെടുത്താൻ അ​േമരിക്കൻ കോടതിയുടെ നിരവധി വിധിന്യായങ്ങൾ അറ്റോണി ജനറൽ കോടതി മുമ്പാകെ സമർപ്പിച്ചു. എന്നാൽ, ഇതിന്​ വിപരീത നിലപാടാണ്​ ജർമൻ കോടതി ഉൾപ്പെടെ യൂറോപ്യൻ കോടതികൾ സ്വീകരിച്ചതെന്ന്​ ഭരണഘടനബെഞ്ച്​ ചൂണ്ടിക്കാട്ടി. ആധാർ നടപ്പാക്കിയത്​ വിദഗ്​ധർ അംഗീകാരം നൽകിയ നയപരമായ തീരുമാനമാണെന്നും കോടതിക്ക്​ ഇടപെടാനാവില്ലെന്നും കേന്ദ്രത്തിനുവേണ്ടി ഹാജരായ അറ്റോണി ജനറൽ ​കെ.കെ. വേണുഗോപാൽ നേര​േത്ത പറഞ്ഞിരുന്നു. ഡിജിറ്റൽ യുഗത്തിൽ കള്ളപ്പണം തടയാനും അർഹർക്ക്​ സബ്​സിഡി ആനുകൂല്യം നൽകാനും ഏറ്റവും മികച്ച വഴിയാണ്​ ആധാർ. 

ലോകബാങ്ക്​ പോലും ഇൗ വിഷയത്തിൽ ഇന്ത്യയെ പ്രശംസിച്ചിട്ടുണ്ട്​. മാന്യതയോടെ ജീവിക്കാനുള്ള അവകാശത്തി​​​െൻറ ഭാഗമാണ് ആനുകൂല്യങ്ങൾ എന്നതിനാൽ വ്യക്​തിയുടെ സ്വകാര്യതക്കുള്ള അവകാശം ഇതിനുവേണ്ടി ബലികഴിക്കാം.  ആധാർ നടപ്പാക്കാൻ സർക്കാറിന്​ നിയമപരമായ സാധുതയുണ്ടെന്നും കെ.കെ. വേണുഗോപാൽ പറഞ്ഞു. ചീഫ്​ ജസ്​റ്റിസ്​ ദീപക്​ മിശ്രയുടെ നേതൃത്വത്തിലുള്ള അഞ്ചംഗ ഭരണഘടനബെഞ്ചാണ്​ കേസിൽ വാദം കേൾക്കുന്നത്​.