സ്വാതന്ത്ര്യത്തിന്‍റെ അമൃതം പകർന്ന്​ വി ഇന്ത്യ@75

സ്വാതന്ത്ര്യസമരസേനാനികളുടെ ഒാർമകൾ പേറുന്ന ബ്രിട്ടീഷ്​ കാലത്ത്​ പണിത ഡൽഹിയിലെ വെസ്​റ്റേൺ കോർട്ടിലെ വേദി. ഒരു കൈകൊണ്ട്​ ഭരണഘടനയുടെ ആമുഖം നെഞ്ചോടു​ ചേർത്തും​ മറുകൈയിൽ ത്രിവർണ പതാക പിടിച്ചും കേരളത്തി​െൻറ തെക്കേ അറ്റം മുതൽ വടക്കേ അറ്റം വരെയുള്ള പാർലമെ​േൻററിയന്മാർ കാത്തുനിൽക്കുകയാണ്​. ഇഖ്​ബാലി​െൻറ പ്രസിദ്ധമായ ദേശഭക്തി ഇൗരടി പശ്ചാത്തലത്തിലു​യർന്നതോടെ പുതുതലമുറയുടെ പ്രതിനിധികളായി കൊച്ചുകൂട്ടുകാർ അണിയായി വന്ന്​ ഡൽഹിയിലെ ജനപ്രതിനിധികൾക്ക്​ മുഖാമുഖം നിന്നു. തുടർന്നായിരുന്നു ഇന്ത്യയുടെ 75ാം സ്വാതന്ത്ര്യദിനാഘോഷത്തിന്​ തുടക്കമായി 'മാധ്യമം' ഒരുക്കിയ ആ അവിസ്​മരണീയ മുഹൂർത്തം. നിർണായക ചരിത്രസന്ധിയിൽ സ്വാതന്ത്ര്യത്തി​െൻറ അമൃതം കാത്തുസൂക്ഷിക്കുന്ന ഒരു ഭാവി തലമുറയെ സജ്ജമാക്കാന​ുള്ള സ്വാതന്ത്ര്യസന്ദേശ കൈമാറ്റം.

സൂര്യനസ്​തമിക്കാത്ത ബ്രിട്ടീഷ്​ സാമ്രാജ്യത്തോട്​ സമരംചെയ്​ത നാളുകളിൽ പണ്ഡിറ്റ്​ മോത്തിലാൽ നെഹ്​റുവും ലാലാ ലജ്​പത്​ റായിയും അടക്കമുള്ള സ്വാതന്ത്ര്യസമര സേനാനികൾ തങ്ങിയ പൈതൃകമന്ദിരമായ വെസ്​റ്റേൺ കോർട്ടിലേക്കാണ് സ്വാതന്ത്ര്യത്തി​െൻറ സന്ദേശം പുതുതലമുറക്ക്​ കൈമാറുന്ന സവിശേഷ ചടങ്ങിനുള്ള പഴയ തലമുറയിലെയും പുതിയ തലമുറയിലെയും അതിഥികളെ 'മാധ്യമം' സ്വീകരിച്ചാനയിച്ചത്​. ഭരണഘടനയോടുള്ള കൂറും വിശ്വാസ്യതയും കാത്തുസൂക്ഷിക്കുമെന്ന്​ പാർലമെൻറിൽ വന്ന്​ സത്യം ചെയ്​ത എം.പി.മാർക്ക്​ മുന്നിൽ സ്വതന്ത്ര ഇന്ത്യയുടെ ലക്ഷ്യം ആലേഖനം ചെയ്​ത ഭരണഘടനയുടെ ആമുഖവും ദേശത്തി​െൻറ മൂവർണക്കൊടിയും ഏറ്റുവാങ്ങാൻ ​എത്തിയത്​ വയനാട്ടിലെ ആര്യനും ഏറനാട്ടിലെ നൈസയും തിരൂരങ്ങാടിയിലെ തസീമും പൊന്നാനിയിലെ ഇഹ്​സാനും തൊട്ട്​ ഗൊരഖ്​പുരിൽനിന്നുള്ള അയാൻ വരെയുള്ള ഇന്ത്യയുടെ പരിച്ഛേദം. ഒരു ജനതയെ ഒന്നിപ്പിച്ചുനിർത്തുന്ന ഇൗ കൊടിയും ഭരണഘടനയുമല്ലാതെ നിർണായകമായ ദശാസന്ധിയിൽ ഇന്ത്യക്കായി​ കേരളത്തിന്​ കൈമാറാനും കരുതിവെക്കാനും മറ്റൊന്നുമില്ല. ഇവ രണ്ടും തങ്ങളുടെ ഹൃദയത്തോട്​ ചേർത്തുപിടിച്ച്​​ നാടിനുവേണ്ടി ജീവൻ സമർപ്പിച്ച ധീരാത്മാക്ക​േളാട്​​ നീതി പുലർത്തുമെന്നും സ്വാതന്ത്ര്യത്തി​െൻറ അമൃതം കാത്തുസൂക്ഷിക്കുമെന്നും 'മാധ്യമ'പ്പന്തലിൽ പുതുതലമുറ പ്രതിജ്ഞ ചെയ്യുകയായിരുന്നു.

 ശബ്​ദമില്ലാത്തവരുടെ ശബ്​ദവും നാടി​െൻറ തുടിപ്പും പ്രവാസിയുടെ മിടിപ്പുമായി ഏഴു​ രാഷ്​ട്രങ്ങളിൽനിന്ന്​ പ്രസിദ്ധീകരിക്കുന്ന ഏക ഇന്ത്യൻ പത്രം ഇന്ത്യയിലും യു.എ.ഇ, ഖത്തർ, ബഹ്​റൈൻ, സൗദി അറേബ്യ, കുവൈത്ത്​, ഒമാൻ എന്നീ രാജ്യങ്ങളിലും ഒരുക്കുന്ന ഒരു വർഷം നീളുന്ന സ്വാതന്ത്ര്യ വാർഷികാഘോഷ പദ്ധതി എഡിറ്റർ വി.എം. ഇബ്രാഹിം കേരളത്തി​െൻറ പാർലമെ​േൻററിയന്മാർക്കു​ മുന്നിൽ വെച്ചു. ഇൗ ആഘോഷത്തി​ന്​ രാജ്യതലസ്​ഥാനത്ത്​ ആരംഭം കുറിക്കാനാണ്​ വെസ്​റ്റേൺ കോർട്ടിലെ മൾട്ടി പർപ്പസ്​ ഹാളിൽ കേരളത്തി​െൻറ തെക്ക്​ മുതൽ വടക്ക്​ വരെയുള്ള മുതിർന്ന ജനപ്രതിനിധികളും ഇന്ത്യയുടെ തെക്ക്​ മുതൽ വടക്ക്​ വരെയുള്ള കൊച്ചുവിശിഷ്​ടാതിഥികളും സമ്മേളിച്ചത്​.

 ഒരു പത്രം സ്വാതന്ത്ര്യത്തി​െൻറ 75ാം വാർഷികം ഇത്രയും വിപുലമായി ആഘോഷി​ക്കേണ്ടിവന്നത്​ എന്തുകൊണ്ടാണെന്ന്​ പറഞ്ഞത്​ ചീഫ്​ എഡിറ്റർ ഒ. അബ്​ദുറഹ്​മാൻ ആണ്.ഇന്ത്യയിൽ ഇന്ന്​ ജീവിച്ചിരിക്കുന്നവരിൽ മഹാഭൂരിപക്ഷവും രാജ്യം സ്വാതന്ത്ര്യം നേടിയതിനുശേഷം ജനിച്ചവരാണ്​. സ്വാതന്ത്ര്യത്തെക്കുറിച്ച്​ അവർക്ക്​ കേട്ടുകേൾവിയേ ഉള്ളൂ. ഗാന്ധിജിയുടെ നേതൃത്വത്തിൽ സഹനസമരത്തിലൂ​െട നേടിയ സ്വാതന്ത്ര്യംപോലെ രണ്ടാമ​െതാന്ന്​ ലോകചരിത്രത്തിൽ ഇന്നുവരെയുണ്ടായിട്ടില്ല. അതെങ്ങനെ സാധിച്ചുവെന്നും അത്രയും വിലപ്പെട്ട സ്വാതന്ത്ര്യത്തെ എങ്ങനെ പരിരക്ഷിക്കാമെന്നും പുത​ുതലമുറക്ക്​ മനസ്സിലാക്കിക്കൊടുക്കേണ്ടതുണ്ട്​. ചരിത്രത്തിൽ ഇന്നുവരെ നേരിട്ടിട്ടില്ലാത്ത വെല്ലുവിളികൾ ജനാധിപത്യം നേരിട്ടുകൊണ്ടിരിക്കു​േമ്പാൾ രാഷ്​​ട്രശിൽപികൾ ഉദ്ദേശിച്ച പാതയിലേക്ക്​ സമൂഹത്തെ കൊണ്ടുപോകുകയാണ്​ ഒരു വർഷം നീളുന്ന ആഘോഷപരിപാടികളുടെ ലക്ഷ്യം. അതിനെല്ലാം പിന്തുണയും സഹകരണവും അദ്ദേഹം അഭ്യർഥിച്ചു.

രാജ്​മോഹൻ ഉണ്ണിത്താൻ, തോമസ്​ ചാഴിക്കാടൻ, ആ​േൻറാ ആൻറണി, ഡീൻ കുര്യാക്കോസ്​, വി.കെ. ശ്രീകണ്​ഠൻ, എം.കെ. രാഘവൻ, കെ. മുരളീധരൻ, എൻ.കെ. പ്രേമചന്ദ്രൻ, ഇ.ടി. മുഹമ്മദ്​ ബഷീർ, ബെന്നി ബെഹനാൻ, ടി.എൻ. പ്രതാപൻ, രമ്യ ഹരിദാസ്​, അടൂർ പ്രകാശ്​, അബ്​ദുസ്സമദ്​ സമദാനി തുടങ്ങി ഒാരോരുത്തർക്കും പറയാനുള്ളത്​ ഒാരോന്ന്​. രാജ്യം എപ്പോഴും കേരളത്തോടു​ ചേർത്തുപറയുന്ന, മലയാളി എന്നും മനസ്സാലെ ചേർന്ന​ുനിൽക്കുന്ന ലക്ഷദ്വീപി​​െൻറ ഏക എം.പി മുഹമ്മദ്​ ഫൈസലും പരിപാടിക്ക്​ പിന്തുണയുമായെത്തിയതോടെ ചിത്രം പൂർണമായി.