പാലക്കാട്: മധുര -തിരുപ്പരൻകുരം -തിരുമംഗലം സെക്ഷനിൽ പാത ഇരട്ടിപ്പിക്കലുമായി ബന്ധപ്പെട്ട് പ്രവൃത്തി നടക്കുന്നതിനാൽ ട്രെയിൻ സർവിസുകളിൽ മാറ്റം വരുത്തി. ഈ മാസം ഒമ്പതുമുതൽ മാർച്ച് ഏഴുവരെ 16731 പാലക്കാട് ജങ്ഷൻ -തിരുച്ചെന്തൂർ എക്സ്പ്രസ് സർവിസും ഈ മാസം ഒമ്പതുമുതൽ മാർച്ച് ആറുവരെ 16732 തിരുച്ചെന്തൂർ -പാലക്കാട് ജങ്ഷൻ എക്സ്പ്രസ് സർവിസും പൂർണമായും റദ്ദാക്കി.
മാർച്ച് ഏഴിനുള്ള 16732 തിരുച്ചെന്തൂർ -പാലക്കാട് ജങ്ഷൻ എക്സ്പ്രസ് സർവിസ് തിരുച്ചെന്തൂരിനും മധുരക്കും ഇടയിൽ ഭാഗികമായി റദ്ദാക്കി. 16343 തിരുവനന്തപുരം -മധുര അമൃത എക്സ്പ്രസ് ഈ മാസം എട്ടിനും 28നും (21 ദിവസം) മാർച്ച് മൂന്ന്, നാല് തീയതികളിലും (രണ്ടു ദിവസം) ദിണ്ടിഗൽ സ്റ്റേഷനിൽ യാത്ര അവസാനിപ്പിക്കും.
ദിണ്ടിഗലിനും മധുരക്കും ഇടയിൽ ഈ ദിവസങ്ങളിൽ ട്രെയിൻ ഓടില്ല. മാർച്ച് ഒന്ന്, രണ്ട് തീയതികളിൽ 16343 അമൃത എക്സ്പ്രസ് പാലക്കാട് ജങ്ഷനും മധുര ജങ്ഷനും ഇടയിൽ സർവിസ് നടത്തില്ല. ഈ മാസം ഒമ്പതുമുതൽ 28 വരെയും മാർച്ച് ഒന്ന്, നാല്, അഞ്ച് തീയതികളിലും 16344 മധുര -തിരുവനന്തപുരം അമൃത എക്സ്പ്രസ് വൈകീട്ട് 5.05ന് ദിണ്ടിഗലിൽനിന്നാണ് പുറപ്പെടുക.
മാർച്ച് രണ്ട്, മൂന്ന് തീയതികളിൽ 16344 അമൃത എക്സ്പ്രസ് മധുര ജങ്ഷന് പകരം രാത്രി ഒമ്പതിന് പാലക്കാട്ടുനിന്നാണ് പുറപ്പെടുക. 16722 മധുര ജങ്ഷൻ -കോയമ്പത്തൂർ ജങ്ഷൻ ഡെയ്‌ലി എക്സ്പ്രസ് ഈമാസം ഒമ്പതുമുതൽ മാർച്ച് അഞ്ചുവരെ മധുരക്കും ദിണ്ടിഗലിനും ഇടയിൽ ഓടില്ല. മധുര ജങ്ഷന് പകരം ദിണ്ടിഗലിൽനിന്നാണ് ട്രെയിൻ രാവിലെ 08.45ന് പുറപ്പെടുക.
ഈ മാസം ഒമ്പതുമുതൽ മാർച്ച് നാലുവരെ 16721 കോയമ്പത്തൂർ ജങ്ഷൻ -മധുരൈ ഡെയ്‌ലി എക്സ്പ്രസ് ഡിണ്ടിഗലിനും മധുര ജങ്ഷനും ഇടയിൽ സർവിസ് നടത്തില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.