ചാവക്കാട്: പഞ്ചറായ ടയർ മാറ്റുന്നതിനിടെ ബൈക്കിടിച്ച് മത്സ്യലോറി ൈഡ്രവർ മരിച്ചു. ബ്ലാങ്ങാട് ബീച്ച് സിദ്ദീഖ് പള്ളിക്കു സമീപം കോളനിയിൽ പരേതനായ മുഹമ്മദിന്‍റെ മകൻ അമ്പലത്തുവീട്ടിൽ നിഷാദാണ് (38) മരിച്ചത്.
ശനിയാഴ്ച്ച പുലർച്ചെ രണ്ടരയോടെയാണ് സംഭവം. കർണാടക ഉഡുപ്പിയിൽ വെച്ച് നിഷാദ് ഓടിച്ച ലോറിയുടെ ടയർ പഞ്ചറാവുകയായിരുന്നു. റോഡരികിൽ നിർത്തി ടയർ മാറ്റുന്നതിനിടെയാണ് അമിതവേഗതയിൽവന്ന ബൈക്ക് ഇടിച്ചത്. അടുത്തുള്ള സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
നേരത്തെ ചാവക്കാട് -പൊന്നാനി റൂട്ടിൽ സർവിസ് നടത്തുന്ന 'ബാബുരാജ്' ബസിലെ ഡ്രൈവറായിരുന്നു നിഷാദ്. ബി.എം.എസ് ബസ് തൊഴിലാളി യൂനിയൻ പ്രവർത്തകനാണ്.
ഒരാഴ്ച മുമ്പാണ് നാട്ടിൽനിന്ന് പോയത്.
പരേതയായ ഐഷാബിയാണ് മാതാവ്. ഭാര്യ: ഷമീറ. മക്കൾ: നഹന ഫാത്തിമ, നിഹാൽ. ഖബറടക്കം ഞായറാഴ്ച രാവിലെ ഏഴിന് ഇരട്ടപ്പുഴ മുഹ്യുദ്ദീൻപള്ളി ഖബർസ്ഥാനിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.