മോഡലുകളുടെ കാർ പിന്തുടർന്നതും ദൃശ്യങ്ങൾ നശിപ്പിച്ചതും എന്തിന്?; ദുരൂഹത നീക്കണമെന്ന് ആൻസിയുടെ കുടുംബം

കൊച്ചി: മോഡലുകളുടെ മരണവുമായി ബന്ധപ്പെട്ട ദുരൂഹത നീക്കണമെന്ന്​ ആവശ്യപ്പെട്ട്​ അപകടത്തിൽ മരിച്ച മോഡലുകളിലൊരാളായ ആൻസി കബീറിന്‍റെ കുടുംബം. വിപുലമായ അന്വേഷണം ആവശ്യപ്പെട്ട്​ ആൻസിയുടെ കുടുംബം പൊലീസിൽ​ പരാതി നൽകി. നമ്പർ 18 ഹോട്ടലുടമയുടെ ഇടപെടലുകളിൽ ദുരൂഹതയു​ണ്ട്​. ഹോട്ടലുടമ സി.സി.ടി.വി ദൃശ്യങ്ങൾ നശിപ്പിച്ചുവെന്നും പൊലീസ്​ അറിയിച്ചതായും ആൻസിയുടെ കുടുംബം പറഞ്ഞു.

ആൻസിയുടെ കാറിനെ മറ്റൊരു കാർ പിന്തുടർന്നത്​ എന്തിനാണെന്ന്​ അറിയണം. ഇതുസംബന്ധിച്ച്​ അന്വേഷണം വേണം. നമ്പർ 18 ​േഹാട്ടലുടമയെ നേര​ത്തെ അറിയില്ല. ദൃശ്യങ്ങൾ നശിപ്പിച്ചിട്ടും ഹോട്ടലുടമക്കെതിരെ പൊലീസ്​ നടപടി സ്വീകരിക്കാത്തത്​ എന്തുകൊണ്ടാണെന്നും ആൻസിയുടെ കുടുംബം ചോദിച്ചു.

ആൻസി കബീറും ഡോ.അഞ്​ജന ഷാജനും സഞ്ചരിച്ച കാറിന്‍റെ ഡ്രൈവർ മാള സ്വദേശി അബ്​ദുൾ റഹ്​മാൻ ബുധനാഴ്ച വൈകീ​ട്ടോടെ ജാമ്യത്തിലിറങ്ങി. മനപ്പൂർവമല്ലാത്ത നരഹത്യ അടക്കമുള്ള വകുപ്പുകളാണ്​ ഇയാൾക്കെതിരെ ചുമത്തിയിരുന്നത്​.

ന​വം​ബ​ർ ഒ​ന്നി​ന്​ പു​ല​ർ​ച്ചെയാ​ണ്​ കാ​ർ അ​പ​ക​ട​ത്തി​ൽ മു​ൻ മി​സ്​ കേ​ര​ള അ​ൻ​സി ക​ബീ​ർ, മു​ൻ മി​സ്​ കേ​ര​ള റ​ണ്ണ​റ​പ്പ്​ അ​ഞ്​​ജ​ന ഷാ​ജ​ൻ എ​ന്നി​വ​ർ മ​രി​ച്ച​ത്. ഗു​രു​ത​ര​മാ​യി പ​രി​ക്കേ​റ്റ മു​ഹ​മ്മ​ദ്​ ആ​ഷി​ഖ്​ പി​ന്നീ​ട്​ ആ​ശു​പ​ത്രി​യി​ലും മ​രി​ച്ചു. കാ​ർ ഡ്രൈ​വ​ർ അ​ബ്​​ദു​ൽ റ​ഹ്​​മാ​നെ ക​ഴി​ഞ്ഞ ദി​വ​സം പൊ​ലീ​സ്​ ചോ​ദ്യം​ചെ​യ്​​ത​പ്പോ​ഴാ​ണ്​ ആ​ഡം​ബ​ര കാ​ർ പി​ന്തു​ട​ർ​ന്ന​താ​യി മൊ​ഴി ന​ൽ​കി​യ​ത്. ഡ്രൈ​വ​ർ അ​ട​ക്കം മ​ദ്യ​പി​ച്ചാ​ണ്​ കാ​റി​ൽ ഉ​ണ്ടാ​യി​രു​ന്ന​തെ​ന്നും​ തെ​ളി​ഞ്ഞി​രു​ന്നു.