ട്രെ​യി​ൻ തീ​വെ​പ്പ്: പ്ര​തി പെട്രോൾ വാങ്ങിയത് ഷൊർണൂരിൽ നിന്ന്; സിസിടിവി ദൃശ്യങ്ങൾ പുറത്ത്

കോ​ഴി​ക്കോ​ട്: എ​ല​ത്തൂ​ർ ട്രെ​യി​ൻ തീ​വെ​പ്പ് കേ​സി​ൽ പ്ര​തി ഷാ​റൂ​ഖ് സെ​യ്ഫി​ പെട്രോൾ വാങ്ങിയതിന്‍റെ വിവരങ്ങൾ പുറത്ത്. ഷൊർണൂർ റെയിൽവേ സ്റ്റേഷന് സമീപമുള്ള പമ്പിൽ നിന്നാണ് പ്രതി പെട്രോൾ വാങ്ങിയതെന്ന് പൊലീസ് സ്ഥിരീകരിച്ചു. തനിച്ചെത്തിയ പ്രതി പമ്പിൽ നിന്ന് പെട്രോൾ വാങ്ങി പോകുന്നതിന്‍റെ സിസിടിവി ദൃശ്യങ്ങൾ അന്വേഷണ സംഘത്തിന് ലഭിച്ചു. ഷൊർണൂരിൽ നിന്ന് ആലപ്പുഴ-കണ്ണൂർ എക്സിക്യൂട്ടീവ് എക്സ്പ്രസിൽ ക‍യറിയ പ്രതി യാത്രക്കാരുടെ ദേഹത്ത് പെട്രോൾ ഒഴിച്ച് തീ കൊളുത്തുകയായിരുന്നു.

അതേസമയം, പ്ര​തി ഷാ​റൂ​ഖ് സെ​യ്ഫി​യു​ടെ റൂ​ട്ട് മാ​പ്പ് പ്ര​ത്യേ​ക അ​ന്വേ​ഷ​ണ സം​ഘം ത​യാ​റാ​ക്കി. ഇ​യാ​ളെ ക​സ്റ്റ​ഡി​യി​ൽ ല​ഭി​ക്കു​ന്ന​തോ​ടെ ശാ​സ്ത്രീ​യ​മാ​യി ചോ​ദ്യം ചെ​യ്യാ​നു​ള്ള ചോ​ദ്യാ​വ​ലി ത​യാ​റാ​ക്കു​ന്ന​തി​ന്റെ ഭാ​ഗ​മാ​യാ​ണ് ല​ഭ്യ​മാ​യ വി​വ​ര​ങ്ങ​ൾ അ​നു​സ​രി​ച്ച് റൂ​ട്ട് മാ​പ്പ് ത​യാ​റാ​ക്കി​യ​ത്. പ്ര​തി ഡ​ൽ​ഹി ശാ​ഹീ​ൻ​ബാ​ഗി​ലെ വീ​ട്ടി​ൽ നി​ന്നി​റ​ങ്ങി​യ​തു ​മു​ത​ൽ ര​ത്ന​ഗി​രി​യി​ൽ മ​ഹാ​രാ​ഷ്ട്ര തീ​വ്ര​വാ​ദ വി​രു​ദ്ധ സ്ക്വാ​ഡി​ന്റെ (എ.​ടി.​എ​സ്) പി​ടി​യി​ലാ​യ​തു​ വ​രെ​യു​ള്ള സ​ഞ്ചാ​ര​വും സം​ഭ​വ​ങ്ങ​ളു​മാ​ണ് പൊ​ലീ​സ് രേ​ഖ​പ്പെ​ടു​ത്തി​യ​ത്.

ഏ​​​പ്രി​ൽ ര​ണ്ടി​ന് രാ​ത്രി ഒ​മ്പ​ത​ര​യോ​ടെ ആ​ല​പ്പു​ഴ -ക​ണ്ണൂ​ർ എ​ക്സി​ക്യൂ​ട്ടി​വ് എ​ക്സ്പ്ര​സ് എ​ല​ത്തൂ​ർ സ്റ്റേ​ഷ​ൻ വി​ട്ട ഉ​ട​നെ​യാ​ണ് ഡി-​വ​ൺ കോ​ച്ചി​ലേ​ക്ക് ഷാ​റൂ​ഖ് സെ​യ്ഫി​യെ​ത്തി യാ​ത്ര​ക്കാ​രു​ടെ ദേ​ഹ​ത്ത് പെ​ട്രോ​ളൊ​ഴി​ച്ച് തീ​കൊ​ളു​ത്തി​യ​തും ര​ക്ഷ​പ്പെ​ട്ട​തും. സം​ഭ​വ​സ്ഥ​ല​ത്തു​ നി​ന്ന് ല​ഭി​ച്ച ബാ​ഗി​ലെ മൊ​ബൈ​ൽ ഫോ​ണി​ന്റെ ശാ​സ്ത്രീ​യ പ​രി​ശോ​ധ​ന​യി​ലാ​ണ് ശാ​ഹീ​ൻ​ബാ​ഗ് സ്വ​ദേ​ശി ഷാ​റൂ​ഖ് സെ​യ്ഫി​യാ​ണ് പ്ര​തി​യെ​ന്ന് തി​രി​ച്ച​റി​ഞ്ഞ​ത്.

പി​ന്നാ​ലെ ശാ​ഹീ​ൻ​ബാ​ഗ്, ജ​ഗ​ൻ​പാ​ട്ടി, ഗ​ല്ലി ന​മ്പ​ർ 21ലെ ​എ​ഫ്.​സി-​എ​ട്ട് വീ​ട്ടി​ലെ​ത്തി​യ കേ​ര​ള പൊ​ലീ​സി​നോ​ട് മ​ക​നെ മാ​ർ​ച്ച് 31 മു​ത​ൽ കാ​ണാ​നി​ല്ലെ​ന്നും ലോ​ക്ക​ൽ സ്റ്റേ​ഷ​നി​ൽ പ​രാ​തി ന​ൽ​കി​യി​ട്ടു​ണ്ടെ​ന്നു​മാ​ണ് പി​താ​വ് ഫ​ക്രു​ദീ​ൻ പ​റ​ഞ്ഞ​ത്. ഈ ​മൊ​ഴി അ​ടി​സ്ഥാ​ന​പ്പെ​ടു​ത്തി​യാ​ണ് ​റൂ​ട്ട് മാ​പ്പ് ത​യാ​റാ​ക്കി​യ​ത്. പ്ര​തി ഉ​പ​യോ​ഗി​ച്ച മൊ​ബൈ​ൽ ഫോ​ൺ അ​വ​സാ​ന​മാ​യി പ്ര​വ​ർ​ത്തി​ച്ച​ത് മാ​ർ​ച്ച് 31ന് ​ഡ​ൽ​ഹി​യി​ലാ​ണ്. തു​ട​ർ​ന്ന് ഇ​യാ​ൾ കേ​ര​ള​ത്തി​ലെ​ത്തി. ഏ​ത് സ്റ്റേ​ഷ​നി​ലാ​ണ് എ​ത്തി​യ​ത് എ​ന്ന​തി​ല​ട​ക്കം അ​വ്യ​ക്ത​ത​ക​ളു​ണ്ടെ​ങ്കി​ലും ഷൊ​ർ​ണൂ​രി​ൽ നി​ന്നാ​ണ് ആ​ക്ര​മ​ണം ന​ട​ത്തി​യ ട്രെ​യി​നി​ൽ ക​യ​റി​യ​ത് എ​ന്നാ​ണ് ഇ​യാ​ളു​ടെ മൊ​ഴി.

പെ​​ട്രോ​ൾ വാ​ങ്ങി​യ​ത്, ട്രെ​യി​നി​ൽ യാ​ത്ര​ചെ​യ്ത ക​മ്പാ​ർ​ട്മെ​ന്റ്, എ​ല​ത്തൂ​ർ സ്റ്റേ​ഷ​ൻ വ​രെ ​ട്രെ​യി​നി​ൽ എ​ത്തി​യ​ത്, ഡി ​വ​ൺ കോ​ച്ചി​​ലേ​ക്ക് പെ​ട്രോ​ളു​മാ​യി പോ​യ​ത്, ആ​ക്ര​മ​ണം ന​ട​ത്തി​യ​ത്, തു​ട​ർ​ന്ന് അ​തേ ട്രെ​യി​നി​ൽ ക​ണ്ണൂ​രി​ലേ​ക്ക് പോ​യ​ത്, ക​ണ്ണൂ​ർ സ്റ്റേ​ഷ​നി​ൽ മ​ണി​ക്കൂ​റു​ക​ളോ​ളം ത​ങ്ങി​യ​ത്, പി​ന്നീ​ട് ര​ത്ന​ഗി​രി ക​ലം​ബാ​നി​യി​ലെ ക്ലി​നി​ക്കി​ലും ര​ത്ന​ഗി​രി സി​വി​ൽ ആ​ശു​പ​ത്രി​യി​ലും ചി​കി​ത്സ തേ​ടി​യ​ത്, അ​വി​ടെ​നി​ന്ന് ര​ക്ഷ​പ്പെ​ട്ട​ത്, കൈ​യി​ലു​ണ്ടാ​യി​രു​ന്ന മൊ​ബൈ​ൽ ഓ​ണാ​ക്കി​യ​ത്, ര​ത്ന​ഗി​രി റെ​യി​ൽ​വേ സ്റ്റേ​ഷ​നി​ൽ എ​ത്തി​യ​പ്പോ​ൾ മ​ഹാ​രാ​ഷ്ട്ര ​എ.​ടി.​എ​​സി​ന്റെ പി​ടി​യി​ലാ​യ​ത് എ​ന്നി​വ​യ​ട​ക്ക​മു​ള്ള വി​വ​ര​ങ്ങ​ളാ​ണ് റൂ​ട്ട് മാ​പ്പി​ലു​ള്ള​ത്.

ആ​ക്ര​മ​ണ​ശേ​ഷം ര​ത്ന​ഗി​രി​യി​ലെ​ത്തി​യ​തി​ൽ മൂ​ന്ന് സം​ശ​യ​ങ്ങ​ൾ ഉ​ള്ള​തി​നാ​ൽ ഈ ​ഭാ​ഗ​ങ്ങ​ൾ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​കു​ന്ന​തി​ന​നു​സ​രി​ച്ച് റൂ​ട്ട്മാ​പ്പി​ൽ മാ​റ്റം വ​രു​ത്തും. രാ​ജ​സ്ഥാ​നി​ലെ അ​ജ്മീ​റി​ലേ​ക്ക് ര​ക്ഷ​പ്പെ​ടാ​നാ​യി​രു​ന്നു പ​ദ്ധ​തി​യെ​ന്ന​തി​നാ​ൽ ഈ ​റൂ​ട്ട് അ​നു​ബ​ന്ധ​മാ​യി ഇ​തി​ൽ ​​ചേ​ർ​ത്തി​ട്ടു​മു​ണ്ട്. സാ​ഹ​ച​ര്യ തെ​ളി​വു​ക​ൾ, ആ​ക്ര​മ​ണ​ത്തി​ന്റെ ദൃ​ക്സാ​ക്ഷി മൊ​ഴി​ക​ൾ, പ്ര​തി​യു​ടെ എ​ട്ട് ബ​ന്ധു​ക്ക​ളു​ടെ മൊ​ഴി, മൊ​ബൈ​ൽ ട​വ​ർ ലൊ​ക്കേ​ഷ​നു​ക​ൾ, പ്ര​തി​യി​ൽ​നി​ന്ന് ല​ഭി​ച്ച പ്രാ​ഥ​മി​ക വി​വ​ര​ങ്ങ​ൾ, അ​ന്വേ​ഷ​ണ​വു​മാ​യി സ​ഹ​ക​രി​ച്ച വി​വി​ധ ഏ​ജ​ൻ​സി​ക​ൾ ന​ൽ​കി​യ വി​വ​ര​ങ്ങ​ൾ എ​ന്നി​വ അ​ടി​സ്ഥാ​ന​പ്പെ​ടു​ത്തി​യാ​ണ് റൂ​ട്ട് മാ​പ്പ് ത​യാ​റാ​ക്കി​യ​ത്. ഇ​ത് അ​പ​ഗ്ര​ഥി​ച്ച് ചോ​ദ്യാ​വ​ലി​യും പ്രാ​ഥ​മി​ക​മാ​യി ത​യാ​റാ​ക്കി.

ചോ​ദ്യാ​വ​ലി ത​യാ​റാ​ക്കു​ന്ന​തി​ലേ​ക്കാ​യി അ​ന്വേ​ഷ​ണ സം​ഘം കേ​സു​മാ​യി സ​ഹ​ക​രി​ക്കു​ന്ന ഫോ​റ​ൻ​സി​ക്, ഫിം​ഗ​ർ പ്രി​ന്റ്, സൈ​ബ​ർ ഡോം, ​മെ​ഡി​ക്ക​ൽ ബോ​ർ​ഡ് എ​ന്നി​വ​യി​ൽ​ നി​ന്നും വി​വ​ര​ങ്ങ​ൾ ശേ​ഖ​രി​ച്ചു. എ.​ഡി.​ജി.​പി എം.​ആ​ർ. അ​ജി​ത് കു​മാ​ർ ചു​മ​ത​ല​പ്പെ​ടു​ത്തി​യ ഉ​ദ്യോ​ഗ​സ്ഥ​രാ​ണ് റൂ​ട്ട് മാ​പ്പ് ത​യാ​റാ​ക്കി​യ​ത്.