സർക്കാറേ, ദു​ര​ന്ത​ത്തെ അ​തി​ജ​യി​ച്ച ജയനെ തോൽപിക്കല്ലേ...

59 പേ​ർ മ​രി​ച്ച ക​വ​ള​പ്പാ​റ ദു​ര​ന്ത​ത്തി​ൽ പ​രി​ക്കു​ക​ളോ​ടെ ര​ക്ഷ​പ്പെ​ട്ട​ത് ര​ണ്ടു​പേ​ർ മാ​ത്ര​മാ​ണ്. തൊ​ട്ട​ടു​ത്ത പ്ര​ദേ​ശ​മാ​യ ഭൂ​ദാ​ന​ത്തെ ടാ​പ്പി​ങ് തൊ​ഴി​ലാ​ളി​യാ​യ ജ​യ​നും ക​രീ​മും. ര​ക്ഷാ​പ്ര​വ​ർ​ത്ത​ന​ത്തി​നാ​യി ക​വ​ള​പ്പാ​റ​യി​ലെ​ത്തി​യ ജ​യ​ൻ ഗു​രു​ത​ര​മാ​യി പ​രി​ക്കേ​റ്റ് ഒ​രു വ​ർ​ഷം ആ​ശു​പ​ത്രി​യി​ലാ​യി​രു​ന്നു.

നാ​ല് വ​ർ​ഷ​ത്തോ​ളം ജോ​ലി​ക്ക് പോ​വാ​നും പ​റ്റാ​താ​യി. അ​ന്ന് കാ​ലി​ലേ​റ്റ മു​റി​വ് അ​ഞ്ച് വ​ർ​ഷ​മാ​യി​ട്ടും ഉ​ണ​ങ്ങി​യി​ട്ടി​ല്ല. മ​രി​ച്ച​വ​ർ​ക്കും കി​ട​പ്പാ​ടം പോ​യ​വ​ർ​ക്കും സ​ർ​ക്കാ​ർ സ​ഹാ​യം പ്ര​ഖ്യാ​പി​ച്ചെ​ങ്കി​ലും പ​രി​ക്കേ​റ്റ​വ​ർ സ​ഹാ​യ​പ്പ​ട്ടി​ക​യി​ൽ ഇ​ടം പി​ടി​ച്ചി​ല്ല. ന​ഷ്ട​പ​രി​ഹാ​രം കി​ട്ടാ​ത്ത​ത​ല്ല ഇ​ദ്ദേ​ഹ​ത്തി​ന്റെ പ്ര​ശ്നം. ഒ​രു വീ​ട് വെ​ക്കാ​ൻ 2017ൽ ​ബാ​ങ്ക് വാ​യ്പ​യെ​ടു​ത്തി​രു​ന്നു. ദു​ര​ന്തം ന​ട​ന്ന 2019 ആ​ഗ​സ്റ്റ് വ​രെ കൃ​ത്യ​മാ​യി അ​ട​ച്ചു​പോ​ന്നു. മാ​താ​പി​താ​ക്ക​ള​ട​ക്ക​മു​ള്ള കു​ടും​ബ​ത്തി​ന്റെ ഏ​ക ആ​ശ്ര​യ​മാ​യ ജ​യ​ൻ ദു​ര​ന്ത​ത്തി​ല​ക​പ്പെ​ട്ട് കി​ട​പ്പി​ലാ​യ​തോ​ടെ ബാ​ങ്ക​ട​വ് മു​ട​ങ്ങി. ഏ​തു നി​മി​ഷ​വും ബാ​ങ്ക് വീ​ട് ജ​പ്തി ചെ​യ്യു​മെ​ന്ന അ​വ​സ്ഥ​യി​ൽ മ​നം നൊ​ന്ത് ക​ഴി​യു​ക​യാ​ണ് ഈ ​കു​ടും​ബ​മി​പ്പോ​ൾ.