ഗു​രു​വാ​യൂ​രി​ലെ ചൂ​ളം​വി​ളി​ക്ക് നാ​ളെ 30

1994 ജ​നു​വ​രി ഒ​മ്പ​തി​നാ​യി​രു​ന്നു ഗു​രു​വാ​യൂ​ർ റെ​യി​ൽ​വേ സ്റ്റേ​ഷ​ൻ ഉ​ദ്ഘാ​ട​നം

ഗു​രു​വാ​യൂ​ര്‍: ക്ഷേ​ത്ര​ന​ഗ​രി തീ​വ​ണ്ടി​യു​ടെ ചൂ​ളം വി​ളി കേ​ള്‍ക്കാ​ന്‍ തു​ട​ങ്ങി​യി​ട്ട് മൂ​ന്ന് പ​തി​റ്റാ​ണ്ട്. 1994 ജ​നു​വ​രി ഒ​മ്പ​തി​നാ​ണ് അ​ന്ന​ത്തെ പ്ര​ധാ​ന​മ​ന്ത്രി പി.​വി. ന​ര​സിം​ഹ​റാ​വു ആ​ദ്യ ട്രെ​യി​നി​ന് പ​ച്ച​ക്കൊ​ടി കാ​ണി​ച്ച​ത്. 23 കി​ലോ​മീ​റ്റ​ർ വ​രു​ന്ന പാ​ത നി​ര്‍മി​ച്ച​ത് തൃ​ശൂ​ര്‍-​ഗു​രു​വാ​യൂ​ര്‍-​കു​റ്റി​പ്പു​റം പാ​ത​യു​ടെ ആ​ദ്യ​ഘ​ട്ട​മെ​ന്ന നി​ല​യി​ലാ​യി​രു​ന്നു. അ​മ​ല ന​ഗ​ര്‍, പൂ​ങ്കു​ന്നം എ​ന്നി​വ മാ​ത്ര​മാ​ണ് തൃ​ശൂ​ര്‍ - ഗു​രു​വാ​യൂ​ര്‍ പാ​ത​ക്കി​ട​യി​ല്‍ ഉ​ണ്ടാ​യി​രു​ന്ന സ്റ്റേ​ഷ​നു​ക​ള്‍. യാ​ത്ര​ക്കാ​രു​ടെ കു​റ​വു​മൂ​ലം അ​മ​ല ന​ഗ​റി​ലെ സ്റ്റേ​ഷ​ന്‍ പി​ന്നീ​ട് നി​ര്‍ത്തി. 2007ല്‍ ​പാ​ത പൂ​ര്‍ണ​മാ​യി വൈ​ദ്യു​തീ​ക​രി​ച്ചു.

ആ​ദ്യ കാ​ല​ത്ത് 45 മി​നി​റ്റാ​യി​രു​ന്നു തൃ​ശൂ​രി​ല്‍ നി​ന്ന് ഗു​രു​വാ​യൂ​രി​ലെ​ത്താ​നെ​ങ്കി​ല്‍ വൈ​ദ്യു​തീ​ക​ര​ണ​വും പാ​ത ബ​ല​പ്പെ​ടു​ത്ത​ലും ക​ഴി​ഞ്ഞ​തോ​ടെ സ​മ​യം 25 മി​നി​റ്റാ​യി ചു​രു​ങ്ങി. ഗു​രു​വാ​യൂ​രി​ല്‍ ട്രെ​യി​ന്‍ എ​ത്തി​യ നാ​ള്‍ മു​ത​ലു​ണ്ടാ​യി​രു​ന്ന ആ​വ​ശ്യ​മാ​യി​രു​ന്ന കി​ഴ​ക്കെ​ന​ട​യി​ലെ മേ​ല്‍പാ​ലം ക​ഴി​ഞ്ഞ ന​വം​ബ​ര്‍ 14ന് ​യാ​ഥാ​ര്‍ഥ്യ​മാ​യി. ആ​ദ്യം ഒ​രു ട്രെ​യി​ന്‍ മാ​ത്ര​മാ​ണ് ഉ​ണ്ടാ​യി​രു​ന്ന​തെ​ങ്കി​ല്‍ ഇ​പ്പോ​ള്‍ ട്രെ​യി​നു​ക​ളു​ടെ എ​ണ്ണം ആ​റാ​ണ്. കോ​വി​ഡ് കാ​ലം വ​രെ ഏ​ഴ് ട്രെ​യി​ന്‍ ഉ​ണ്ടാ​യി​രു​ന്നു. എ​ന്നാ​ല്‍ വൈ​കീ​ട്ട് അ​ഞ്ചി​ന് ഉ​ണ്ടാ​യി​രു​ന്ന തൃ​ശൂ​ര്‍ പാ​സ​ഞ്ച​ര്‍ കോ​വി​ഡി​ന് ശേ​ഷം പു​ന​രാ​രം​ഭി​ച്ചി​ല്ല.

എ​ങ്ങോ​ട്ട് പോ​ക​ണ​മെ​ന്ന​് അറി​യാ​ത്ത പാ​ത

1995 ഡി​സം​ബ​ര്‍ 17ന് ​അ​ന്ന​ത്തെ റെ​യി​ല്‍വേ മ​ന്ത്രി​യാ​യി​രു​ന്ന സു​രേ​ഷ് ക​ല്‍മാ​ഡി ഗു​രു​വാ​യൂ​ര്‍ കു​റ്റി​പ്പു​റം പാ​ത​ക്ക് ത​റ​ക്ക​ല്ലി​ട്ടെ​ങ്കി​ലും പാ​ത ഒ​രി​ഞ്ചു​പോ​ലും മു​ന്നോ​ട്ട് പോ​യി​ല്ല. കു​റ്റി​പ്പു​റം എ​ന്ന​ത് മാ​റ്റി താ​നൂ​ര്‍, തി​രൂ​ര്‍, തി​രു​നാ​വാ​യ എ​ന്നീ സ്ഥ​ല​ങ്ങ​ളു​ടെ പേ​രു​ക​ളെ​ല്ലാം പ​ല​പ്പോ​ഴാ​യി ഉ​യ​ര്‍ന്നു. എ​ന്നാ​ല്‍ മ​ല​പ്പു​റം ജി​ല്ല​യി​ലെ പ്ര​തി​ഷേ​ധം മൂ​ലം സ​ര്‍വേ പൂ​ര്‍ത്തി​യാ​ക്കാ​നാ​യി​ല്ല. തൃ​ശൂ​ര്‍ ജി​ല്ല​യി​ല്‍ സ​ര്‍വേ ക​ഴി​ഞ്ഞി​ട്ടു​ണ്ട്. സ്ഥ​ല​മെ​ടു​പ്പി​നാ​യി ആ​രം​ഭി​ച്ച ഓ​ഫി​സു​ക​ള്‍ പ​ല ത​വ​ണ അ​ട​ച്ചു. ഇ​പ്പോ​ഴും ഒ​രു വാ​ര്‍ഷി​കാ​ഭ്യാ​സം ക​ണ​ക്കെ കേ​ന്ദ്ര ബ​ജ​റ്റി​ല്‍ നി​സാ​ര​മാ​യ തു​ക പാ​ത​ക്കാ​യി വ​ക​യി​രു​ത്തി വ​രു​ന്നു​ണ്ട്.

30ലെ ​പ്ര​തീ​ക്ഷ​ക​ള്‍

അ​മൃ​ത് സ്റ്റേ​ഷ​നാ​ക്കി ഗു​രു​വാ​യൂ​രി​നെ ഉ​യ​ര്‍ത്തു​മെ​ന്ന പ്ര​ഖ്യാ​പ​ന​മാ​ണ് 30ലെ​ത്തു​മ്പോ​ഴു​ള്ള പ്ര​തീ​ക്ഷ​ക​ളി​ല്‍ എ​ടു​ത്തു​പ​റ​യാ​നു​ള്ള​ത്. 3.93 കോ​ടി അ​ട​ങ്ക​ല്‍ തു​ക​ക്കു​ള്ള പ്ര​വൃ​ത്തി​ക​ളാ​ണ് ആ​ദ്യ ഘ​ട്ട​ത്തി​ല്‍ ഉ​ള്‍പ്പെ​ടു​ത്തി​യി​ട്ടു​ള്ള​ത്. കാ​ല്‍ന​ട മേ​ല്പാ​ലം, പു​തി​യ പ്ര​വേ​ശ​ന ക​വാ​ടം. വാ​ഹ​ന​ങ്ങ​ളു​ടെ സു​ഗ​മ​മാ​യ നീ​ക്ക​ത്തി​ന് അ​നു​യോ​ജ്യ​മാ​യ പ്ര​വേ​ശ​ന വ​ഴി​ക​ള്‍, കൂ​ടു​ത​ല്‍ ഇ​ട​ങ്ങ​ളി​ല്‍ മേ​ല്‍ക്കൂ​ര, തീ​വ​ണ്ടി വി​വ​ര​ങ്ങ​ള്‍ ന​ല്‍കാ​നു​ള്ള ആ​ധു​നി​ക സാ​ങ്കേ​തി​ക സം​വി​ധാ​ന​ങ്ങ​ള്‍ എ​ന്നി​വ​യെ​ല്ലാം അ​മൃ​ത് സ്റ്റേ​ഷ​ന്റെ ഭാ​ഗ​മാ​ണ്. കോ​വി​ഡി​ന് മു​മ്പ് നി​ര്‍മാ​ണം ആ​രം​ഭി​ച്ച ലി​ഫ്റ്റ് ഇ​പ്പോ​ഴും പ്ര​വ​ര്‍ത്ത​നം ആ​രം​ഭി​ച്ചി​ട്ടി​ല്ല എ​ന്ന​ത് പ്ര​ഖ്യാ​പ​ന​ങ്ങ​ളെ​ല്ലാം എ​ന്ന് പൂ​ര്‍ത്തി​യാ​കും എ​ന്ന സം​ശ​യം ഉ​യ​ര്‍ത്തു​ന്നു.

ബ​ര്‍ത്തു​ക​ള്‍ കൂ​ട്ട​ണ​മെ​ന്ന ആ​വ​ശ്യം സ്റ്റേ​ഷ​നി​ലെ​ത്തി

ഗു​രു​വാ​യൂ​രി​ല്‍ ഉ​ണ്ടാ​യി​രു​ന്ന റെ​യി​ല്‍വേ​യു​ടെ ബു​ക്കി​ങ് സെ​ന്റ​റി​ല്‍ നി​ന്ന് റി​സ​ര്‍വ് ചെ​യ്യാ​വു​ന്ന ബ​ര്‍ത്തു​ക​ളു​ടെ എ​ണ്ണം വ​ര്‍ധി​പ്പി​ക്ക​ണ​മെ​ന്ന പൗ​ര​സ​മി​തി​യു​ടെ ആ​വ​ശ്യ​മാ​ണ് വ​ള​ര്‍ന്ന് സ്റ്റേ​ഷ​നി​ലെ​ത്തി​യ​ത്. ബ​ര്‍ത്ത് വ​ര്‍ധി​പ്പി​ക്കുന്നതിന് പ​ക​രം ഗു​രു​വാ​യൂ​രി​ല്‍ റെ​യി​ല്‍വേ സ്റ്റേ​ഷ​ന്‍ വേ​ണ​മെ​ന്ന് ആ​വ​ശ്യ​പ്പെ​ട്ടു​കൂ​ടേ എ​ന്ന പൗ​ര​സ​മി​തി അ​ധ്യ​ക്ഷ​ന്‍ സി.​ജി. നാ​യ​രു​ടെ ചോ​ദ്യ​മാ​ണ് സ്റ്റേ​ഷ​ന്‍ എ​ന്ന ആ​വ​ശ്യ​മാ​യ​ത്.

ഗു​രു​വാ​യൂ​രി​ല്‍ എത്തു​ന്ന പ്ര​മു​ഖ​ര്‍ക്കെ​ല്ലാം ഈ ​ആ​വ​ശ്യം ഉ​ന്ന​യി​ച്ച് നി​വേ​ദ​നം ന​ല്‍കാ​ന്‍ തു​ട​ങ്ങി. അ​ടി​യ​ന്തി​രാ​വ​സ്ഥ ക​ഴി​ഞ്ഞു​ള്ള തെ​ര​ഞ്ഞെ​ടു​പ്പി​ന്റെ പ്ര​ച​ാര​ണ​ത്തി​ന് കേ​ര​ള​ത്തി​ലെ​ത്തി​യ​പ്പോ​ള്‍ ഇ​ന്ദി​രാ​ഗാ​ന്ധി താ​ന്‍ അ​ധി​കാ​ര​ത്തി​ല്‍ തു​ട​ര്‍ന്നാ​ല്‍ ഗു​രു​വാ​യൂ​രി​ല്‍ റെ​യി​ല്‍വേ സ്റ്റേ​ഷ​ന്‍ വ​രു​മെ​ന്ന് പ്ര​ഖ്യാ​പി​ച്ചു. പ​ക്ഷെ, ഇ​ന്ദി​ര അ​ധി​കാ​ര​ത്തി​ലെ​ത്തി​യി​ല്ല. പൗ​ര​സ​മി​തി നേ​താ​ക്ക​ളാ​യ സി.​ജി. നാ​യ​രും പി.​ഐ. സൈ​മ​നും കൂ​ടി ഡ​ല്‍ഹി​യി​ൽ പോ​യി ജ​ന​ത സ​ര്‍ക്കാ​രി​ലെ റെ​യി​ല്‍ല​വേ മ​ന്ത്രി മ​ധു ദ​ണ്ഡ​വ​ത​യെ നേ​രി​ല്‍ ക​ണ്ട് സ്റ്റേ​ഷ​ന്‍ ആ​വ​ശ്യം ഉ​ന്ന​യി​ച്ച് നി​വേ​ദ​നം ന​ല്‍കി.

ഇ​തി​നി​ടെ എ​റ​ണാ​കു​ളം - തി​രൂ​ര്‍ തീ​ര​ദേ​ശ പാ​ത​യാ​ക്കി മാ​റ്റാ​ന്‍ ചി​ല കേ​ന്ദ്ര​ങ്ങ​ള്‍ ശ്ര​മം ന​ട​ത്തി. സം​ഭ​വം അ​റി​ഞ്ഞ മു​ഖ്യ​മ​ന്ത്രി കെ. ​ക​രു​ണാ​ക​ര​ന്‍ ഈ ​നീ​ക്ക​ത്തെ എ​തി​ര്‍ത്തു. തൃ​ശൂ​രി​ല്‍നി​ന്ന് ഗു​രു​വാ​യൂ​രി​ലേ​ക്ക് തീ​വ​ണ്ടി​യെ​ത്തി​ക്കാ​നു​ള്ള ഉ​ത്ത​ര​വാ​ദി​ത്തം അ​ദ്ദേ​ഹം ഏ​റ്റെ​ടു​ത്തു. കോ​ണ്‍ഗ്ര​സ് സ​ര്‍ക്കാ​രി​ല്‍ റെ​യി​ല്‍വേ മ​ന്ത്രി​യാ​യി​രു​ന്ന ക​മ​ലാ​പ​തി ത്രി​പാ​ഠി​യു​മാ​യി ക​രു​ണാ​ക​ര​നു​ള്ള അ​ടു​ത്ത ബ​ന്ധ​വും ഇ​ക്കാ​ര്യ​ത്തി​ന് വേ​ഗം വ​ര്‍ധി​പ്പി​ച്ചു.