ആ​റ് വ​ർ​ഷ​ത്തി​ന് ശേ​ഷം ജ​ല​നി​ധി ക​ണ​ക്ഷ​ൻ; തെ​ങ്ങി​ലാ​ൻ സു​ബൈ​റി​ന് ജ​ല​സ​മൃ​ദ്ധി

വേ​ങ്ങ​ര: ജ​ല​നി​ധി ക​ണ​ക്ഷ​ൻ ല​ഭി​ച്ച് ആ​റു​വ​ർ​ഷ​മാ​യി വെ​ള്ളം ല​ഭി​ക്കാ​തി​രു​ന്ന വേ​ങ്ങ​ര ഗ്രാ​മ പ​ഞ്ചാ​യ​ത്തി​ലെ പാ​ക്ക​ട​പ്പു​റാ​യ മാ​ടം​ചി​ന​യി​ൽ തെ​ങ്ങി​ലാ​ൻ സു​ബൈ​റി​ന്റേ​ത് ഉ​ൾ​പ്പെ​ടെ നി​ര​വ​ധി വീ​ടു​ക​ളി​ൽ ഇ​ന്ന് കു​ടി​വെ​ള്ളം ല​ഭി​ച്ചു. കോ​ട​തി​വി​ധി​യു​ടെ അ​ടി​സ്ഥാ​ന​ത്തി​ൽ ജ​ല​നി​ധി അ​ധി​കൃ​ത​രെ​ത്തി ക​ണ​ക്ഷ​ൻ ന​ൽ​കു​ക​യാ​യി​രു​ന്നു.

കു​ടി​വെ​ള്ളം ല​ഭി​ക്കാ​ത്ത​തു​മാ​യി ബ​ന്ധ​പ്പെ​ട്ട് ജി​ല്ല ക​ല​ക്ട​ർ ഉ​ൾ​പ്പെ​ടെ​യു​ള്ള​വ​ർ​ക്ക് പ​രാ​തി ന​ൽ​കി​യി​ട്ടും ഫ​ലം ക​ണ്ടി​ല്ലെ​ന്ന് 2022 ന​വം​ബ​റി​ൽ ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. സു​ബൈ​റി​ന് വെ​ള്ളം ല​ഭി​ക്കാ​ത്ത വി​ഷ​യം ജ​ല​നി​ധി ക​മ്മി​റ്റി​ക്കും പ​ഞ്ചാ​യ​ത്ത് സെ​ക്ര​ട്ട​റി​ക്കും നി​ര​ന്ത​രം പ​രാ​തി​യാ​യി ന​ൽ​കി​യെ​ങ്കി​ലും പ്ര​ശ്നം പ​രി​ഹ​രി​ച്ചി​രു​ന്നി​ല്ല. ശേ​ഷം ജി​ല്ല ഉ​പ​ഭോ​ക്തൃ കോ​ട​തി​യി​ൽ പ​രാ​തി ന​ൽ​കു​ക​യും സു​ബൈ​റി​ന് അ​നു​കൂ​ല​മാ​യി കോ​ട​തി​വി​ധി ല​ഭി​ക്കു​ക​യും ചെ​യ്തു. സു​ബൈ​റി​ന് ഉ​ട​നെ വെ​ള്ളം ല​ഭ്യ​മാ​ക്കാ​നും പ​തി​നാ​യി​രം രൂ​പ ന​ഷ്ട​പ​രി​ഹാ​ര​വും 2000 രൂ​പ കേ​സ് ചെ​ല​വി​ലേ​ക്കും ന​ൽ​കാ​നാ​യി​രു​ന്നു വി​ധി.

എ​ന്നാ​ൽ, വി​ധി​ക്കെ​തി​രെ ജ​ല​നി​ധി ക​മ്മ​റ്റി അ​പ്പീ​ൽ പോ​യ​ത് കാ​ര​ണം വി​ധി ന​ട​പ്പാ​ക്കാ​നാ​യി​ല്ല. ഉ​പ​ഭോ​ക്തൃ കോ​ട​തി വി​ധി​ക്കെ​തി​രെ ജ​ല​നി​ധി ക​മ്മി​റ്റി ന​ൽ​കി​യ അ​പ്പീ​ൽ കോ​ട​തി ത​ള്ളു​ക​യും ജ​ല​നി​ധി ക​മ്മി​റ്റി​യോ​ട് വി​ധി ന​ട​പ്പാ​ക്കാ​ൻ നി​ർ​ദേ​ശി​ക്കു​ക​യും ചെ​യ്യു​ക​യാ​യി​രു​ന്നു. കോ​ട​തി നി​ർ​ദേ​ശ​ത്തെ തു​ട​ർ​ന്ന് ഇ​ക്ക​ഴി​ഞ്ഞ ദി​വ​സം ജ​ല​നി​ധി അ​ധി​കൃ​ത​ർ വെ​ള്ളം ല​ഭ്യ​മാ​കാ​ത്ത​തി​ന്റെ കാ​ര​ണം പ​ഠി​ക്കു​ക​യും മെ​യി​ൻ ലൈ​നി​ൽ​നി​ന്ന് ത​ങ്ങ​ൾ​സ് റോ​ഡി​ലേ​ക്ക് പോ​കു​ന്ന ഭാ​ഗ​ത്ത് പൈ​പ്പി​ൽ ക​ല്ല് നി​റ​ഞ്ഞ് വാ​ൽ​വ് അ​ട​ഞ്ഞ​താ​യി ക​ണ്ടെ​ത്തു​ക​യു​മാ​യി​രു​ന്നു. ആ ​ത​ട​സ്സം നീ​ക്കി​യ​തോ​ടെ വെ​ള്ളം ല​ഭി​ക്കു​ക​യും ചെ​യ്തു. കോ​ട​തി​യി​ൽ​നി​ന്ന് അ​നു​കൂ​ല വി​ധി സ​മ്പാ​ദി​ക്കാ​ൻ സ​ഹാ​യി​ച്ച മു​ഴു​വ​ൻ ആ​ളു​ക​ൾ​ക്കും സു​ബൈ​ർ ന​ന്ദി അ​റി​യി​ച്ചു.