കളമശ്ശേരി: നിർമാണത്തിനിടെ കാൻസർ റിസർച്ച് സെൻററിെൻറ ഒരുഭാഗം തകർന്ന് ആറു തൊഴിലാളികൾക്ക് പരിക്ക്. കളമശ്ശ േരി ഗവ. മെഡിക്കൽ കോളജിന് സമീപം നിർമാണത്തിലുള്ള കാൻസർ സെൻറർ കെട്ടിടത്തിെൻറ പൂമുഖഭാഗമാണ് നിലംപൊത്തിയത്. രാത്രി ഒമ്പതുമണിയോടെ കോൺക്രീറ്റ് നടന്നുകൊണ്ടിരിക്കെയാണ് അപകടം.
വാർക്കക്കിടെ 2000 ചതുരശ്ര അടിയാണ് തകർന്നത്. സംഭവമറിഞ്ഞ് സ്ഥലത്തെത്തിയ ജനപ്രതിനിധികൾ അടക്കമുള്ളവരെ നിർമാണസ്ഥലത്തേക്ക് പ്രവേശിപ്പിക്കാതിരുന്നത് പ്രതിഷേധത്തിന് കാരണമായി. പിന്നീട് െപാലീസെത്തിയതോടെയാണ് എല്ലാവരെയും അകത്തേക്ക് കടത്തിവിടാൻ കരാറുകാരൻ തയാറായത്. സംഭവം നടന്നയുടനെ അപകടസ്ഥലത്തുനിന്ന് അവശിഷ്ടങ്ങൾ മണ്ണുമാന്തി ഉപയോഗിച്ച് നീക്കിക്കൊണ്ടിരുന്നത് ജനപ്രതിനിധികളുടെ നേതൃത്വത്തിൽ നാട്ടുകാർ തടഞ്ഞു.
ഒരുവർഷം മുമ്പ് നിർമാണം തുടങ്ങിയ സർക്കാറിെൻറ സ്വപ്നപദ്ധതിയായ കാൻസർ സെൻററിെൻറ നിർമാണം വൈകുന്നതിനെ തുടർന്ന് നിയമസഭ എസ്റ്റിമേറ്റ് കമ്മിറ്റി ഈമാസം അഞ്ചിന് സ്ഥലം സന്ദർശിച്ച് നിർമാണം വിലയിരുത്തുകയും 2020 ജൂലൈയിൽ പൂർത്തിയാക്കണമെന്ന് നിർദേശിച്ചിരുന്നതുമാണ്. നിർമാണം വീണ്ടും വേഗത്തിൽ പുരോഗമിക്കുന്നതിനിടെയാണ് അപകടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.