കോട്ടയം: മലപ്പുറം ഉപതെരഞ്ഞെടുപ്പിൽ മുസ്ലിം ലീഗിനെ പിന്തുണക്കുന്നതു സംബന്ധിച്ചു പാര്‍ട്ടി ചര്‍ച്ച ചെയ്യുമെന്ന് കേരളാ കോൺഗ്രസ് എം ചെയർമാർ കെ.എം. മാണി. പാർട്ടി സ്റ്റീയറിങ് കമ്മിറ്റി യോഗം ചേര്‍ന്ന് വിഷയത്തിൽ തീരുമാനമെടുക്കും. മുസ് ലിം ലീഗ് സഹോദര പാര്‍ട്ടിയാണ്. ലീഗ് സ്ഥാനാർഥിയായ പി.കെ കുഞ്ഞാലിക്കുട്ടിയുമായി ഫോണില്‍ സംസാരിച്ചതായും മാണി മാധ്യമങ്ങളോട് പറഞ്ഞു.
യു.ഡി.എഫുമായുള്ള അസ്വാരസ്യം മറന്ന് മലപ്പുറം ഉപതെരഞ്ഞെടുപ്പിൽ പാർട്ടിൽ സ്ഥാനാർഥിയെ സഹായിക്കണമെന്നും നിരുപാധിക പിന്തുണ നൽകണമെന്നും മുസ്ലിം ലീഗ് സെക്രട്ടറിയേറ്റ് കത്തിലൂടെ മാണിയോട് ആവശ്യപ്പെട്ടിരുന്നു. മലപ്പുറം ലോക്സഭ മണ്ഡലത്തിൽ പാർട്ടി സ്ഥാനാർഥിയുടെ ഭൂരിപക്ഷം വർധിപ്പിക്കാൻ കേരളാ കോൺഗ്രസിന്‍റെ പിന്തുണ ഗുണം ചെയ്യുമെന്നാണ് ലീഗിന്‍റെ വിലയിരുത്തൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.