കൊച്ചി: യന്ത്രത്തകരാറിനെ തുടർന്ന് കൊച്ചിയിൽനിന്നുള്ള ലണ്ടൻ വിമാന സർവിസ് റദ്ദാക്കി. ഉച്ചക്ക് 1.20ന് നെടുമ്പാശേരിയിൽനിന്ന് പുറപ്പെടേണ്ട എയർ ഇന്ത്യ വിമാനമാണ് തകരാറിലായത്.
പുറപ്പെടുന്നതിന് മുമ്പായി എൻജിനീയറിങ് വിഭാഗം പരിശോധന നടത്തിയപ്പോഴാണ് തകരാർ കണ്ടെത്തിയത്. പകരം സംവിധാനമുണ്ടാക്കണമെന്നാവശ്യപ്പെട്ട് യാത്രക്കാർ ബഹളംവെച്ചു. 200ഓളം യാത്രക്കാരാണ് ഇതിലുണ്ടായിരുന്നത്. ഇവരെ ഹോട്ടലുകളിലേക്ക് മാറ്റും. എൻജിൻ തകരാർ പരിഹരിക്കുന്നുണ്ടെന്നും അധികൃതർ അറിയിച്ചു.
കഴിഞ്ഞിദിവസമാണ് കൊച്ചിയിൽനിന്ന് ലണ്ടനിലേക്ക് എയർ ഇന്ത്യ സർവിസ് ആരംഭിച്ചത്. 10 മണിക്കൂർ കൊണ്ടാണ് കൊച്ചിയിൽനിന്ന് ലണ്ടനിലേക്ക് നേരിട്ട് പറന്നെത്തുക.
ബുധനാഴ്ച പുലർച്ച 3.18ന് ഹീത്രുവിൽനിന്ന് എത്തിയ വിമാനത്തിൽ 221 യാത്രക്കാരുണ്ടായിരുന്നു. രാവിലെ 5.57ന് 232 യാത്രക്കാരുമായി മടങ്ങി.
ഇന്ന് മുതൽ ആഴ്ചയിൽ മൂന്ന് സർവിസാണ് നിശ്ചയിച്ചിരുന്നത്. ഞായർ, ബുധൻ, വെള്ളി ദിവസങ്ങളിലാണ് സർവിസ്. ഞായറാഴ്ച പുലർച്ച 3.00ന് ഹീത്രുവിൽനിന്ന് എത്തിയ വിമാനമാണ് ഉച്ചക്ക് മടങ്ങേണ്ടിയിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.