തൃക്കുന്നപ്പുഴയിൽ റോഡിൽ അടിഞ്ഞ മണൽ നീക്കാനായില്ല

ആ​റാ​ട്ടു​പു​ഴ: ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ ക​ട​ൽകയറ്റത്തി​ൽ ആ​റാ​ട്ടു​പു​ഴ ഭാ​ഗ​ത്ത്​ റോ​ഡി​ല​ടി​ഞ്ഞ മ​ണ​ൽ നീ​ക്കം ചെ​യ്തെ​ങ്കി​ലും ജ​ന​ങ്ങ​ളു​ടെ പ്ര​തി​ഷേ​ധ​ത്തെ തു​ട​ർ​ന്ന് തൃ​ക്കു​ന്ന​പ്പു​ഴ ഭാ​ഗ​ത്തേ​ത്​ നീ​ക്കം ചെ​യ്യാ​ൻ ക​ഴി​ഞ്ഞി​ല്ല. ആ​റാ​ട്ടു​പു​ഴ എ.​സി പ​ള്ളി മു​ത​ൽ കാ​ർ​ത്തി​ക ജ​ങ്ഷ​ൻ വ​രെ​യു​ള്ള ഭാ​ഗ​ത്താ​ണ് വ​ൻ​തോ​തി​ൽ റോ​ഡി​ൽ മ​ണ്ണ​ടി​ഞ്ഞ​ത്. ചൊ​വ്വാ​ഴ്ച അ​ർ​ധ​രാ​ത്രി​യാ​ണ് ക​ട​ൽകയറ്റം ഉ​ണ്ടാ​യ​ത്. വ്യാ​ഴാ​ഴ്ച രാ​ത്രി​യാ​ണ് മ​ണ​ൽ നീ​ക്കാ​ൻ തു​ട​ങ്ങി​യ​ത്. ഇ​തു​മൂ​ലം ര​ണ്ടു ദി​വ​സ​ത്തോ​ളം യാ​ത്ര​ക്കാ​ർ ക​ടു​ത്ത ദു​രി​ത​മാ​ണ് അ​നു​ഭ​വി​ച്ച​ത്.

റോ​ഡി​ല​ടി​ഞ്ഞ മ​ണ​ൽ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് റോ​ഡി​നി​രു​വ​ശ​ങ്ങ​ളി​ലേ​ക്കും കൂ​ട്ടി​യാ​ണ് ഗ​താ​ഗ​ത ത​ട​സ്സം നീ​ക്കി​യ​ത്. വെ​ള്ളി​യാ​ഴ്ച പു​ല​ർ​ച്ചെ ര​ണ്ടു മ​ണി​യോ​ടെ തൃ​ക്കു​ന്ന​പ്പു​ഴ ഗ​സ്റ്റ് ഹൗ​സ് ജ​ങ്ഷ​ൻ ഭാ​ഗ​ത്ത് മ​ണ്ണ് നീ​ക്കാ​ൻ തു​ട​ങ്ങി​യെ​ങ്കി​ലും പ്ര​ദേ​ശ​വാ​സി​ക​ൾ ത​ട​ഞ്ഞു. ക​ട​ലാ​ക്ര​മ​ണ ദു​ര​ന്ത​ത്തി​ന് പ​രി​ഹാ​രം കാ​ണാ​തെ മ​ണ്ണ് നീ​ക്കാ​ൻ അ​നു​വ​ദി​ക്കി​ല്ലെ​ന്ന നി​ല​പാ​ടി​ലാ​യി​രു​ന്നു അ​വ​ർ. 10 മീ​റ്റ​റോ​ളം ഭാ​ഗ​ത്താ​ണ് മ​ണ്ണ് കൂ​ടി​ക്കി​ട​ക്കു​ന്ന​ത്. ഏ​റെ സാ​ഹ​സ​പ്പെ​ട്ടാ​ണ്​ യാ​ത്ര​ക്കാ​ർ റോ​ഡ് ക​ട​ക്കു​ന്ന​ത്. പ​ല വാ​ഹ​ന​ങ്ങ​ളും മ​ണ്ണി​ൽ താ​ഴ്ന്നു പോ​കു​ന്ന​ത് ഗ​താ​ഗ​ത ത​ട​സ്സം സൃ​ഷ്ടി​ക്കു​ന്നു. ഇ​രു​ച​ക്ര വാ​ഹ​ന​ങ്ങ​ളി​ലെ യാ​ത്ര​ക്കാ​രാ​ണ് ഏ​റെ പ്ര​യാ​സ​പ്പെ​ടു​ന്ന​ത്.

മ​ണ്ണി​ൽ ക​യ​റി വാ​ഹ​ന​ങ്ങ​ൾ നി​യ​ന്ത്ര​ണം തെ​റ്റു​ന്ന​ത് അ​പ​ക​ട​ത്തി​നി​ട​യാ​ക്കു​ന്നു. ഗ​സ്റ്റ് ഹൗ​സ് ജ​ങ്ഷ​ൻ ഭാ​ഗ​ത്ത് ക​ഴി​ഞ്ഞ ക​ട​ലാ​ക്ര​മ​ത്തെ തു​ട​ർ​ന്ന് ജി​യോ ബാ​ഗ് സ്ഥാ​പി​ക്കാ​ൻ ന​ട​പ​ടി​യാ​യെ​ങ്കി​ലും മ​ണ​ലി​ന്റെ ക്ഷാ​മ മൂ​ലം പ​ണി ആ​രം​ഭ ഘ​ട്ട​ത്തി​ൽ ത​ന്നെ മു​ട​ങ്ങി. തോ​ട്ട​പ്പ​ള്ളി​യി​ൽ നി​ന്ന്​ മ​ണ​ലെ​ത്തി​ച്ച്​ പ്ര​ശ്ന​ത്തി​ന് പ​രി​ഹാ​രം കാ​ണു​മെ​ന്ന് ഉ​റ​പ്പു​ന​ൽ​കി​യെ​ങ്കി​ലും അ​തി​നും ന​ട​പ​ടി​യാ​യി​ല്ല.