ചന്തം ചോരാതെ ചന്തിരൂർ

അ​രൂ​ർ: ച​ന്തി​രൂ​രി​ന്‍റെ ച​ന്തം കാ​യ​ലു​ക​ളും നെ​ൽ​വ​യ​ലു​ക​ളു​മാ​ണ്. കാ​ലം മു​ന്നോ​ട്ടു​പോ​കു​മ്പോ​ഴും ഇ​വ ര​ണ്ടും ഈ ​നാ​ടി​നെ കൈ​വി​ട്ടി​ട്ടി​ല്ല.

പ​ണ്ട് വ​ള​രെ​യ​ധി​കം നെ​ൽ​കൃ​ഷി ഉ​ണ്ടാ​യി​രു​ന്ന ഇ​വി​ടെ, പ​ച്ച ചേ​ല​യ​ണി​ഞ്ഞ​പോ​ലെ പ​ര​ന്ന്​ കി​ട​ന്നി​രു​ന്നു. ഇ​പ്പോ​ൾ പാ​ട​ങ്ങ​ളു​ടെ വി​സ്തൃ​തി കു​റ​ഞ്ഞെ​ങ്കി​ലും നെ​ൽ​നാ​മ്പു​ക​ളു​ടെ പ​ച്ച​പ്പി​ന്​​ ഇ​പ്പോ​ഴും ചേ​ലു​ണ്ട്. കാ​യ​ലി​ലെ ചെ​മ്മീ​നും മ​റ്റു​ മ​ത്സ്യ​ങ്ങ​ളും അ​വ പി​ടി​ക്കു​ന്ന​തും വി​ൽ​ക്കു​ന്ന​തും അ​ത്​​ തൊ​ഴി​ലാ​ക്കി​യ​വ​രും ഇ​വി​ടെ ഏ​റെ​യു​ണ്ട്.

കേ​ര​ള​ത്തി​ൽ ത​ന്നെ അ​പൂ​ർ​വ​മാ​യ മു​ക്കാ​ളി നി​ല​ങ്ങ​ൾ​ക്ക് പ്ര​സി​ദ്ധ​മാ​യി​രു​ന്നു ഇ​വി​ട​ത്തെ നെ​ൽ​പാ​ട​ങ്ങ​ൾ. ഔ​ഷ​ധ​ഗു​ണ​മേ​റെ​യു​ള്ള ചെ​ട്ടി​വി​രി​പ്പ് നെ​ല്ലും വ്യാ​പ​ക​മാ​യി കൃ​ഷി ചെ​യ്തി​രു​ന്നു. രാ​സ​വ​ള പ്ര​യോ​ഗം ആ​വ​ശ്യ​മി​ല്ലാ​തി​രു​ന്ന ജൈ​വ​പ്ര​കൃ​ത​മാ​യ പൊ​ക്കാ​ളി നെ​ൽ​വി​ത്ത് ഇ​ന്നും പ്ര​സി​ദ്ധ​മാ​ണ്. പ​ച്ച​പ്പു​നി​റ​ഞ്ഞ പാ​ട​ങ്ങ​ളും ഇ​ട​ത്തോ​ടു​ക​ളാ​ൽ സ​മൃ​ദ്ധ​വു​മാ​യ ഭൂ​പ്ര​ദേ​ശ​ങ്ങ​ളും ഇ​ട​തൂ​ർ​ന്ന തെ​ങ്ങി​ൻ തോ​പ്പു​ക​ളും ച​ന്തി​രൂ​രി​ന്​ ച​ന്തം പ​ക​രു​ന്നു.

അ​രൂ​ർ ഗ്രാ​മ​പ​ഞ്ചാ​യ​ത്തി​ൽ കി​ഴ​ക്ക് വേ​മ്പ​നാ​ട്ടു​കാ​യ​ലും പ​ടി​ഞ്ഞാ​റ് വെ​ളു​ത്തു​ള്ളി​ക്കാ​യ​ലും വ​ട​ക്ക് അ​രൂ​രും തെ​ക്ക് എ​ര​മ​ല്ലൂ​രും അ​തി​രി​ടു​ന്ന​താ​ണ്​ ച​ന്തി​രൂ​ർ ഗ്രാ​മം. പ​ണ്ട് തി​രു​വി​താം​കൂ​ർ രാ​ജ്യ​ത്തി​ന്റെ ഭാ​ഗ​മാ​യി​രു​ന്നു. രാ​ജ​ഭ​ര​ണ​കാ​ല​ത്ത് ഒ​രു വ​ലി​യ ച​ന്ത ഉ​ണ്ടാ​യി​രു​ന്നു. മീ​ൻ, ക​ക്ക, ഞ​ണ്ട്, ചെ​മ്മീ​ൻ, കൊ​ഞ്ച് തു​ട​ങ്ങി കാ​യ​ൽ​വി​ഭ​വ​ങ്ങ​ൾ​ക്ക് പ്ര​സി​ദ്ധ​മാ​യി​രു​ന്നു അ​ന്ന​ത്തെ ച​ന്ത. മീ​നും ഉ​ണ​ക്ക​മീ​നും വാ​ങ്ങാ​ൻ ദൂ​ര​ദി​ക്കു​ക​ളി​ൽ​നി​ന്നു​പോ​ലും ആ​ളു​ക​ൾ വ​രു​മാ​യി​രു​ന്നു. അ​ന്തി​മ​യ​ങ്ങി​യാ​ൽ വ​ഴി​യ​രി​കി​ലും പാ​ട​വ​ര​മ്പ​ത്തു​മി​രു​ന്ന് ആ​റ്റു​കൊ​ഞ്ചും പൊ​ടി​ച്ചെ​മ്മീ​നും വി​ല്പ​ന ന​ട​ത്തു​ന്ന ആ​ണു​ങ്ങ​ളും പെ​ണ്ണു​ങ്ങ​ളും എ​ന്നും ഭം​ഗി​യു​ള്ള ഗ്രാ​മ​ക്കാ​ഴ്ച​യാ​യി​രു​ന്നു. ഇ​ന്നും കാ​യ​ലി​ൽ മു​ങ്ങി​ത്ത​പ്പി മീ​ൻ പി​ടി​ക്കു​ന്ന സ്ത്രീ​ക​ളെ ച​ന്തി​രൂ​രി​ൽ കാ​ണാം. ച​ന്തി​രൂ​രി​ലെ ചെ​മ്മീ​ന് അ​ന്നും ഇ​ന്നും പ്രി​യ​മേ​റും. അ​തു​കൊ​ണ്ട് ചെ​മ്മീ​ൻ ക​യ​റ്റു​മ​തി​യി​ൽ കേ​ര​ള​ത്തി​ലെ മു​ഖ്യ​കേ​ന്ദ്ര​മാ​യും മ​ത്സ്യ​സം​സ്ക​ര​ണ ക​യ​റ്റു​മ​തി വ്യ​വ​സാ​യ​ത്തി​ന്‍റെ ഹ​ബാ​യും ച​ന്തി​രൂ​ർ മാ​റി.

കേ​ര​ള രാ​ഷ്ട്രീ​യ​ത്തി​ൽ കോ​ളി​ള​ക്കം സൃ​ഷ്ടി​ച്ച ‘വെ​ളു​ത്തു​ള്ളി​ക്കാ​യ​ൽ സ​മ​ര’​ത്തി​നു ച​ന്തി​രൂ​ർ വേ​ദി​യാ​യ​ത് 1967ലാ​ണ്. കാ​യ​ൽ​ത്തീ​ര​ത്ത് കൃ​ഷി​ക്ക് ഭൂ​മി പ​തി​ച്ചു​കൊ​ടു​ക്കു​ന്ന​തി​നെ ചൊ​ല്ലി​യാ​യി​രു​ന്നു സ​മ​രം. ച​ന്തി​രൂ​ർ ദൈ​വ​വെ​ളി ക്ഷേ​ത്രം, പ​ള്ളി​യി​ൽ ഭ​ഗ​വ​തീ​ക്ഷേ​ത്രം, കു​മ​ർ​ത്തു​പ​ടി ദേ​വീ​ക്ഷേ​ത്രം എ​ന്നി​വ പ​ഴ​ക്ക​മു​ള്ള ദേ​വാ​ല​യ​ങ്ങ​ളാ​ണ്.

ശാ​ന്തി​ഗി​രി ആ​ശ്ര​മ സ്ഥാ​പ​ക​ൻ ക​രു​ണാ​ക​ര​ഗു​രു ജ​നി​ച്ച​ത്​ ച​ന്തി​രൂ​രി​ലാ​ണ്. മ​ല​യാ​ള​ത്തി​ന്റെ മ​ഹാ​ന​ട​ൻ മു​ഹ​മ്മ​ദ് കു​ട്ടി എ​ന്ന മ​മ്മൂ​ട്ടി​യു​ടെ​യും ജ​ന്മ​സ്ഥ​ല​മാ​ണ്. മ​മ്മൂ​ട്ടി പ്രാ​ഥ​മി​ക വി​ദ്യാ​ഭ്യാ​സം നേ​ടി​യ​തും ആ​ദ്യ​മാ​യി വേ​ദി​യി​ൽ ക​യ​റി​യ​തും ച​ന്തി​രൂ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​യി​രു​ന്നു.