പഞ്ചഗുസ്തിയിൽ ചരിത്രം കുറിച്ച്​ വീട്ടമ്മ

കോ​ത​മം​ഗ​ലം: സം​സ്ഥാ​ന, ദേ​ശീ​യ പ​ഞ്ച​ഗു​സ്തി മ​ത്സ​ര​ങ്ങ​ളി​ൽ തു​ട​ർ​ച്ച​യാ​യ നേ​ട്ടം കൈ​വ​രി​ച്ച് വീ​ട്ട​മ്മ ശ്ര​ദ്ധേ​യ​യാ​വു​ന്നു. ഭാ​രം കു​റ​ക്കാ​നു​ള്ള വ്യാ​യാ​മ​ത്തി​നാ​യി കൗ​തു​ക​ത്തോ​ടെ കൂ​ട്ടു​കാ​രി​ക​ളോ​ടൊ​ത്ത് ആ​രം​ഭി​ച്ച പ​ഞ്ച​ഗു​സ്തി പ​രി​ശീ​ല​ന​മാ​ണ് വീ​ട്ട​മ്മ​യെ നേ​ട്ട​ങ്ങ​ളി​ലെ​ത്തി​ച്ച​ത്. ശ​നി​യാ​ഴ്ച കോ​ഴി​ക്കോ​ട് ന​ട​ന്ന 47ാമ​ത് സം​സ്ഥാ​ന ഗ്രാ​ന്റ് മാ​സ്റ്റ​ർ പ​ഞ്ച​ഗു​സ്തി ചാ​മ്പ്യ​ൻ​ഷി​പ്പി​ലെ 80 കി​ലോ​ക്ക്​ മു​ക​ളി​ലു​ള്ള വ​നി​ത​ക​ളു​ടെ ഇ​ട​ത്, വ​ല​ത്​ കൈ ​വി​ഭാ​ഗ​ങ്ങ​ളി​ൽ ര​ണ്ട് വെ​ങ്ക​ല മെ​ഡ​ലു​ക​ളാ​ണ് വാ​ര​പ്പെ​ട്ടി ഇ​ള​ങ്ങ​വം സ്വ​ദേ​ശി ആ​റ്റാ​ച്ചേ​രി​യി​ൽ ഷെ​ല്ലി ജോ​യി നേ​ടി​യ​ത്. 2024 ആ​ദ്യ​ത്തി​ൽ ഗോ​വ​യി​ൽ ന​ട​ന്ന നാ​ഷ​ണ​ൽ മാ​സ്റ്റേ​ഴ്സ് ഗെ​യിം​സി​ൽ ഇ​തേ വി​ഭാ​ഗ​ത്തി​ൽ ന​ടാ​ടെ പ​ങ്കെ​ടു​ത്ത ഷെ​ല്ലി സ്വ​ർ​ണം നേ​ടി​യി​രു​ന്നു.

ഗോ​വ​യി​ലെ സ്വ​ർ​ണ നേ​ട്ട​ത്തോ​ടെ ഈ ​മ​ത്സ​ര​യി​ന​ത്തി​ൽ ശ്ര​ദ്ധി​ക്കാ​നും കൂ​ടു​ത​ൽ പ​രി​ശീ​ല​നം നേ​ടാ​നും ശ്ര​മി​ക്കു​ക​യാ​യി​രു​ന്നു. മൂ​വാ​റ്റു​പു​ഴ ഷേ​പ്പ് വെ​ൽ ജി​മ്മി​ലെ റീ​ജ സു​രേ​ഷി​ന്റെ നി​ർ​ദേ​ശ​ങ്ങ​ളും പ്രോ​ത്സാ​ഹ​ന​വു​മാ​ണ് ഷെ​ല്ലി​ക്ക് പ്ര​ചോ​ദ​ന​മാ​യ​ത്. അ​ന്ത​ർ ദേ​ശീ​യ പു​ര​സ്കാ​ര ജേ​താ​ക്ക​ളാ​യ പെ​രു​മ്പാ​വൂ​ർ ബി​ജു​സ് ജി​മ്മി​ലെ ബി​ജു, മൂ​വാ​റ്റു​പു​ഴ ഫെ​സി മോ​ട്ടി എ​ന്നി​വ​രു​ടെ കീ​ഴി​ലാ​ണ് പ​രി​ശീ​ല​നം ന​ട​ത്തു​ന്ന​ത്. പ്ര​വാ​സി​യാ​യ ജോ​യി വ​ർ​ഗീ​സ് ആ​ണ് ഭ​ർ​ത്താ​വ്. ഷി​ൽ​ജ ജോ​യി, ഷി​ന്റോ ജോ​യി എ​ന്നി​വ​ർ മ​ക്ക​ളാ​ണ്.