കിഴക്കമ്പലം: പഞ്ചായത്തില്‍ വിവിധ മുന്നണികളില്‍ മത്സരിക്കുന്ന സ്ഥാനാര്‍ഥികള്‍ക്ക് ചിഹ്നം ലഭിച്ചതോടെ പോരാട്ടം ശക്തമായി. യു.ഡി.എഫ് നേത്യത്വത്തില്‍ 12 വാര്‍ഡുകളില്‍ സ്വതന്ത്ര സ്ഥാനാര്‍ഥികളെയാണ് രംഗത്തിറക്കിയിരിക്കുന്നത്. ചേലക്കുളം, കാവുങ്ങപറമ്പ്, പഴങ്ങനാട്, പുക്കാട്ടുപടി വാര്‍ഡുകളില്‍ പൊതു സ്വതന്ത്രരാണ് മത്സരിക്കുന്നത്. മുന്നണികള്‍ക്കതീതമായ കൂട്ടായ്മയാണ് പൊതു സ്ഥാനാര്‍ഥികളെ കണ്ടെത്തിയിരിക്കുന്നത്. ഒമ്പത് വാര്‍ഡുകളിലെ സ്ഥാനാര്‍ഥികള്‍ക്ക് കുടയാണ് ചിഹ്നം.
രണ്ട് വാര്‍ഡില്‍ ശംഖും, ഒന്നില്‍ തയ്യല്‍ മിഷനുമാണ്. ഏഴ് വാര്‍ഡില്‍ മാത്രമാണ് കൈപ്പത്തിയില്‍ മത്സരിക്കുന്നത്. ചിഹ്നം ലഭിച്ചതോടെ സ്ഥാനാര്‍ഥികള്‍ മൂന്നാം വട്ടം ചിഹ്നം പരിചയപെടുത്തി വീടുകള്‍ കയറാന്‍ തുടങ്ങി. പഞ്ചായത്തുകണ്‍വെന്‍ഷനുകളും വാര്‍ഡുകണ്‍വെന്‍ഷനുകളും സജീവമാണ്. ഇതിന് ശേഷം മാത്രമേ അനൗണ്‍സ്മെൻറ് വാഹനങ്ങള്‍ രംഗത്തിറങ്ങൂ.
ട്വൻറി 20 ഭരിക്കുന്ന പഞ്ചായത്തില്‍ ഇക്കുറി ശക്തമായ പോരാട്ടത്തിനുള്ള തയാറെടുപ്പിലാണ് മുന്നണികള്‍. കഴിഞ്ഞ പഞ്ചായത്ത് തെരെഞ്ഞടുപ്പില്‍ 19 വാര്‍ഡുകളുള്ള പഞ്ചായത്തില്‍ 17 ലും ട്വൻറി20 വിജയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.