ഹെപ്പറ്റൈറ്റിസ് ബി കാരണം കണ്ടെത്താനാകാതെ ആരോഗ്യ വകുപ്പ്

മൂ​വാ​റ്റു​പു​ഴ: പാ​യി​പ്ര പ​ഞ്ചാ​യ​ത്തി​ലെ വി​വി​ധ മേ​ഖ​ല​ക​ളി​ൽ ഹെ​പ്പ​റ്റൈ​റ്റി​സ്-​ബി പ​ട​ർ​ന്നു​പി​ടി​ക്കു​ന്ന​തി​ന്‍റെ കാ​ര​ണം ക​ണ്ടെ​ത്താ​നാ​കാ​തെ ആ​രോ​ഗ്യ വ​കു​പ്പ്.

പ​ഞ്ചാ​യ​ത്തി​ലെ തൃ​ക്ക​ള​ത്തൂ​ർ അ​ട​ക്ക​മു​ള്ള മേ​ഖ​ല​ക​ളി​ൽ രോ​ഗം ക​ണ്ടെ​ത്തി​യി​ട്ട് ഒ​രു​മാ​സ​ത്തി​ലേ​റെ​യാ​യി. നി​ര​വ​ധി പേ​രാ​ണ് അ​സു​ഖ​ബാ​ധി​ത​രാ​യി എ​ത്തു​ന്ന​ത്.

സാ​ധാ​ര​ണ മ​ഞ്ഞ​പ്പി​ത്തം​പോ​ലെ വെ​ള്ള​ത്തി​ൽ​നി​ന്നോ ഭ​ക്ഷ​ണ​ത്തി​ൽ നി​ന്നോ പ​ക​രു​ന്ന​ത​ല്ല ഇ​ത്. വ്യാ​പ​ക​മാ​യി പ​ക​രു​ന്ന രോ​ഗ​വു​മ​ല്ല. എ​ന്നി​ട്ടും ചി​ല മേ​ഖ​ല​ക​ളി​ൽ രോ​ഗം പ​ട​രു​ന്ന​താ​ണ് അ​ധി​കൃ​ത​രെ കു​ഴ​ക്കു​ന്ന​ത്. ഒ​രു​മാ​സ​ത്തി​നി​ടെ നി​ര​വ​ധി പേ​രാ​ണ് ഇ​വി​ട​ത്തെ സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്. ക​ഴി​ഞ്ഞ ദി​വ​സം രോ​ഗം ബാ​ധി​ച്ച് ഒ​രാ​ൾ മ​രി​ക്കു​ക​യും ചെ​യ്തു.

നി​ല​വി​ൽ പ​ത്തു​പേ​ർ ആ​ശു​പ​ത്രി​ക​ളി​ൽ ചി​കി​ത്സ​യി​ലു​ണ്ട്.  ര​ണ്ടു​ദി​വ​സം കൂ​ടു​മ്പോ​ൾ ര​ണ്ടു​മു​ത​ൽ അ​ഞ്ചു​പേ​ർ വ​രെ സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ​തേ​ടി എ​ത്തു​ന്നു​ണ്ട്.    പാ​യി​പ്ര​യി​ൽ രോ​ഗ​ബാ​ധ വ​ർ​ധി​ക്കാ​നു​ള്ള കാ​ര​ണം അ​ജ്ഞാ​ത​മാ​ണ്.  അ​ഞ്ചു​വ​ർ​ഷം മു​മ്പ് സ​മാ​ന അ​വ​സ്ഥ ഉ​ണ്ടാ​യി​രു​ന്നു. അ​ന്ന് രോ​ഗം വ്യാ​പ​ക​മാ​യ​തോ​ടെ ആ​രോ​ഗ്യ വ​കു​പ്പ് ഉ​ണ​ർ​ന്നു പ്ര​വ​ർ​ത്തി​ച്ച​തി​നെ​ത്തു​ട​ർ​ന്ന് ശ​മ​ന​മാ​യി​രു​ന്നു.

ഇ​തി​നി​ടെ പ​ഞ്ചാ​യ​ത്തി​ൽ ആ​രോ​ഗ്യ​വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ൽ തൃ​ക്ക​ള​ത്തൂ​ർ മേ​ഖ​ല​യി​ൽ പ​രി​ശോ​ധ​ന ന​ട​ത്തി. രോ​ഗം​ബാ​ധി​ച്ച്​ മ​രി​ച്ച വ​യോ​ധി​ക​ന്‍റെ വീ​ട്ടി​ൽ അ​ട​ക്കം ആ​രോ​ഗ്യ​പ്ര​വ​ർ​ത്ത​ക​ർ എ​ത്തി.