പെ​രു​മ്പാ​വൂ​ർ മേ​ഖ​ല​യി​ൽ അജ്ഞാത മൃതദേഹങ്ങള്‍ കണ്ടെത്തുന്നത് പൊലീസിനെ വലക്കുന്നു

പെ​രു​മ്പാ​വൂ​ർ: മേ​ഖ​ല​യി​ൽ തു​ട​ർ​ച്ച​യാ​യി അ​ജ്ഞാ​ത മൃ​ത​ദേ​ഹ​ങ്ങ​ൾ ക​ണ്ടെ​ത്തു​ന്ന​ത് പൊ​ലീ​സി​നെ വ​ല​ക്കു​ന്നു. ബു​ധ​നാ​ഴ്ച ഒ​ക്ക​ൽ പ​ഞ്ചാ​യ​ത്തി​ലെ കാ​രി​ക്കോ​ട്ട്​ അ​ട​ഞ്ഞു​കി​ട​ന്ന അ​രി​ക്ക​മ്പ​നി വ​ള​പ്പി​ലും ഒ​രാ​ഴ്ച മു​മ്പ് ന​ഗ​ര​ത്തി​ലെ സി​ഗ്ന​ൽ ജ​ങ്ഷ​ന് സ​മീ​പ​ത്തെ മു​റി​ക്ക​ക​ത്തും പ​ഴ​കി​ദ്ര​വി​ച്ച മൃ​ത​ദേ​ഹ​ങ്ങ​ൾ ക​ഴി​ഞ്ഞ​ദി​വ​സം ക​ണ്ടെ​ത്തി. ദി​വ​സ​ങ്ങ​ളു​ടെ വ്യ​ത്യാ​സ​ത്തി​ൽ ര​ണ്ടാം ത​വ​ണ​യാ​ണ് ആ​ളൊ​ഴി​ഞ്ഞ ഇ​ട​ങ്ങ​ളി​ൽ മൃ​ത​ദേ​ഹ​ങ്ങ​ൾ ക​ണ്ടെ​ത്തു​ന്ന​ത്. ഫെ​ബ്രു​വ​രി 15ന് ​ന​ഗ​ര​ത്തി​ലെ സോ​ഫി​യ കോ​ള​ജ് റോ​ഡി​ല്‍ സ്വ​കാ​ര്യ വ്യ​ക്തി​യു​ടെ പ​റ​മ്പി​ൽ ദി​വ​സ​ങ്ങ​ൾ പ​ഴ​ക്ക​മു​ള്ള അ​ജ്ഞാ​ത മൃ​ത​ദേ​ഹം ക​ണ്ടെ​ത്തി​യി​രു​ന്നു. ഒ​ക്ക​ലി​ലും സി​ഗ്ന​ൽ ജ​ങ്ഷ​ന് സ​മീ​പ​വും ക​ണ്ടെ​ത്തി​യ മൃ​ത​ദേ​ഹ​ങ്ങ​ൾ ആ​ഴ്ച​ക​ൾ പ​ഴ​ക്ക​മു​ള്ള​താ​യി​രു​ന്നു​വെ​ന്ന​ത് ഗൗ​ര​വ​ക​ര​മാ​ണ്.

അ​ഴു​കി ദു​ർ​ഗ​ന്ധം വ​മി​ച്ച​പ്പോ​ഴാ​ണ് വി​വ​രം പു​റം​ലോ​കം അ​റി​യു​ന്ന​ത്. വി​കൃ​ത​മാ​യ​തി​നാ​ൽ ആ​രാ​ണ്, എ​ങ്ങ​നെ മ​രി​ച്ചു എ​ന്നെ​ല്ലാം ക​ണ്ടെ​ത്തു​ക പൊ​ലീ​സി​ന് ത​ല​വേ​ദ​ന​യാ​ണ്. ര​ണ്ട് സ്ഥ​ല​ങ്ങ​ളി​ലും ഉ​ന്ന​ത ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ വി​ദ​ഗ്ധ പ​രി​ശോ​ധ​ന ന​ട​ന്നെ​ങ്കി​ലും തു​മ്പു​ണ്ടാ​യി​ല്ലെ​ന്നാ​ണ് വി​വ​രം. അ​ടു​പ്പി​ച്ചി​ട്ടു​ണ്ടാ​കു​ന്ന ദു​രൂ​ഹ മ​ര​ണ​ങ്ങ​ൾ ജ​ന​ങ്ങ​ൾ​ക്കി​ട​യി​ൽ ആ​ശ​ങ്ക​ക്കി​ട​യാ​ക്കി​യി​ട്ടു​ണ്ട്. നാ​ട്ടു​കാ​രാ​യ​വ​രെ കാ​ണാ​താ​യ പ​രാ​തി ഇ​ല്ലാ​ത്ത​തി​നാ​ൽ മ​രി​ച്ച​ത് അ​ന്ത​ർ​സം​സ്ഥാ​ന​ക്കാ​രാ​കാം എ​ന്നാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം. എ​ന്നാ​ൽ, ഇ​ത് ഉ​റ​പ്പി​ക്കാ​നു​ള്ള തെ​ളി​വു​ക​ളി​ല്ല.

ഒ​ക്ക​ലി​ൽ സം​ഭ​വം ന​ട​ന്ന സ്ഥ​ല​ത്ത് രാ​ത്രി​യി​ൽ സാ​മൂ​ഹി​ക​വി​രു​ദ്ധ​ർ ത​മ്പ​ടി​ച്ചി​രു​ന്ന​താ​യി പ​ഞ്ചാ​യ​ത്ത്​ അം​ഗം ഉ​ൾ​പ്പെ​ടെ​യു​ള്ള​വ​ർ പ​റ​യു​ന്നു. രാ​ത്രി​യി​ൽ ഇ​വി​ടെ​നി​ന്ന്​ ബ​ഹ​ളം കേ​ൾ​ക്കാ​റു​ണ്ടെ​ന്ന് പ​റ​യ​പ്പെ​ടു​ന്നു. വ​ർ​ഷ​ങ്ങ​ളാ​യി അ​ട​ഞ്ഞു​കി​ട​ക്കു​ന്ന കെ​ട്ടി​ട​ത്തി​ന്റെ പി​ന്നി​ലും വ​ശ​ങ്ങ​ളി​ലും പൊ​ന്ത​ക്കാ​ടു​ക​ളാ​ണ്. ഏ​ക്ക​റു​ക​ണ​ക്കി​നു​ള്ള സ്ഥ​ല​ത്തി​ന്റെ പി​ന്നി​ലെ വീ​ടും അ​ട​ഞ്ഞു​കി​ട​ക്കു​ക​യാ​ണ്. എം.​സി റോ​ഡി​ന്റെ വ​ശ​ത്താ​ണ് കെ​ട്ടി​ട​മെ​ങ്കി​ലും പി​ൻ​ഭാ​ഗ​ത്ത് എ​ന്ത് ന​ട​ന്നാ​ലും അ​റി​യി​ല്ല. രാ​ത്രി​യി​ൽ ആ​രും ഈ ​ഭാ​ഗ​ത്തേ​ക്ക് ശ്ര​ദ്ധി​ക്കാ​റി​ല്ല.

മൃ​ത​ദേ​ഹം ക​ണ്ടെ​ത്തി​യ സ്ഥ​ല​ത്തി​ന് സ​മീ​പ​ത്തെ കെ​ട്ടി​ട​ത്തി​ൽ വ​ർ​ഷ​ങ്ങ​ൾ​ക്ക്​ മു​മ്പ് ഒ​രു അ​ന്ത​ർ സം​സ്ഥാ​ന തൊ​ഴി​ലാ​ളി​യെ കൊ​ല​പ്പെ​ടു​ത്തി നാ​ട്ടി​ലേ​ക്ക് ക​ട​ന്നു​ക​ള​ഞ്ഞ പ്ര​തി​യെ പി​ന്നീ​ട് പൊ​ലീ​സ് പി​ടി​കൂ​ടു​ക​യാ​യി​രു​ന്നു. അ​ട​ഞ്ഞു​കി​ട​ക്കു​ന്ന കെ​ട്ടി​ട​ങ്ങ​ളി​ലും വി​ജ​ന​മാ​യ പ​റ​മ്പു​ക​ളി​ലും രാ​ത്രി​യി​ൽ ത​ങ്ങു​ന്ന സാ​മൂ​ഹി​ക​വി​രു​ദ്ധ​രെ ക​ണ്ടെ​ത്താ​ൻ പൊ​ലീ​സും പ്ര​വേ​ശ​നം ത​ട​യാ​നു​ള്ള മാ​ർ​ഗ​ങ്ങ​ൾ സ്വീ​ക​രി​ക്കാ​ൻ ഉ​ട​മ​ക​ളും ത​യാ​റാ​ക​ണ​മെ​ന്ന ആ​വ​ശ്യം ശ​ക്ത​മാ​ണ്.