കെ​ട്ടി​ട നി​ർ​മാ​ണം പൂ​ർ​ത്തി​യാ​യി; അടിമാലിയിൽ എന്നുവരും കാത്ത് ലാബ്?

അ​ടി​മാ​ലി: അ​ടി​മാ​ലി താ​ലൂ​ക്ക്​ ആ​ശു​പ​ത്രി​യി​ൽ അ​നു​വ​ദി​ച്ച കാ​ത്ത് ലാ​ബ് അ​നി​ശ്ചി​താ​വ​സ്ഥ​യി​ൽ. സ​ർ​ക്കാ​ർ ഫ​ണ്ട്​ അ​നു​വ​ദി​ച്ച് കെ​ട്ടി​ട നി​ർ​മാ​ണം പൂ​ർ​ത്തി​യാ​ക്കി​യെ​ങ്കി​ലും കാ​ത്ത് ലാ​ബ് തു​ട​ങ്ങാ​ൻ ആ​കെ കി​ട്ടി​യ​ത്​ ആ​ധു​നി​ക സൗ​ക​ര്യ​മു​ള്ള അ​ഞ്ച്​ ബെ​ഡ്​ മാ​ത്രം. ഇ​പ്പോ​ൾ ആ​ശു​പ​ത്രി​യു​ടെ വി​വി​ധ ഭാ​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന ഒ.​പി അ​ട​ക്കം ഈ ​കെ​ട്ടി​ട​ത്തി​ലേ​ക്ക് മാ​റ്റു​ന്ന​തോ​ടെ സ്ഥ​ല​പ​രി​മി​തി​യു​ടെ പേ​രി​ൽ കാ​ത്ത് ലാ​ബ് അ​ട്ടി​മ​റി​ക്കാ​നും നീ​ക്കം ന​ട​ത്തു​ന്നു.

കാ​ത്ത് ലാ​ബി​ന് പു​റ​മെ നേ​ത്ര സം​ബ​ന്ധ​മാ​യ ഓ​പ​റേ​ഷ​ൻ തി​യ​റ്റ​റും എ​ക്സ്-​റേ യൂ​നി​റ്റും ഈ ​കെ​ട്ടി​ട​ത്തി​ൽ തു​ട​ങ്ങു​മെ​ന്നാ​യി​രു​ന്നു തു​ട​ക്ക​ത്തി​ലെ പ്ര​ഖ്യാ​പ​നം. ആ​വ​ശ്യ​മാ​യ പു​തി​യ സാ​ധ​ന സാ​മ​ഗ്രി​ക​ളും എ​ത്തി​യി​ട്ടു​ണ്ടെ​ങ്കി​ലും ഇ​വ സ്ഥാ​പി​ക്കു​ന്നി​ല്ല. വൈ​ദ്യു​തി ല​ഭ്യ​മാ​കാ​ത്ത​ത​ട​ക്കം നി​സ്സാ​ര ത​ട​സ്സ​ങ്ങ​ൾ പ​റ​ഞ്ഞാ​ണി​ത്. നാ​ല്​ നി​ല​ക​ളോ​ടെ നി​ർ​മി​ച്ച കെ​ട്ടി​ട​ത്തി​ന് ഫ​യ​ർ എ​ൻ.​ഒ.​സി​യും ല​ഭ്യ​മാ​യി​ട്ടി​ല്ല. റാ​മ്പ്​ സൗ​ക​ര്യം ഇ​ല്ലാ​ത്ത​താ​ണ് ഫ​യ​ർ എ​ൻ.​ഒ.​സി​ക്ക് ത​ട​സ്സം. ഇ​ത​ല്ലെ​ങ്കി​ൽ കെ​ട്ടി​ട​ത്തി​ന് ചു​റ്റും വാ​ഹ​നം ഓ​ടി​ക്കാ​ൻ സൗ​ക​ര്യം ഒ​രു​ക്ക​ണം. നി​ല​വി​ൽ ന​ല്ല നി​ല​യി​ൽ പ്ര​വ​ർ​ത്തി​ക്കു​ന്ന ഓ​പ​റേ​ഷ​ൻ തി​യ​റ്റ​ർ പൊ​ളി​ച്ചു​മാ​റ്റി വാ​ഹ​നം സ​ഞ്ച​രി​ക്കാ​ൻ സൗ​ക​ര്യം ഉ​ണ്ടാ​ക്കാ​മെ​ന്നാ​ണ് ആ​ശു​പ​ത്രി വി​ക​സ​ന സ​മി​തി​യും ബ്ലോ​ക്ക് പ​ഞ്ചാ​യ​ത്തും നി​ർ​ദേ​ശം വെ​ച്ച​ത്.

പു​തി​യ ഓ​പ​റേ​ഷ​ൻ തി​യ​റ്റ​ർ നി​ർ​മി​ക്കു​ന്ന​തു​വ​രെ രോ​ഗി​ക​ളെ ഇ​ടു​ക്കി മെ​ഡി​ക്ക​ൽ കോ​ള​ജി​ലേ​ക്ക് റ​ഫ​ർ ചെ​യ്യാ​മെ​ന്ന നി​ർ​ദേ​ശ​വും ഇ​വ​ർ വ​ക്കു​ന്നു. ആ​രോ​ഗ്യ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ സ്ഥാ​പ​ന​ങ്ങ​ളും ചി​ല ഭ​ര​ണ​പ​ക്ഷ രാ​ഷ്ട്രീ​യ​ക്കാ​രു​മാ​ണ്​​ കാ​ത്ത്​ ലാ​ബി​ന്​ ​ മു​ഖ്യ​ത​ട​സ്സ​മെ​ന്നാ​ണ്​ നാ​ട്ടു​കാ​ർ ചൂ​ണ്ടി​ക്കാ​ട്ടു​ന്ന​ത്. ജി​ല്ല​യി​ൽ മ​റ്റ് സ​ർ​ക്കാ​ർ ആ​ശു​പ​ത്രി​ക​ൾ​ക്ക് ന​ൽ​കാ​ത്ത പ​രി​ഗ​ണ അ​ടി​മാ​ലി താ​ലൂ​ക്ക്​ ആ​ശു​പ​ത്രി​ക്ക് ന​ൽ​കു​​മ്പോ​ൾ ത​ന്നെ​യാ​ണ്​ അ​ട്ടി​മ​റി നീ​ക്ക​വും. ബ്ല​ഡ് ബാ​ങ്ക്, ഡ​യാ​ലി​സി​സ്, യൂ​നി​റ്റ്, സ്കാ​നി​ങ്​ യൂ​നി​റ്റ്, എ​ക്സ്-​റേ, ആ​ധു​നി​ക ലാ​ബ്, മാ​തൃ ശി​ശു സം​ര​ക്ഷ​ണ വി​ഭാ​ഗം എ​ന്നി​വ ഇ​വി​ടെ​യു​ണ്ട്. എ​ന്നാ​ൽ, ഇ​വ​യി​ൽ പ്ര​വ​ർ​ത്ത​ന​ക്ഷ​മാ​യ​തൊ​ന്നും ഇ​ല്ലെ​ന്ന​താ​ണ്​ വ​സ്തു​ത. അ​ടി​മാ​ലി​യി​ൽ സ്വ​കാ​ര്യ ലാ​ബ് ന​ട​ത്തി​പ്പു​കാ​രു​ടെ ഇ​ട​പെ​ട​ലും ഇ​തി​ന് പി​ന്നി​ലു​ണ്ട്. പ​ല സ്വ​കാ​ര്യ സ്ഥാ​പ​ന​ങ്ങ​ളും രാ​ഷ്ട്രീ​യ നേ​താ​ക്ക​ളു​ടെ അ​ധീ​ന​ത​യി​ലാ​ണ്.

സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ ആ​ദി​വാ​സി​ക​ളു​ള്ള മ​ണ്ഡ​ല​മാ​ണ് ദേ​വി​കു​ളം. ഇ​തി​നാ​ലാ​ണ്​ അ​ത്യാ​തു​നി​ക സൗ​ക​ര്യ​ങ്ങ​ൾ അ​ടി​മാ​ലി താ​ലൂ​ക്ക്​ ആ​ശു​പ​ത്രി​യെ തേ​ടി​യെ​ത്തു​ന്ന​ത്. എ​ന്നാ​ൽ, എ​ല്ലാം അ​ട്ടി​മ​റി​ക്ക​പ്പെ​ടു​ന്നു. 1996ൽ ​ജീ​വ​ന​ക്കാ​രു​ടെ ക്വ​ർ​ട്ടേ​ഴ്സി​നോ​ട് ചേ​ർ​ന്ന് ബ്ല​ഡ് ബാ​ങ്കി​ന് കെ​ട്ടി​ടം നി​ർ​മി​ക്കു​ക​യും ഉ​പ​ക​ര​ണ​ങ്ങ​ൾ ഇ​റ​ക്കു​ക​യും ചെ​യ്തു. എ​ന്നാ​ൽ, ഉ​ദ്ഘാ​ട​ന​വും പ്ര​വ​ർ​ത്ത​ന​വും ത​ട​സ്സ​പ്പെ​ട്ടു. സ​ർ​ക്കാ​ർ ര​ണ്ടാ​മ​തും ബ്ല​ഡ് ബാ​ങ്ക് അ​നു​വ​ദി​ക്കു​ക​യും പു​തി​യ ഉ​പ​ക​ര​ണ​ങ്ങ​ളും എ​ത്തി​ച്ചു. അ​ഞ്ചു​വ​ർ​ഷം ക​ഴി​ഞ്ഞി​ട്ടും ഇ​ത് സ്ഥാ​പി​ക്കാ​ൻ ന​ട​പ​ടി​യാ​യി​ട്ടി​ല്ല.

കാ​ത്ത് ലാ​ബി​ന് ബ്ലോ​ക്ക് പ​ഞ്ചാ​യ​ത്ത് ന​ൽ​കി​യ തു​ക എ​വി​ടെ?

അ​ടി​മാ​ലി: താ​ലൂ​ക്ക്​ ആ​ശു​പ​ത്രി​യി​ൽ കാ​ത്ത് ലാ​ബ് തു​ട​ങ്ങാ​ൻ ഉ​പ​ക​ര​ണ​ങ്ങ​ൾ വാ​ങ്ങാ​ൻ ബ്ലോ​ക്ക് പ​ഞ്ചാ​യ​ത്ത് ന​ൽ​കി​യ തു​ക എ​വി​ടെ​യെ​ന്ന ചോ​ദ്യ​ത്തി​നും ഉ​ത്ത​ര​മി​ല്ല.

171/ 2024ൽ ​മെ​യി​ന്‍റ​ന​ൻ​സ് ഫ​ണ്ടി​ൽ ഉ​ൾ​പ്പെ​ടു​ത്തി 18 ല​ക്ഷം രൂ​പ​യാ​ണ് അ​നു​വ​ദി​ച്ച​ത്. 2023 മാ​ർ​ച്ച്​ 17ന്​ ​തു​ക കൈ​മാ​റി ന​ൽ​കി. കേ​ര​ള ഹെ​ൽ​ത്ത് റി​സ​ർ​ച്ച് ആ​ൻ​ഡ്​ വെ​ൽ​ഫെ​യ​ർ സൊ​സൈ​റ്റി​യു​ടെ പേ​രി​ലാ​ണ് ബി​ൽ ന​ൽ​കി​യ​ത്. ഈ ​തു​ക​യു​ടെ ഉ​പ​ക​ര​ണ​ങ്ങ​ൾ എ​ത്തി​യ​താ​യി ആ​ശു​പ​ത്രി സൂ​പ്ര​ണ്ടി​ന് അ​റി​വി​ല്ല. സം​ഭ​വ​ത്തി​ൽ ബ്ലോ​ക്ക് പ​ഞ്ചാ​യ​ത്തി​നും മി​ണ്ടാ​ട്ട​മി​ല്ല.

ഓ​ഡി​റ്റ് വി​ഭാ​ഗം ഇ​തു​സം​ബ​ന്ധി​ച്ച് റി​പ്പോ​ർ​ട്ട് തേ​ടി​യി​ട്ടു​ണ്ടെ​ങ്കി​ലും മ​റു​പ​ടി ന​ൽ​കി​യി​ട്ടി​ല്ല. അ​തു​പോ​ലെ മെ​ഡി​ക്ക​ൽ ക്യാ​മ്പു​ക​ൾ ന​ട​ത്താ​ൻ ബ്ലോ​ക്ക് പ​ഞ്ചാ​യ​ത്തി​ന് അ​ധി​കാ​ര​മി​ല്ലെ​ന്നി​രി​ക്കെ ഇ​തി​ന്‍റെ പേ​രി​ലും 5,00,000 രൂ​പ വ​ക​മാ​റ്റി​യെ​ടു​ത്ത​തും ഓ​ഡി​റ്റ് വി​ഭാ​ഗം ക​ണ്ടെ​ത്തി​യി​രു​ന്നു.

ഡയാലിസിസ് യൂനിറ്റ്​ ഉദ്​ഘാടനം എൻ.ഒ.സി ഇല്ലാതെ -ബ്ലോക്ക് പഞ്ചായത്ത്

അ​ടി​മാ​ലി: താ​ലൂ​ക്ക് ആ​ശു​പ​ത്രി​യി​ൽ അ​ടി​സ്ഥാ​ന ക്ര​മീ​ക​ര​ണ​ങ്ങ​ൾ പൂ​ർ​ത്തി​യാ​കാ​തെ​യാ​ണ് ഡ​യാ​ലി​സി​സ് യൂ​നി​റ്റി​ന്‍റെ ഉ​ദ്ഘാ​ട​ന​മെ​ന്ന് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ്​ സോ​മ​ൻ ചെ​ല്ല​പ്പ​ൻ, പാ​ർ​ല​മെ​ന്‍റ​റി പാ​ർ​ട്ടി ലീ​ഡ​ർ ജോ​ർ​ജ് തോ​മ​സ് എ​ന്നി​വ​ർ പ​റ​ഞ്ഞു. കെ​ട്ടി​ട​ത്തി​ന്​ ആ​വ​ശ്യ​മാ​യ ഫ​യ​ർ ആ​ൻ​ഡ് സേ​ഫ്റ്റി​യു​ടെ അ​നു​മ​തി ഇ​തു​വ​രെ ല​ഭി​ച്ചി​ട്ടി​ല്ല. താ​ൽ​ക്കാ​ലി​ക അം​ഗീ​കാ​രം ല​ഭ്യ​മാ​കു​മെ​ന്നാ​ണ്​ എം.​എ​ൽ.​എ പ​റ​യു​ന്ന​ത്. ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ ഉ​റ​പ്പാ​ക്കാ​തെ ഉ​ദ്ഘാ​ട​നം ന​ട​ത്തി​യാ​ൽ ഉ​ണ്ടാ​കു​ന്ന ബു​ദ്ധി​മു​ട്ടു​ക​ൾ​ക്ക് ബ്ലോ​ക്ക് പ​ഞ്ചാ​യ​ത്ത് ഉ​ത്ത​ര​വാ​ദി​യാ​യി​രി​ക്കി​ല്ലെ​ന്നും ഇ​വ​ർ പ​റ​ഞ്ഞു.

ഡ​യാ​ലി​സി​സ് യൂ​നി​റ്റ്​ ബ്ല​ഡ് ബാ​ങ്ക് ഇ​ല്ലാ​തെ പ്ര​വ​ർ​ത്തി​ക്കു​ന്ന​ത് ഗു​ണ​ക​ര​മാ​വി​ല്ല. മാ​ത്ര​മ​ല്ല അ​ടി​മാ​ലി​യി​ൽ അ​നു​വ​ദി​ച്ച കാ​ത്ത് ലാ​ബി​ന്റെ അ​നു​മ​തി സം​ബ​ന്ധി​ച്ച വി​വാ​ദ​വും നി​ല​നി​ൽ​ക്കു​ന്നു. കാ​ത്ത് ലാ​ബി​ന് ആ​വ​ശ്യ​മാ​യ കെ​ട്ടി​ട സൗ​ക​ര്യം പൂ​ർ​ത്തി​യാ​യി​ട്ടു​ണ്ട്. എ​ന്നാ​ൽ, ഉ​പ​ക​ര​ണ​ങ്ങ​ൾ അ​ട​ക്കം മ​റ്റ് ആ​വ​ശ്യ​ങ്ങ​ൾ​ക്കാ​യി 9.3 കോ​ടി രൂ​പ കൂ​ടി ആ​വ​ശ്യ​മാ​ണ്. പ്രോ​ജ​ക്ട്​ ഡി.​എം.​ഒ വ​ഴി സ​ർ​ക്കാ​റി​ന്​ സ​മ​ർ​പ്പി​ച്ചി​ട്ടു​ണ്ടെ​ങ്കി​ലും ഇ​ക്കാ​ര്യ​ത്തി​നും വ്യ​ക്ത​ത വ​രു​ത്താ​ൻ സ​ർ​ക്കാ​റി​നോ എം.​എ​ൽ.​എ​ക്കോ ക​ഴി​ഞ്ഞി​ട്ടി​ല്ല.

താ​ലൂ​ക്ക്​ ആ​ശു​പ​ത്രി​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​ക്കും ഉ​പ​ക​ര​ണ​ങ്ങ​ൾ​ക്കും ബ്ലോ​ക്ക് പ​ഞ്ചാ​യ​ത്ത്​ 30 ശ​ത​മാ​നം ന​ൽ​കി വ​രു​ന്നു​ണ്ട്. ഇ​ത്ത​ര​ത്തി​ൽ ആ​ശു​പ​ത്രി​യു​ടെ പ്ര​വ​ർ​ത്ത​ന​ങ്ങ​ൾ​ക്ക് സാ​മ്പ​ത്തി​ക സ​ഹാ​യ​വും മ​റ്റു പ്ര​വ​ർ​ത്ത​ന​ങ്ങ​ളും ന​ട​ത്തി​വ​രു​ന്ന ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി​യെ നോ​ക്കു​കു​ത്തി​യാ​ക്കി ന​ട​ത്തു​ന്ന ഏ​തൊ​രു ശ്ര​മ​ത്തെ​യും അം​ഗീ​ക​രി​ക്കി​ല്ലെ​ന്ന് ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി വ്യ​ക്ത​മാ​ക്കി. പ്ര​സി​ഡ​ന്‍റ്​ ഷാ​ന്‍റ്​ ബേ​ബി, സി.​കെ. പ്ര​സാ​ദ്, എം.​എ. അ​ൻ​സാ​രി, കെ. ​കൃ​ഷ്ണ​മൂ​ർ​ത്തി, ബി​ന്ദു എ​ന്നി​വ​രും ഒ​പ്പ​മു​ണ്ടാ​യി.