പകർച്ചവ്യാധി; മുന്നൊരുക്കങ്ങളുമായി ഇടുക്കി ജില്ല ഭരണകൂടം

ഇ​ടു​ക്കി: മ​ഴ​ക്കാ​ല​ത്ത് ഡെ​ങ്കി അ​ട​ക്കം കൊ​തു​കു​ജ​ന്യ രോ​ഗ​ങ്ങ​ൾ ജി​ല്ല​യി​ൽ പ​ട​രു​ന്ന​ത് ഒ​ഴി​വാ​ക്കാ​ൻ വി​ട്ടു​വീ​ഴ്ച​യി​ല്ലാ​ത്ത മു​ന്നൊ​രു​ക്ക​ങ്ങ​ൾ​ക്ക് ജി​ല്ല ഭ​ര​ണ​കൂ​ടം ത​യാ​റെ​ടു​ക്കു​ന്നു. മ​ഴ​ക്കാ​ല​പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ സം​ബ​ന്ധി​ച്ച് ക​ല​ക്ട​ർ ഷീ​ബ ജോ​ർ​ജ്​ വി​ളി​ച്ചു​ചേ​ർ​ത്ത ജി​ല്ല​ത​ല വ​കു​പ്പ് മേ​ധാ​വി​ക​ളു​ടെ​യും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന സെ​ക്ര​ട്ട​റി​മാ​രു​ടെ​യും ഓ​ൺ​ലൈ​ൻ യോ​ഗ​മാ​ണ് ഇ​ത്‌ സം​ബ​ന്ധി​ച്ച തീ​രു​മാ​നം കൈ​ക്കൊ​ണ്ട​ത്.

ഹോ​ട്ട​ലു​ക​ളി​ലും റി​സോ​ർ​ട്ടു​ക​ളി​ലെ​യും ജ​ല​ത്തി​ന്‍റെ ശു​ദ്ധ​ത ഉ​റ​പ്പ് വ​രു​ത്തു​ന്ന​തി​ന് ജി​ല്ല മെ​ഡി​ക്ക​ൽ ഓ​ഫീ​സ​റു​ടെ നേ​തൃ​ത്വ​ത്തി​ൽ വ്യാ​പ​ക പ​രി​ശോ​ധ​ന ഉ​ട​ൻ ആ​രം​ഭി​ക്കും. ജ്യൂ​സ് ഷോ​പ്പു​ക​ളും ത​ട്ടു​ക​ട​ക​ളു​മ​ട​ക്കം ജി​ല്ല​യി​ലെ മു​ക്കും മൂ​ല​യും അ​രി​ച്ചു​പെ​റു​ക്കി പ​രി​ശോ​ധ​ന ന​ട​ത്താ​ൻ പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​വും ഉ​റ​പ്പാ​ക്കും. നേ​തൃ​ത്വം ആ​രോ​ഗ്യ​വ​കു​പ്പ് ത​ന്നെ​യാ​കും നി​ർ​വ​ഹി​ക്കു​ക. കേ​സു​ക​ളെ​ടു​ക്കു​ന്ന​തി​ലും നോ​ട്ടീ​സ് ന​ൽ​കു​ന്ന​തി​ലും വി​ട്ടു​വീ​ഴ്ച വേ​​ണ്ടെ​ന്നും ക​ല​ക്ട​ർ നി​ർ​ദേ​ശി​ച്ചു.

പ​ക​ർ​ച്ച​വ്യാ​ധി​ക​ൾ വ​ർ​ധി​ക്കു​ന്ന​താ​യി റി​പ്പോ​ർ​ട്ട്​

ക​ഴി​ഞ്ഞ ര​ണ്ട്​ വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​ക്കൊ​ല്ലം പ​ക​ർ​ച്ച​വ്യാ​ധി​ക​ൾ വ​ള​രെ കൂ​ടു​ത​ലാ​ണ് റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്. ഡെ​ങ്കി​പ്പ​നി, മ​ലേ​റി​യ, എ​ലി​പ്പ​നി, ജ​ല​ജ​ന്യ രോ​ഗ​ങ്ങ​ൾ തു​ട​ങ്ങി​യ പ​ക​ർ​ച്ച​വ്യാ​ധി​ക​ൾ കൂ​ടു​ത​ലാ​യി റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ ആ​രോ​ഗ്യ ജാ​ഗ്ര​ത ക​ല​ണ്ട​ർ പ്ര​കാ​ര​മു​ള്ള ഊ​ർ​ജി​ത പ​ക​ർ​ച്ച​വ്യാ​ധി പ്ര​തി​രോ​ധ പ്ര​വ​ർ​ത്ത​ന​ങ്ങ​ളും ഉ​റ​വി​ട ന​ശീ​ക​ര​ണ പ്ര​വ​ർ​ത്ത​ന​ങ്ങ​ളും ശ​ക്തി​പ്പെ​ടു​ത്തേ​ണ്ട​തു​ണ്ടെ​ന്ന് ക​ല​ക്ട​ർ അ​റി​യി​ച്ചു. ഡെ​ങ്കി​പ്പ​നി ഹോ​ട്ട്സ്പോ​ട്ടു​ക​ൾ ആ​യി ക​ണ്ടെ​ത്തി​യ സ്ഥ​ല​ങ്ങ​ളി​ൽ പ്ര​ത്യേ​ക ആ​ക്ഷ​ൻ പ്ലാ​ൻ ത​യ്യാ​റാ​ക്കി പ്ര​വ​ർ​ത്ത​ന​ങ്ങ​ൾ ന​ട​ത്തും. ത്രി​ത​ല പ​ഞ്ചാ​യ​ത്തു​ക​ൾ ആ​രോ​ഗ്യ​വ​കു​പ്പു​മാ​യി ചേ​ർ​ന്ന് വാ​ർ​ഡ് ത​ല ശു​ചി​ത്വ ക​മ്മി​റ്റി​ക​ളു​ടെ പ്ര​വ​ർ​ത്ത​ന​ങ്ങ​ൾ ഊ​ർ​ജ്ജി​ത​പ്പെ​ടു​ത്തും.മേ​യ് 20ന് ​മു​മ്പ്​ കൊ​തു​ക് ന​ശീ​ക​ര​ണ പ്ര​വ​ർ​ത്ത​ന​ങ്ങ​ളും ക്ലോ​റി​നേ​ഷ​ൻ ഡ്രൈ​വും പൂ​ർ​ത്തീ​ക​രി​ക്കും തോ​ഴി​ലു​റ​പ്പ് പ​ദ്ധ​തി​ക​ൾ​ക്ക് പോ​കു​ന്ന​വ​ർ എ​ലി​പ്പ​നി​ക്കെ​തി​രാ​യ ഗു​ളി​ക ക​ഴി​ച്ചു എ​ന്ന് ഉ​റ​പ്പു​വ​രു​ത്തേ​ണ്ട​താ​ണ്. മ​ലേ​റി​യ കേ​സു​ക​ൾ ജി​ല്ല​യി​ൽ കൂ​ടു​ത​ലാ​യി റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ അ​ന്യ​സം​സ്ഥാ​ന തൊ​ഴി​ലാ​ളി​ക​ൾ​ക്ക് മൈ​ഗ്ര​ൻ​സ് സ്ക്രീ​നി​ങ് തൊ​ഴി​ൽ വ​കു​പ്പ് ഉ​റ​പ്പു​വ​രു​ത്തും.

സ്​​പെ​ഷ​ൽ സ്ക്വാ​ഡു​ക​ൾ രൂ​പ​വ​ത്​ക​രി​ക്കും

മാ​ലി​ന്യ​ങ്ങ​ൾ വ​ലി​ച്ചെ​റി​യു​ക, ക​ത്തി​ക്കു​ക, പൊ​തു​ഇ​ട​ങ്ങ​ളി​ൽ നി​ക്ഷേ​പി​ക്കു​ക, ഒ​ഴു​ക്കി​വി​ടു​ക തു​ട​ങ്ങി​യ നി​യ​മ​ലം​ഘ​ന​ങ്ങ​ൾ​ക്കെ​തി​രെ നി​ല​വി​ലെ വ​കു​പ്പു​ക​ൾ പ്ര​കാ​രം ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കും. ഇ​തി​ന്​ സ്പെ​ഷ​ൽ സ്‌​ക്വാ​ഡ് രൂ​പ​വ​ൽ​ക​രി​ക്കാ​നും തീ​രു​മാ​ന​മാ​യി. ജ​ല​സം​ഭ​ര​ണ ടാ​ങ്കു​ക​ളി​ൽ നി​ന്നു​ള്ള വെ​ള്ളം അ​രി​ച്ച്​ ഉ​പ​യോ​ഗി​ക്കാ​ൻ ജ​ന​ങ്ങ​ൾ ശ്ര​ദ്ധി​ക്ക​ണം.

മാ​ലി​ന്യ​പ​രി​പാ​ല​നം ഉ​റ​പ്പു​വ​രു​ത്തു​ന്ന​തി​നാ​യി വാ​തി​ൽ​പ്പ​ടി ശേ​ഖ​ര​ണം, സം​ഭ​ര​ണം, എം.​സി.​എ​ഫ്, ആ​ർ.​ആ​ർ.​എ.​എ​ഫ് എ​ന്നി​വ​യി​ൽ നി​ന്നു​ള്ള മാ​ലി​ന്യ​നീ​ക്കം, ഡ്രൈ​ഡേ ആ​ച​ര​ണം (വെ​ള്ളി​യാ​ഴ്ച സ്ഥാ​പ​ന​ങ്ങ​ളി​ൽ, ഞാ​യ​റാ​ഴ്ച വീ​ടു​ക​ളി​ൽ) ഓ​ട​ക​ൾ വൃ​ത്തി​യാ​ക്ക​ൽ, ജ​ല​സ്രോ​ത​സ്സു​ക​ളു​ടെ​ശു​ചീ​ക​ര​ണം, ക്ലോ​റി​നേ​ഷ​ൻ പ്ര​വ​ർ​ത്ത​ന​ങ്ങ​ൾ, ജ​ല​സ്രോ​ത​സ്സു​ക​ളി​ലേ​ക്ക്​ മാ​ലി​ന്യം ത​ള്ള​ൽ ത​ട​യു​ന്ന ന​ട​പ​ടി​ക​ൾ, ജ​ലാ​ശ​യ​ങ്ങ​ളി​ലേ​ക്ക്​ ഒ​ഴു​കി​യെ​ത്തു​ന്ന കൈ​വ​ഴി​ക​ളു​ടെ​യും ഓ​ട​ക​ളു​ടെ​യും ശു​ചീ​ക​ര​ണം എ​ന്നി​വ​യും കാ​ര്യ​ക്ഷ​മ​മാ​യി ന​ട​പ്പാ​ക്ക​ണം.

മ​ഴ​ക്കാ​ല​പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളി​ൽ അ​ത​ത് പ​ഞ്ചാ​യ​ത്തു​ക​ൾ​ക്ക് വ​ലി​യ പ​ങ്കാ​ണു​ള്ള​തെ​ന്നും ശു​ചി​ത്വ മി​ഷ​ൻ അ​ട​ക്കം ഏ​ജ​ൻ​സി​ക​ൾ അ​വ മി​ക​ച്ച രീ​തി​യി​ൽ ഏ​കോ​പി​പ്പി​ക്കേ​ണ്ട​തു​ണ്ടെ​ന്നും ക​ല​ക്ട​ർ പ​റ​ഞ്ഞു.