പെരുമലയിലെ ജനവാസ മേഖലയിൽ നാശം വിതച്ച്​കാട്ടാനകൾ

മ​റ​യൂ​ർ: കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലി​റ​ങ്ങു​ത് പ്ര​ദേ​ശ​വാ​സി​ക​ളെ ഭീ​തി​യി​ലാ​ഴ്ത്തു​ന്നു. ക​ഴി​ഞ്ഞ​ദി​വ​സം രാ​ത്രി പെ​രു​മ​ല ഗ്രാ​മ​ത്തി​ലെ റോ​ഡ​രി​കി​ൽ എ​ത്തി​യ ര​ണ്ട് കാ​ട്ടാ​ന​ക​ൾ പെ​ട്ടി​ക്ക​ട​ക​ൾ ത​ക​ർ​ത്തു.

തു​ട​ർ​ന്ന് കൃ​ഷി​ത്തോ​ട്ട​ത്തി​ൽ ഇ​റ​ങ്ങി​യ കാ​ട്ടാ​ന​ക​ൾ വാ​ഴ ഉ​ൾ​പ്പെ​ടെ കൃ​ഷി ന​ശി​പ്പി​ച്ചു. അ​തി​രാ​വി​ലെ​യാ​ണ് ആ​ന​ക​ൾ വ​ന​ത്തി​ലേ​ക്ക് മ​ട​ങ്ങി​യ​ത്. ആ​റു​മാ​സം​ മു​മ്പ് വ​രെ കാ​ന്ത​ല്ലൂ​ർ മേ​ഖ​ല​യി​ൽ കൃ​ഷി​ത്തോ​ട്ട​ത്തി​ൽ ത​മ്പ​ടി​ച്ചി​രു​ന്ന കാ​ട്ടാ​ന​ക​ളു​ടെ ശ​ല്യ​ത്തി​ൽ നാ​ട്​ പൊ​റു​തി​മു​ട്ടി​യി​രു​ന്നു. ജ​ന​ങ്ങ​ളു​ടെ പ്ര​തി​ഷേ​ധ​ത്തെ തു​ട​ർ​ന്ന്​​ ജ​ന​സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ കാ​ട്ടാ​ന​ക​ളെ വ​ന​ത്തി​നു​ള്ളി​ലേ​ക്ക്​ തു​ര​ത്തി​യി​രു​ന്നു.

എ​ന്നാ​ൽ, ഇ​പ്പോ​ൾ ക​ഴി​ഞ്ഞ ഒ​രു മാ​സ​ത്തി​നി​ടെ കാ​ന്ത​ല്ലൂ​ർ ജ​ന​വാ​സ മേ​ഖ​ല​യി​ലെ​ത്തു​ന്ന കാ​ട്ടാ​ന​ക​ൾ കൃ​ഷി​സ്ഥ​ല​ങ്ങ​ളി​ലി​റ​ങ്ങി വ്യാ​പ​ക​മാ​യി നാ​ശം വ​രു​ത്തു​ക​യാ​ണ്. രാ​ത്രി റോ​ഡി​ലൂ​ടെ ആ​ന​ക​ൾ ന​ട​ക്കു​മ്പോ​ൾ വാ​ഹ​ന യാ​ത്ര​യും കാ​ൽ​ന​ട​യാ​ത്ര​യും ദു​ഷ്ക​ര​മാ​വു​ക​യാ​ണ്. നി​ല​വി​ൽ ജ​ന​വാ​സ മേ​ഖ​ല​ക്ക്​ സ​മീ​പം ത​മ്പ​ടി​ച്ചി​രി​ക്കു​ന്ന കാ​ട്ടാ​ന​ക​ളെ വ​ന​ത്തി​ലേ​ക്ക് ഓ​ടി​ച്ചു​വി​ട്ട് സു​ര​ക്ഷ ഒ​രു​ക്ക​ണ​​മെ​ന്നാ​ണ്​ നാ​ട്ടു​കാ​രു​ടെ ആ​വ​ശ്യം.