ജ്യേഷ്ഠനെ കുത്തിക്കൊന്ന യുവാവിനെ കണ്ടെത്താനായില്ല

ഇ​രി​ക്കൂ​ര്‍: പ​ടി​യൂ​രി​ല്‍ ജ്യേ​ഷ്ഠ​നെ കു​ത്തി​ക്കൊ​ന്ന അ​നു​ജ​നെ ക​ണ്ടെ​ത്താ​നാ​യി തി​ര​ച്ചി​ല്‍ തു​ട​രു​ന്നു. പ​ടി​യൂ​ര്‍ ചാ​ളം വ​യ​ല്‍ കോ​ള​നി​യി​ലെ രാ​ജീ​വ​നെ കു​ത്തി​ക്കൊ​ന്ന അ​നു​ജ​ന്‍ സ​ജീ​വ​നു വേ​ണ്ടി പൊ​ലീ​സ് അ​ന്വേ​ഷ​ണം തു​ട​രു​ന്നു. ഞാ​യ​റാ​ഴ്ച രാ​ത്രി​യാ​ണ് രാ​ജീ​വ​നെ വീ​ട്ടി​ൽ​വെ​ച്ച് കു​ത്തി​ക്കൊ​ന്ന​ത്.

തു​ട​ര്‍ന്ന് സ​ജീ​വ​ന്‍ വ​ന​ത്തി​ലേ​ക്ക് ര​ക്ഷ​പ്പെ​ടു​ക​യാ​യി​രു​ന്നു. ക​ഴി​ഞ്ഞ ര​ണ്ടു ദി​വ​സ​വും മു​ഴു​വ​ന്‍ വ​ന​ത്തി​ല്‍ തി​ര​ച്ചി​ല്‍ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. ബു​ധ​നാ​ഴ്ച രാ​വി​ലെ ആ​രം​ഭി​ച്ച തി​ര​ച്ചി​ല്‍ രാ​ത്രി​യി​ലും തു​ട​രു​ക​യാ​ണ്. ഇ​രി​ക്കൂ​ർ എ​സ്.​എ​ച്ച്.​ഒ ഇ​ൻ​സ്പെ​ക്ട​ർ എം.​എം അ​ബ്ദു​ൽ ഖ​രീ​മി​ന്റെ നേ​തൃ​ത്വ​ത്തി​ലാ​ണ് തി​ര​ച്ചി​ല്‍ ന​ട​ത്തു​ന്ന​ത്.

കി​ലോ​മീ​റ്റ​റു​ക​ളോ​ളം കാ​ല്‍ന​ട​യാ​യി സ​ഞ്ച​രി​ക്കാ​ന്‍ ക​ഴി​വു​ള്ള​വ​നാ​ണ് സ​ജീ​വ​ന്‍. ഇ​രി​ക്കൂ​റി​ല്‍ നി​ന്ന് വീ​രാ​ജ്‌ പേ​ട്ട​യി​ല​ട​ക്കം ഇ​യാ​ള്‍ ന​ട​ന്നു​പോ​യി​ട്ടു​ണ്ട്. വ​ന​ത്തെ​ക്കു​റി​ച്ച് ന​ല്ല ധാ​ര​ണ​യു​ള്ള​യാ​ളു​മാ​ണ് സ​ജീ​വ​ന്‍.

അ​തി​നാ​ല്‍ വ​ന​ത്തി​ല്‍ ഏ​റെ​ദൂ​രം ഇ​യാ​ള്‍ സ​ഞ്ച​രി​ക്കു​ന്നു​ണ്ടെ​ന്നാ​ണ് ക​ണ​ക്കാ​ക്കു​ന്ന​ത്. അ​തി​നി​ടെ സ​ജീ​വ​നെ​ക്കു​റി​ച്ച് എ​ന്തെ​ങ്കി​ലും വി​വ​രം ല​ഭി​ക്കു​ന്ന​വ​ര്‍ ഇ​രി​ക്കൂ​ര്‍ എ​സ്.​എ​ച്ച്.​ഒ യു​ടെ 9497947319 ന​മ്പ​റി​ലോ ഇ​രി​ക്കൂ​ര്‍ പൊ​ലീ​സ് സ്റ്റേ​ഷ​നി​ലെ 0460 2257100 ന​മ്പ​റി​ലോ വി​വ​രം അ​റി​യി​ക്ക​ണ​മെ​ന്ന് പൊ​ലീ​സ് അ​ഭ്യ​ർ​ഥി​ച്ചു.