തോമസ് ദേവസ്യ, ബെന്സണ്
ഇരിക്കൂർ: മാരക മയക്കുമരുന്നായ എം.ഡി.എം.എയുമായി ഇരിക്കൂറിൽ രണ്ടുപേർ പിടിയിലായി. പയ്യാവൂർ പൈസക്കരിയിലെ പള്ളിപ്പുറത്ത് തോമസ് ദേവസ്യ (24), ചന്ദനക്കാംപാറയിലെ കല്ലറക്കൽ ബെന്സണ് (31) എന്നിവരെയാണ് ഇരിക്കൂർ എസ്.എച്ച്.ഒ ഇൻസ്പെക്ടർ എം.എം അബ്ദുൽഖരീം അറസ്റ്റുചെയ്തത്.
ഞായറാഴ്ച പുലര്ച്ച നാലരയോടെ ഇരിക്കൂര് പാലത്തിന് സമീപമാണ് വാഹന പരിശോധനക്കിടെ ഇരുവരും പിടിയിലായത്. 240 മി.ഗ്രാം എം.ഡി.എം.എയും ഇവർ സഞ്ചരിച്ച കാറും പിടിച്ചെടുത്തു. കോഴിക്കോട് പോയി മടങ്ങവെയാണ് പിടിയിലായത്.
റൂറല് ജില്ല പൊലീസ് മേധാവി എം. ഹേമലതയുടെ മേല്നോട്ടത്തില് പ്രവര്ത്തിക്കുന്ന ഡന്സാഫ് ടീമും ഇരിക്കൂര് അഡി.എസ്.ഐ കെ.എം. സന്തോഷ്, മനോഹരൻ, സുനില് ജോസഫ് എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.