കല്ലുമ്മക്കായ-മത്സ്യവിത്തുൽപാദന കേന്ദ്രം: കെട്ടിട നിർമാണം പൂർത്തിയാവുന്നു

പ​ഴ​യ​ങ്ങാ​ടി: സം​സ്ഥാ​ന​ത്തെ ആ​ദ്യ​ത്തെ ക​ല്ലു​മ്മ​ക്കാ​യ-​ക​ട​ൽ മ​ത്സ്യ വി​ത്തു​ൽ​പാ​ദ​ന ഹാ​ച്ച​റി​യു​ടെ കെ​ട്ടി​ട​നി​ർ​മാ​ണം പു​തി​യ​ങ്ങാ​ടി​യി​ൽ പൂ​ർ​ത്തി​യാ​വു​ന്നു. സം​സ്ഥാ​ന സ​ർ​ക്കാ​ർ അ​ഞ്ച് കോ​ടി രൂ​പ ചെ​ല​വ​ഴി​ച്ച് നി​ർ​മി​ക്കു​ന്ന ഹാ​ച്ച​റി വ​ഴി പ്ര​തി​വ​ർ​ഷം 50 ല​ക്ഷം ക​ട​ൽ മ​ത്സ്യ​ക്കു​ഞ്ഞു​ങ്ങ​ളും 50 ല​ക്ഷം ക​ല്ലു​മ്മ​ക്കാ​യ വി​ത്തു​മാ​ണ് ഉ​ൽ​പാ​ദി​പ്പി​ക്കാ​ൻ ല​ക്ഷ്യ​മി​ടു​ന്ന​ത്.

പു​തി​യ​ങ്ങാ​ടി​യി​ൽ നേ​ര​ത്തേസം​സ്ഥാ​ന സ​ർ​ക്കാ​റി​ന്റെ ഐ​സ് പ്ലാ​ന്റു​ണ്ടാ​യി​രു​ന്ന സ്ഥ​ല​ത്താ​ണ് കെ​ട്ടി​ടം.​കേ​ര​ള തീ​ര​ദേ​ശ വി​ക​സ​ന കോ​ർ​പ​റേ​ഷ​ൻ മു​ഖേ​ന​യാ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ നി​ർ​വ​ഹ​ണം. ക​ല്ലു​മ്മ​ക്കാ​യ വി​ത്തി​നും വി​വി​ധ ക​ട​ല്‍ മ​ത്സ്യ​ങ്ങ​ളു​ടെ വി​ത്തു​ല്‍പാ​ദ​ന​ത്തി​നും ഗു​ണ​മേ​ന്മ​യു​ള്ള മ​ത്സ്യ​ങ്ങ​ളു​ടെ സം​ര​ക്ഷ​ണ​ത്തി​നും പ​രി​പാ​ല​ന​ത്തി​നും ഇ​ത് ഏ​റെ സ​ഹാ​യ​ക​ര​മാ​കു​മെ​ന്ന് എം. ​വി​ജി​ൻ എം.​എ​ൽ.​എ പ​റ​ഞ്ഞു.

ക​ല്ലു​മ്മ​ക്കാ​യ വി​ത്തു​ല്‍പാ​ദ​ന​ത്തി​നാ​വ​ശ്യ​മാ​യ മോ​ഡു​ലാ​ര്‍ ഹാ​ച്ച​റി സൗ​ക​ര്യ​ങ്ങ​ളും ക​ട​ല്‍ മ​ത്സ്യ​ങ്ങ​ളു​ടെ വി​ത്തു​ൽ​പാ​ദ​ന​ത്തി​നും സം​ര​ക്ഷ​ണ​ത്തി​നു​മാ​വ​ശ്യ​മാ​യ ലൈ​വ് ഫീ​ഡ് പ്രൊ​ഡ​ക്ഷ​ന്‍ യൂ​നി​റ്റ്, മ​ത്സ്യ​ങ്ങ​ളു​ടെ സം​ര​ക്ഷ​ണ​ത്തി​നും വി​ത്തു​ല്‍പാ​ദ​ന​ത്തി​നും ആ​വ​ശ്യ​മാ​യ റീ ​സ​ര്‍ക്കു​ലേ​റ്റ​റി അ​ക്വാ​ക​ള്‍ച്ച​ര്‍ സി​സ്റ്റം, ലാ​ര്‍വ​ല്‍ റ​യ​റി​ങ് ടാ​ങ്കു​ക​ള്‍, ല​ബോ​റ​ട്ട​റി സം​വി​ധാ​നം എ​ന്നി​വ ഉ​ള്‍പ്പെ​ടു​ന്ന​താ​ണ് പ​ദ്ധ​തി. ഈ ​വ​ർ​ഷം ത​ന്നെ ഹാ​ച്ച​റി യാ​ഥാ​ർ​ഥ്യ​മാ​കു​മെ​ന്ന പ്ര​തീ​ക്ഷ​യി​ലാ​ണ് പു​തി​യ​ങ്ങാ​ടി​യി​ലെ മ​ത്സ്യ​മേ​ഖ​ല.