ഇ​വി​ടെ സേ​വ​ന​മ​ല്ല, ഉ​പ​ദ്ര​വം! വ​രു​മാ​ന സ​ർ​ട്ടി​ഫി​ക്ക​റ്റി​ന്​ ക​ടും​പി​ടിത്തം

ബ​ദി​യ​ടു​ക്ക: സ​മ​യ​ത്തി​ന് വ​രു​മാ​ന സ​ർ​ട്ടി​ഫി​ക്ക​റ്റ് ന​ൽ​കി​യി​ല്ല, പ​ഞ്ചാ​യ​ത്തം​ഗം വി​ല്ലേ​ജ് ഓ​ഫി​സ​ർ​ക്കെ​തി​രെ പ​രാ​തി. ബ​ദി​യ​ടു​ക്ക പ​ഞ്ചാ​യ​ത്ത് മെം​ബ​ർ ഡി. ​ശ​ങ്ക​ര​ന് വ​ര​മാ​ന സ​ർ​ട്ടി​ഫി​ക്ക​റ്റ് ന​ൽ​കാ​ന​ാണ് ബേ​ള വി​ല്ലേ​ജ് ഓ​ഫി​സ​ർ ശ​ശി വി​മു​ഖ​ത​കാ​ട്ടി​യ​ത്. മ​ക​ളു​ടെ വി​ദ്യാ​ഭ്യാ​സ ആ​വ​ശ്യ​ത്തി​നാ​ണ് പ​ഞ്ചാ​യ​ത്ത് മെം​ബ​ർ വ​രു​മാ​ന സ​ർ​ട്ടി​ഫി​ക്ക​റ്റി​ന് ഓ​ൺ​ലൈ​ൻ​വ​ഴി അ​പേ​ക്ഷ ന​ൽ​കി​യ​ത്. എ​ന്നാ​ൽ, രേ​ഖ​ക​ൾ കു​റ​വാ​യ​തി​നാ​ൽ റി​ജ​ക്ട് ചെ​യ്തു എ​ന്ന് പ​റ​ഞ്ഞ് ​ഫോ​ണി​ൽ മെ​സേ​ജ് വ​ന്നു. വി​ല്ലേ​ജ് ഓ​ഫി​സി​ൽ പോ​യി കാ​ര്യം തി​ര​ക്കി​യ​പ്പോ​ഴ​ണ് ത​ന്റെ പ​ഞ്ചാ​യ​ത്തി​ൽ​നി​ന്ന് ല​ഭി​ക്കു​ന്ന ഓ​ണ​റേ​റി​യ​ത്തി​ന്റെ രേ​ഖ കാ​ണി​ക്കാ​ത്ത​തി​നാ​ലാ​ണ് വ​രു​മാ​ന സ​ർ​ട്ടി​ഫി​ക്ക​റ്റ് റി​ജ​ക്ട് ചെ​യ്ത​തെ​ന്ന് അ​റി​യു​ന്ന​ത്. സാ​ധാ​ര​യാ​യി റി​ജ​ക്ട് ചെ​യ്യു​മ്പോ​ൾ ഓ​ഫി​സു​ക​ളി​ൽ​നി​ന്ന് ഫോ​ണി​ൽ വി​ളി​ച്ച് അ​റി​യി​ക്കാ​റു​ണ്ട്. വ്യാ​ഴാ​ഴ്ച കൊ​ടു​ക്കേ​ണ്ട വ​രു​മാ​ന സ​ർ​ട്ടി​ഫി​ക്ക​റ്റ് ന്യാ​യ​ങ്ങ​ൾ പ​റ​ഞ്ഞ് ത​ള്ളി നീ​ക്കി​യ​താ​ണെ​ന്നാ​ണ് പ​രാ​തി. മെം​ബ​ർ​ക്ക് സ​ർ​ക്കാ​ർ ന​ൽ​കു​ന്ന ഓ​ണ​റേ​റി​യം പ​റ​ഞ്ഞു​കൊ​ടു​ത്തി​ട്ടും ബേ​ള വി​ല്ലേ​ജ് ഓ​ഫി​സ​ർ​ക്ക് ബോ​ധ്യ​പ്പെ​ട്ടി​ല്ലെ​ന്ന കാ​ര​ണ​ത്താ​ൽ വ​രു​മാ​ന സ​ർ​ട്ടി​ഫി​ക്ക​റ്റ് ന​ൽ​കി​യി​ല്ലെ​ന്നും പ​രാ​തി​യി​ൽ പ​റ​യു​ന്ന​ത്.

രേ​ഖ​ക​ൾ കു​റ​വു​ണ്ടെ​ങ്കി​ൽ അ​പേ​ക്ഷ​യി​ൽ ന​ൽ​കു​ന്ന മൊ​ബൈ​ൽ ന​മ്പ​റി​ൽ വി​ളി​ച്ച് ആ​വ​ശ്യ​മു​ള്ള രേ​ഖ​ക​ളെ​ക്കു​റി​ച്ച് അ​റി​യി​ക്കാ​റു​ണ്ട്. എ​ന്നാ​ൽ ഇ​ത് ചോ​ദി​ക്കാ​തെ അ​പേ​ക്ഷ മ​ട​ക്കി​യ​യ​ച്ചു എ​ന്നാ​ണ് ​പ​ഞ്ചാ​യ​ത്തം​ഗം ആ​രോ​പി​ക്കു​ന്ന​ത്. ബു​ധ​നാ​ഴ്ച രേ​ഖ സ​മ​ർ​പ്പി​ക്കാ​ൻ മെം​ബ​ർ പ​ഞ്ചാ​യ​ത്തി​ൽ എ​ത്തി​യെ​ങ്കി​ലും സെ​ക്ര​ട്ട​റി എ​ത്തി​യി​രു​ന്നി​ല്ല. ‘‘സ​ർ​ക്കാ​ർ പ്ര​തി​മാ​സം ന​ൽ​കു​ന്ന തു​ക​യെ കു​റി​ച്ച് അ​റി​യാ​ൻ ഒ​രു പ്ര​യാ​സ​വു​മി​ല്ല, സെ​ക്ര​ട്ട​റി വ​ന്നാ​ൽ ഞാ​ൻ രേ​ഖ കാ​ണി​ക്കാം. വ്യാ​ഴാ​ഴ്ച കു​ട്ടി​ക്ക് വ​രു​മാ​ന സ​ർ​ട്ടി​ഫി​ക്ക​റ്റ് ആ​വ​ശ്യ​മാ​ണ​ന്ന് ബോ​ധ്യ​പ്പെ​ടു​ത്തി​യെ​ങ്കി​ലും വി​ല്ലേ​ജ് ഓ​ഫി​സ​ർ ന​ൽ​കാ​ൻ ത​യാ​റാ​യി​ല്ല. ഒ​രു പ​ഞ്ചാ​യ​ത്ത് മെം​ബ​റെ വ​ട്ടം​ക​റ​ക്കു​ന്ന വി​ല്ലേ​ജ് ഓ​ഫി​സ​ർ സാ​ധാ​ര​ണ​ക്കാ​രെ എ​ന്ത് ചെ​യ്യും’’-​ശ​ങ്ക​ര ചോ​ദി​ച്ചു. 25 വ​ർ​ഷ​മാ​യി പ​ഞ്ചാ​യ​ത്ത് ജ​ന​പ്ര​തി​നി​ധി​യാ​യി ജ​ന​ങ്ങ​ളു​ടെ ഇ​ട​യി​ലു​ണ്ട്, ആ​ദ്യ​മാ​യാ​ണ് ഇ​ത്ത​രം അ​നു​ഭ​വ​മെ​ന്നും ശ​ങ്ക​ര ‘മാ​ധ്യ​മ’​ത്തോ​ട് പ​റ​ഞ്ഞു. സം​ഭ​വ​ത്തെ​ക്കു​റി​ച്ച് റ​വ​ന്യൂ അ​ധി​കാ​രി​ക​ൾ​ക്കും പ​ട്ടി​ക​ജാ​തി വ​കു​പ്പി​നും പ​രാ​തി ന​ൽ​കു​മെ​ന്നും ശ​ങ്ക​ര അ​റി​യി​ച്ചു.