കുമ്പളയിൽ നട്ടുച്ചക്കും കൺതുറന്ന് ഹൈമാസ്റ്റ് വിളക്കുകൾ

കു​മ്പ​ള: ടൗ​ണി​ൽ ന​ട്ടു​ച്ച നേ​ര​ത്തും ക​ൺ​തു​റ​ന്ന് ഹൈ​മാ​സ്റ്റ് വിളക്കുക​ൾ. കു​മ്പ​ള ഗ​വ. ഹ​യ​ർ​സെ​ക്ക​ൻ​ഡ​റി സ്കൂ​ളി​ന് സ​മീ​പം രാ​ജ്മോ​ഹ​ൻ ഉ​ണ്ണി​ത്താ​ൻ എം.​പി​യു​ടെ വി​ക​സ​ന ഫ​ണ്ടി​ൽ​നി​ന്ന് നി​ർ​മി​ച്ച ഹൈ​മാ​സ്റ്റ് വിളക്കുക​ളാ​ണ് ഉ​ച്ച​നേ​ര​ത്തും ക​ത്തി​ക്കൊ​ണ്ടി​രി​ക്കു​ന്ന​ത്. സ​മാ​ന​മാ​യ രീ​തി​യി​ൽ കു​മ്പ​ള പ​ഞ്ചാ​യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ൽ ഹൈ​മാ​സ്റ്റുകളും തെ​രു​വ് വി​ള​ക്കു​ക​ളും രാ​പ്പ​ക​ൽ ഭേ​ദ​മ​ന്യേ ക​ത്തി​ക്കൊ​ണ്ടി​രി​ക്കു​ന്ന​ത് നി​ത്യ​കാ​ഴ്ച​യാ​ണ്. കു​മ്പ​ള ബാ​യ്ക്ക​ട്ട​യി​ൽ എ.​കെ.​എം. അ​ഷ​റ​ഫ് എം.​എ​ൽ.​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്ന് അ​നു​വ​ദി​ച്ച ഹൈ​മാ​സ്റ്റ് രാ​ത്രി​യും പ​ക​ലും ക​ത്തി​ക്കൊ​ണ്ടി​രി​ക്കു​ന്നു​ണ്ട്.

വൈ​ദ്യു​തി ഉ​പ​യോ​ഗ​ത്തി​ലെ നി​യ​ന്ത്ര​ണ​ത്തി​നു വേ​ണ്ടി കാ​മ്പ​യി​നു​ക​ൾ ന​ട​ക്കു​ന്ന സ​മ​യ​ത്ത് ത​ന്നെ​യാ​ണ് കെ.​എ​സ്.​ഇ.​ബി​യു​ടെ​യും പ​ഞ്ചാ​യ​ത്തി​ന്റെ​യും അ​നാ​സ്ഥ മൂ​ലം വൈ​ദ്യു​തി പാ​ഴാ​യി​ക്കൊ​ണ്ടി​രി​ക്കു​ന്ന​ത്. നി​ല​വി​ൽ ജി​ല്ല​യു​ടെ മി​ക്ക​പ്ര​ദേ​ശ​ങ്ങ​ളി​ലും രൂ​ക്ഷ​മാ​യ വൈ​ദ്യു​തി​ക്ഷാ​മം അ​നു​ഭ​വ​പ്പെ​ടു​ന്നു​ണ്ട്. വ​ട​ക്കു​ഭാ​ഗ​ങ്ങ​ളി​ൽ ക​ർ​ണാ​ട​ക​യി​ൽ നി​ന്നും വാ​ങ്ങു​ന്ന വൈ​ദ്യു​തി​യാ​ണ് വി​ത​ര​ണം ചെ​യ്യു​ന്ന​ത്. വൈ​ദ്യു​തി നി​യ​ന്ത്ര​ണ​വും ഉ​പ​യോ​ഗ​ത്തി​ലെ സൂ​ക്ഷ്മ​ത​യും വീ​ട്ടാ​വ​ശ്യ​ങ്ങ​ൾ​ക്കു​ള്ള വൈ​ദ്യു​തി​യി​ൽ മാ​ത്രം മ​തി​യോ എ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്. വൈ​ദ്യു​തി പാ​ഴാ​കാ​തി​രി​ക്കാ​ൻ കെ.​എ​സ്.​ഇ.​ബി​യും മ​റ്റു ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും ജാ​ഗ്ര​ത പു​ല​ർ​ത്ത​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു.