നിയന്ത്രണം വിട്ട കാർ വൈദ്യുത തൂൺ ഇടിച്ച് തകർത്തു

ഓയൂർ: മീയ്യണ്ണൂർ - നെടുമൺകാവ് റോഡിൽ നിയന്ത്രണം വിട്ട കാർ ഇലവൺ കെ.വി വൈദ്യുത തൂൺ ഇടിച്ച് തകർത്തു. യാത്രികർ നിസ്സാര പരിക്കുകളോടെ രക്ഷപെട്ടു.

വ്യാഴാഴ്ച ഉച്ചയ്ക്ക് 1.45 ന് നെടുമൺകാവ് മൂഴിയിൽ പാലത്തിന് സമീപമായിരുന്നു അപകടം. നെടുമൺകാവ് ഭാഗത്ത് നിന്നും മിണ്ണൂർ ഭാഗത്തേക്ക് പോയ കാർ നിയന്ത്രണം വിട്ട് ഇലക്ട്രിക് പോസ്റ്റിൽ ഇടിക്കുകയായിരുന്നു. വൈദ്യുതകമ്പികൾ നിലം പതിക്കാത്തത്​ രക്ഷയായി. പുലിയില സ്വദേശികളായ നാല് യുവാക്കൾ സഞ്ചരിച്ചിരുന്ന കാറാണ് അപകടത്തിൽപ്പെട്ടത്.