ഓയൂർ: പൂയപ്പള്ളി ഓട്ടുമലയിൽ ഉപേക്ഷിച്ച പാറക്വാറിയിലെ വെള്ളക്കെട്ടിൽ കുളിക്കാനിറങ്ങിയ യുവാവിനെ കാണാതായി. ഉമ്മന്നൂർ ചെപ്ര പള്ളിപടിഞ്ഞാറ്റതിൽ ജയ്മോനെ (38) യാണ് കാണാതായത്. കഴിഞ്ഞ ദിവസം ഉച്ചക്ക് 12 ഓടെ കാൽനടയായെത്തിയ നാൽവർ സംഘത്തിലെ ജയ്മോനും സുഹൃത്ത് ചെപ്ര സ്വദേശി ഉമേഷും (26) വെള്ളക്കെട്ടിൽ കുളിക്കാനിറങ്ങി. ഇതിൽ ജയ്മോൻ വെള്ളത്തിൽ താഴ്ന്നുപോകുകയും മഹേഷ് നീന്തി കരയ്ക്ക് കയറുകയും ചെയ്തു.
വെള്ളത്തിൽ നിന്ന് പൊന്തി വരാത്തതിനെത്തുടർന്ന് കൂടെയുണ്ടായിരുന്ന രണ്ടുപേർ ഓടി രക്ഷപ്പെട്ടു. ഉമേഷ് വിവരമറിയിച്ചതിനെത്തുടർന്ന് വൈകീട്ട് അഞ്ചോടെ കൊട്ടാരക്കരയിൽ നിന്ന് ഫയർഫോഴ്‌സും കൊല്ലത്തുനിന്ന് സ്കൂബാടീമും സ്ഥലത്തെത്തി. പൂയപ്പള്ളി എസ്.ഐ അഭിലാഷിെൻറ നേതൃത്വത്തിലുള്ള പൊലീസ് സംഘം രക്ഷാപ്രവർത്തനത്തിന്‌ നേതൃത്വം നൽകി. രാത്രി ഏറെ വൈകിയും രക്ഷാപ്രവർത്തനം തുടരുകയാണ്. ഇതു വരെയും ആളെ കണ്ടെത്താനായില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.