ആംബുലൻസ് കട്ടപ്പുറത്ത് മലയോര നിവാസികൾ ദുരിതത്തിൽ

പു​ന​ലൂ​ർ: തെ​ന്മ​ല കു​ടും​ബാ​രോ​ഗ്യ കേ​ന്ദ്ര​ത്തി​ലെ ആ​ബു​ല​ൻ​സ് ഗ​താ​ഗ​ത​യോ​ഗ്യ​മ​ല്ലാ​തെ ക​ട്ട​പ്പു​റ​ത്താ​യി​ട്ട് ഒ​രു വ​ർ​ഷം. മ​ല​യോ​ര-​തോ​ട്ടം​മേ​ഖ​ല​യാ​യ​തി​നാ​ൽ നി​ത്യ​വും അ​പ​ക​ട​വും മ​റ്റ് അ​ത്യാ​ഹി​ത​ങ്ങ​ളും പ​തി​വാ​ണ്.

ഇ​തി​ലു​പ​രി ഭൂ​രി​ഭാ​ഗം കു​ടും​ബ​ങ്ങ​ളും നി​ർ​ധ​ന​രും തോ​ട്ടം തൊ​ഴി​ലാ​ളി​ക​ളു​മാ​ണ്. ഇ​വ​ർ​ക്ക് അ​ത്യാ​ഹി​തം സം​ഭ​വി​ച്ചാ​ൽ ആ​ശു​പ​ത്രി​ക​ളി​ലെ​ത്തി​ക്ക​ണ​മെ​ങ്കി​ൽ മ​റ്റു വാ​ഹ​ന​ങ്ങ​ളെ ആ​ശ്ര​യി​ക്കേ​ണ്ട അ​വ​സ്ഥ​യാ​ണ്. 108 ആം​ബു​ല​ൻ​സു​ണ്ടെ​ങ്കി​ലും എ​ല്ലാ​യി​പ്പോ​ഴും പ്ര​യോ​ജ​ന​പ്പെ​ടു​ന്നി​ല്ല.

എ​ൻ. പി​താം​ബ​ര​ക്കു​റു​പ്പ് എം.​പി​യാ​യി​രു​ന്ന​പ്പോ​ഴാ​ണ് കു​ടും​ബാ​രോ​ഗ്യ കേ​ന്ദ്ര​ത്തി​ന് ആം​ബു​ല​ൻ​സ് അ​നു​വ​ദി​ച്ച​ത്. കോ​വി​ഡ് കാ​ല​ത്ത് ജ​ന​ങ്ങ​ൾ​ക്ക് പ്ര​യോ​ജ​ന​മാ​യി​രു​ന്നു. ആം​ബു​ല​ൻ​സ് ഡ്രൈ​വ​ർ​ക്കു​ള്ള ശ​മ്പ​ളം, വ​ണ്ടി​ക്ക് വ​രു​ന്ന ചെ​ല​വു​ക​ൾ എ​ന്നി​വ തെ​ന്മ​ല പ​ഞ്ചാ​യ​ത്താ​ണ് ന​ൽ​കി​യി​രു​ന്ന​ത്. ആം​ബു​ല​ൻ​സ് ഗ​താ​ഗ​ത യോ​ഗ്യ​മ​ല്ലാ​താ​യ​തോ​ടെ ഒ​രു വ​ർ​ഷം മു​മ്പാ​ണ് കൊ​ല്ല​ത്തെ വ​ർ​ക്ക്ഷോ​പ്പി​ലേ​ക്ക് മാ​റ്റി​യ​ത്. ആ​റു​മാ​സം മു​മ്പ് എ​സ്റ്റി​മേ​റ്റ് എ​ടു​ത്ത​പ്പോ​ൾ ഒ​ന്ന​ര ല​ക്ഷ​ത്തോ​ളം രൂ​പ വേ​ണ്ടി​വ​രു​മെ​ന്ന് അ​റി​യി​ച്ചു. ഇ​ത്ര​യും തു​ക പ​ഞ്ചാ​യ​ത്തി​ന് ന​ൽ​കാ​ൻ ക​ഴി​യാ​ത്ത​തോ​ടെ അ​റ്റ​കു​റ്റ​പ്പ​ണി മു​ട​ങ്ങി. ആം​ബു​ല​ൻ​സി​ന്റെ ഉ​ട​മ​സ്ഥാ​വ​കാ​ശം ജി​ല്ല ആ​രോ​ഗ്യ വ​കു​പ്പ് ഇ​തു​വ​രെ​യും പ​ഞ്ചാ​യ​ത്തി​ന് കൈ​മാ​റി​യി​ട്ടു​മി​ല്ല. ആം​ബു​ല​ൻ​സ് അ​റ്റ​കു​റ്റ​പ്പ​ണി ചെ​യ്താ​ലും കാ​ല​പ്പ​ഴ​ക്ക​ത്താ​ൽ കൂ​ടു​ത​ൽ കാ​ലം ഓ​ടി​ല്ലെ​ന്നും ബ​ന്ധ​പ്പെ​ട്ട​വ​ർ പ​റ​യു​ന്നു. അ​ടി​യ​ന്ത​ര​മാ​യി പു​തി​യ ആം​ബു​ല​ൻ​സ് അ​നു​വ​ദി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. പു​തി​യ​ത് വാ​ങ്ങാ​ൻ ഫ​ണ്ടി​ല്ലെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്ന​ത്.