മിസംപടിയില് മിനിവാനിടിച്ച് തകര്ന്ന ആംബുലന്‍സ്
കറുകച്ചാല്‍: ഹൃദ്രോഗിയുമായി പോയ ആംബുലന്‍സില്‍ പിക്അപ് വാനിടിച്ച് ആംബുലന്‍സ് ഡ്രൈവര്‍ക്ക് പരിക്ക്. വാഴൂര്‍ പുളിമൂട്ടില്‍ മനു മാത്യുവിനാണ് (27) പരിക്കേറ്റത്. തിങ്കളാഴ്ച വൈകീട്ട് മൂന്നരക്ക് ചങ്ങനാശ്ശേരി-വാഴൂര്‍ റോഡില്‍ മിസംപടിക്ക് സമീപമായിരുന്നു അപകടം.
മണിമലയില്‍നിന്ന് ഹൃദയാഘാതമുണ്ടായ രോഗിയുമായി ചെത്തിപ്പുഴയിലെ സ്വകാര്യ ആശുപത്രിയിലേക്ക് പോകുകയായിരുന്നു ആംബുലന്‍സ്. ചങ്ങനാശ്ശേരി ഭാഗത്തുനിന്ന് ദിശതെറ്റിയെത്തിയ മിനിവാന്‍ ആംബുലന്‍സില്‍ ഇടിച്ച് വട്ടംകറങ്ങിയാണ് നിന്നത്.
കാലിന് സാരമായി പരിക്കേറ്റ് വാഹനത്തിനുള്ളില്‍ കുടങ്ങിയ മനുവിനെ ഓടിക്കൂടിയ നാട്ടുകാരാണ് പുറത്തിറക്കിയത്. രോഗിക്കും ഒപ്പമുണ്ടായിരുന്നവര്‍ക്കും പരിക്കില്ല. തുടര്‍ന്ന് നാട്ടുകാര്‍ ഇവരെ ചെത്തിപ്പുഴയിലെ ആശുപത്രിയില്‍ പ്രവേശിപ്പിച്ചു. പൊലീസെത്തി വാഹനങ്ങള്‍ നീക്കിയ ശേഷമാണ് ഗതാഗതം പുനഃസ്ഥാപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.