എറണാകുളത്തേക്ക് കടത്താൻ ശ്രമിച്ച 72 ലിറ്റർ മദ്യവുമായി പിടിയിലായവർ
കറുകച്ചാൽ: വിൽപനക്കായി വാങ്ങിക്കൂട്ടിയ 72 ലിറ്റർ ബിയർ എറണാകുളത്തേക്ക് കടത്താൻ ശ്രമിക്കുന്നതിനിടയിൽ എട്ടുപേർ പിടിയിൽ.
കോട്ടുവള്ളി കൈതാരം മാപ്പിളപ്പറമ്പിൽ ലിധിൻ (27), കൊടുങ്ങല്ലൂർ പാലിയംതുരുത്ത് പരാരത്ത് ആദിഷ് (27), നോർത്ത്പറവൂർ സ്വദേശികളായ കുടിയാകുളങ്ങര ചൂളക്കപ്പറമ്പിൽ ബൈജു (39), നന്ത്യാട്ട്കുളങ്ങര ചാപ്പായിപറമ്പിൽ അശോകൻ (34), നന്ത്യാട്ടുകുളങ്ങര മഠത്തിൽപറമ്പിൽ ശ്രീജിത്ത് (27), കൊടമംഗലം പണ്ടാരപ്പറമ്പിൽ മിഥുൻ (25), പെരുമ്പടന്ന തമ്പിരാമൻപറമ്പിൽ സുജിത്ത് (38), നന്ത്യാട്ടുകുന്നം കരിയത്ത് വീട്ടിൽ ലിമോസ് (32) എന്നിവരാണ് അറസ്റ്റിലായത്. ഒരുമാസം മുമ്പാണ് ഇവർ കറുകച്ചാലിലെ ബാറിൽ നിർമാണ ജോലിക്കെത്തിയത്. ഇവിടെ നിന്നും വാങ്ങിക്കൂട്ടിയ മദ്യം മുറിയിൽ സൂക്ഷിക്കുകയായിരുന്നു.
വെള്ളിയാഴ്ച പുലർച്ച ജോലി കഴിഞ്ഞ് മദ്യക്കുപ്പികൾ ഇവരുടെ വാനിൽ കയറ്റി എറണാകുളത്തേക്ക് കടത്താൻ ശ്രമിക്കുന്നതിനിടയിലാണ് പൊലീസ് പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.