ഒമ്പത്​ ഭാഷകൾ, 4000 പുസ്തകങ്ങൾ ജില്ല ജയിലിൽ ഇനി വായനവസന്തം

കോ​ട്ട​യം: ജി​ല്ല ജ​യി​ലി​ലെ അ​ന്തേ​വാ​സി​ക​ൾ​ക്ക് കൂ​ട്ടാ​യി ഇ​നി നാ​ലാ​യി​രം പു​സ്ത​ക​ങ്ങ​ൾ. ജ​യി​ലി​ൽ ന​വീ​ക​രി​ച്ച ബ​ഹു​ഭാ​ഷാ ലൈ​ബ്ര​റി​യു​ടെ ഉ​ദ്ഘാ​ട​നം ജി​ല്ല ലീ​ഗ​ൽ സ​ർ​വി​സ് അ​തോ​റി​ട്ടി സെ​ക്ര​ട്ട​റി​യും സ​ബ് ജ​ഡ്ജു​മാ​യ ജി. ​പ്ര​വീ​ൺ കു​മാ​ർ നി​ർ​വ​ഹി​ച്ചു. വാ​യ​ന​യി​ലൂ​ടെ സ​മാ​ഹ​രി​ച്ച അ​റി​വു​ക​ൾ ജീ​വി​ത​ത്തി​ലും ജീ​വി​ത​നി​ല​വാ​ര​ത്തി​ലും മാ​റ്റ​ങ്ങ​ൾ വ​രു​ത്തു​മെ​ന്ന് അ​ദ്ദേ​ഹം പ​റ​ഞ്ഞു. വാ​യ​ന​യി​ലൂ​ടെ അ​ന്തേ​വാ​സി​ക​ളു​ടെ മാ​ന​സി​കാ​രോ​ഗ്യം ല​ക്ഷ്യ​മി​ട്ട് ജി​ല്ല സ​ബ് ക​ല​ക്ട​ർ ഓ​ഫി​സും ത​മി​ഴ്നാ​ട്ടി​ലെ കൃ​ഷ്ണ​ഗി​രി കു​ക്കു ഫോ​റ​സ്റ്റ് സ്‌​കൂ​ളും ചേ​ർ​ന്നാ​ണ് ബ​ഹു​ഭാ​ഷാ ലൈ​ബ്ര​റി ഒ​രു​ക്കി​യ​ത്.

ഒ​മ്പ​ത് ഭാ​ഷ​ക​ളി​ലാ​യി നാ​ലാ​യി​ര​ത്തോ​ളം പു​സ്ത​ക​ങ്ങ​ൾ ലൈ​ബ്ര​റി​യി​ലു​ണ്ട്. പ​ല സം​സ്ഥാ​ന​ങ്ങ​ളി​ൽ നി​ന്നു​ള്ള അ​ന്തേ​വാ​സി​ക​ൾ ആ​യ​തി​നാ​ൽ ഭാ​ഷ​യു​ടെ ബു​ദ്ധി​മു​ട്ട് ഇ​വ​ർ​ക്ക് വാ​യ​ന​ക്ക്​ ത​ട​സ്സ​മാ​കാ​തി​രി​ക്കാ​നാ​ണ് ബ​ഹു​ഭാ​ഷാ ലൈ​ബ്ര​റി ഒ​രു​ക്കി​യ​ത്. 126 പേ​രാ​ണ്​ ജ​യി​ലു​ള്ള​ത്.

പ്രി​സ​ൺ​സ് ആ​ൻ​ഡ് ക​റ​ക്ഷ​ണ​ൽ സ​ർ​വി​സ​സ് റീ​ജ​ണ​ൽ വെ​ൽ​ഫെ​യ​ർ ഓ​ഫി​സ​ർ ടി.​ജി. സ​ന്തോ​ഷ് അ​ധ്യ​ക്ഷ​ത വ​ഹി​ച്ചു. സ​ബ് ക​ല​ക്ട​ർ ഡി. ​ര​ഞ്ജി​ത്ത് മു​ഖ്യ​പ്ര​ഭാ​ഷ​ണം ന​ട​ത്തി. പ്ര​ശ​സ്ത എ​ഴു​ത്തു​കാ​ര​നും മാ​ധ്യ​മ​പ്ര​വ​ർ​ത്ത​ക​നു​മാ​യ കെ.​സി. നാ​രാ​യ​ണ​ൻ, ജി​ല്ല ജ​യി​ൽ സൂ​പ്ര​ണ്ട് വി.​ആ​ർ. ശ​ര​ത്, അ​സി. സൂ​പ്ര​ണ്ട് വി.​ജി. ഹ​രി​കു​മാ​ർ, വെ​ൽ​ഫെ​യ​ർ ഓ​ഫി​സ​ർ ജോ​ർ​ജ് ചാ​ക്കോ, കു​ക്കു ഫോ​റ​സ്റ്റ് സ്‌​കൂ​ൾ പ്ര​തി​നി​ധി അ​ൻ​പു​രാ​ജ്, പ​ബ്ലി​ക് ലൈ​ബ്ര​റി എ​ക്സി​ക്യൂ​ട്ടീ​വ് സെ​ക്ര​ട്ട​റി കെ.​സി. വി​ജ​യ​കു​മാ​ർ എ​ന്നി​വ​ർ സം​സാ​രി​ച്ചു.