കിനാലൂരിൽ എയിംസ് ഭൂമി ഏറ്റെടുക്കലിന്റെ ഭാഗമായി കാന്തലാട് വില്ലേജിൽപെട്ട സ്ഥലത്ത് റവന്യൂ - ആരോഗ്യ വകുപ്പ് ഉദ്യോഗസ്ഥ സംഘം പരിശോധനക്കെത്തിയപ്പോൾ
ബാലുശ്ശേരി: കിനാലൂരിൽ എയിംസ് ഭൂമി ഏറ്റെടുക്കലിനായുള്ള പരിശോധന തുടരുന്നു. കാന്തലാട് വില്ലേജിലെ 25 ഏക്കറോളം സ്ഥലമാണ് റവന്യൂ - ആരോഗ്യ വകുപ്പ് ഉദ്യോഗസ്ഥസംഘം പരിശോധന നടത്തിയത്. കഴിഞ്ഞ ദിവസം കിനാലൂർ വില്ലേജിൽപെട്ട ജനവാസ കേന്ദ്രങ്ങളിലും കെ.എസ്.ഐ.ഡി.സി സ്ഥലങ്ങളിലുമാണ് പരിശോധന നടത്തിയിരുന്നത്.
കാന്തലാട് വില്ലേജിൽ 100 ഏക്കർ സ്ഥലമാണ് ഏറ്റെടുക്കാനുള്ളത്. കാന്തലാട് വില്ലേജിൽപെടുന്ന കെ.എസ്.ഐ.ഡി.സി സ്ഥലവും കുറുമ്പൊയിൽ ഭാഗത്തെ സ്വകാര്യ സ്ഥലവുമാണ് വെള്ളിയാഴ്ച ഉദ്യോഗസ്ഥസംഘം പരിശോധിച്ചത്. കുറുമ്പൊയിൽ ഭാഗത്ത് മണ്ടോത്ത് മൂലയിൽ ശ്രീ ഭഗവതി ക്ഷേത്രവും ഏറ്റെടുക്കാനായുള്ള സ്ഥലത്ത് ഉൾപ്പെടുന്നുണ്ട്. ഉദ്യോഗസ്ഥ സംഘം ഇന്നും സ്ഥല പരിശോധന തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.