കുറ്റിക്കാട്ടൂരിൽ വൻ തീപിടിത്തം; ആക്രിക്കടയുടെ ഗോഡൗണിനാണ് തീപിടിച്ചത്

കു​റ്റി​ക്കാ​ട്ടൂ​ർ: പൈ​ങ്ങോ​ട്ടു​പു​റ​ത്ത് ആ​ക്രി​ക്ക​ട​യു​ടെ ഗോ​ഡൗ​ണി​ൽ വ​ൻ തീ​പി​ടി​ത്തം. പൈ​ങ്ങോ​ട്ടു​പു​റം ആ​ന​ശ്ശേ​രി ക്ഷേ​ത്ര​ത്തി​നു​സ​മീ​പ​ത്തെ കെ​ട്ടി​ട​ത്തി​ലെ ആ​ക്രി​ക്ക​ട​യു​ടെ ഗോ​ഡൗ​ണി​ലാ​ണ് ഞാ​യ​റാ​ഴ്ച രാ​ത്രി 8.45ഓ​ടെ തീ​പി​ടി​ത്ത​മു​ണ്ടാ​യ​ത്. വെ​ള്ളി​മാ​ട്കു​ന്ന്, മീ​ഞ്ച​ന്ത, ന​രി​ക്കു​നി, മുക്കം എ​ന്നി​വി​ട​ങ്ങ​ളി​ൽ​നി​ന്നെ​ത്തി​യ 10 യൂ​നി​റ്റ് അ​ഗ്‍നി​ര​ക്ഷ​സേ​ന​യെ​ത്തി തീ ​കെ​ടു​ത്താ​നു​ള്ള ശ്ര​മം രാ​ത്രി വൈ​കി​യും തു​ട​രു​ക​യാ​ണ്.

ഗോ​ഡൗ​ൺ കെ​ട്ടി​ട​ത്തി​ന​ക​ത്ത് കൂ​ട്ടി​യി​ട്ട ടി​ന്നു​ക​ളും പ്ലാ​സ്റ്റി​ക്കും അ​ട​ക്ക​മു​ള്ള സാ​ധ​ന​ങ്ങ​ൾ​ക്കാ​ണ് തീ​പി​ടി​ച്ച​ത്. ഉ​ട​ൻ​ത​ന്നെ ര​ണ്ട് യൂ​നി​റ്റ് അ​ഗ്നി​ര​ക്ഷാ​സേ​ന​യെ​ത്തി തീ​യ​ണ​ക്കാ​നു​ള്ള ശ്ര​മം തു​ട​ങ്ങി. തീ ​നി​യ​ന്ത്ര​ണ​വി​ധേ​യ​മാ​ക്കാ​ൻ ക​ഴി​യി​ല്ലെ​ന്ന് വ​ന്ന​തോ​ടെ കൂ​ടു​ത​ൽ യൂ​നി​റ്റു​ക​ൾ എ​ത്തു​ക​യാ​യി​രു​ന്നു. സ​മീ​പ​ത്തെ കെ​ട്ടി​ട​ത്തി​ൽ ഒ​മ്പ​ത് ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ണ്ടാ​യി​രു​ന്നു. ഇ​വ​രാ​ണ് തീ​പി​ടി​ത്തം ക​ണ്ട​ത്.

മ​ഴ​യും ശ​ക്ത​മാ​യ മി​ന്ന​ലു​മു​ണ്ടാ​യ സ​മ​യ​ത്താ​ണ് തീ​പി​ടി​ത്തം. മി​ന്ന​ലി​ൽ വൈ​ദ്യു​തി​ലൈ​നി​ൽ സ്പാ​ർ​ക്ക് ക​ണ്ട​താ​യി ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ പ​റ​ഞ്ഞു.

മൂ​ഴി​ക്ക​ൽ സ്വ​ദേ​ശി​യു​ടേ​താ​ണ് ആ​ക്രി​ക്ക​ട​യെ​ന്നാ​ണ് വി​വ​രം. സ​മീ​പ​ത്ത് വാ​ട​ക​സാ​ധ​ന​ങ്ങ​ൾ സൂ​ക്ഷി​ച്ച ക​ട​യും കു​റ​ച്ചു ദൂ​രെ വീ​ടു​ക​ളു​മു​ണ്ട്. ഇ​വി​ടേ​ക്ക് തീ​പ​ട​രാ​തി​രി​ക്കാ​നാ​ണ് ശ്ര​മം. മെ​ഡി​ക്ക​ൽ​കോ​ള​ജ്, കു​ന്ദ​മം​ഗ​ലം പൊ​ലീ​സും സ്ഥ​ല​ത്തെ​ത്തി.